完整藏文原文 · 德格版页 当前仅加载第 52 函德格 105b 版页；藏文 NFD、目录标记与异常页序保留在来源切片中，重复版页行以稳定序号区分。
ལས་མི་དགེ་བའི་ཆོས་ལྕི་བ་དང་། ཡང་བ་དང་། ཉེས་བྱས་ཀྱི་བར་དུ་རང་བཞིན་གྱིས་ལྕི་བ་ཡིན་པས་བདག་ཅག་ནི་འདུལ་བ་ལས་འགལ་བར་མི་བྱེད་དེ། བདག་ཅག་ནི་ཡུན་རིང་པོ་ནས་བཟོད་ཀྱང་ཆོས་འདི་དག་ལ་ཁྱེད་ནི་ཡིད་མི་ཆེས་ན། བདག་ཅག་གིས་
D119.052.0105b01.01ཇི་སྐད་དུ་བདག་ཅག་གིས་འདུལ་བ་བཏང་སྟེ། ཁྱེད་ཀྱི་འདུལ་བའི་རྗེས་སུ་འཇུག་པར་བྱ། ཁྱེད་ཀྱི་འདུལ་བ་ནི་བདུད་ཀྱིས་བསྟན་པ་ཡིན་གྱི། བདག་ཅག་གི་མདོ་སྡེ་དང་འདུལ་བ་ནི་སངས་རྒྱས་ཀྱིས་བཅས་པ་ཡིན་ནོ། །དེ་བཞིན་གཤེགས་པས་སྔར་
D119.052.0105b02.01གསུངས་པའི་གསུང་རབ་དགུ་པོ་ཡང་བདག་ཅག་གི་མདོ་སྡེ་དང་འདུལ་བ་དགུ་པོ་ལ་ངེས་པར་གསུངས་ཀྱི། ཤིན་ཏུ་རྒྱས་པའི་མདོ་སྡེ་ནི་ཚིག་གཅིག་གམ། ཡི་གེ་གཅིག་ཙམ་ཡང་མ་ཐོས་སོ། །དེ་བཞིན་གཤེགས་པས་གསུངས་པའི་མདོ་སྡེ་དང་འདུལ་
D119.052.0105b03.01བ་ནི་ཚད་ཀྱང་མ་མཆིས་ན་ཤིན་ཏུ་རྒྱས་པའི་མདོ་སྡེ་ཞེས་མི་འབྱུང་སྟེ། དེ་དག་ལས་ནི་གསུང་རབ་མདོ་སྡེ་བཅུ་ཡོད་དོ་ཞེས་མ་ཐོས་སོ། །ཅི་སྟེ་ཡོད་ན་གདོན་མི་ཟ་བར་ལྷ་སྦྱིན་གྱིས་བྱས་པ་ཡིན་པར་རིག་པར་བྱའོ། །ལྷ་སྦྱིན་ངན་པ་དགེ་བའི་ཆོས་གཞིག་པའི་
D119.052.0105b04.01ཕྱིར་ཤིན་ཏུ་རྒྱས་པའི་མདོ་སྡེ་བྱས་ཏེ། བདག་ཅག་ནི་མདོ་སྡེ་བདུད་ཀྱིས་བསྟན་པ་ཡིན་པས་ན་ཡིད་མི་ཆེས་སོ། །དེ་ཅིའི་ཕྱིར་ཞེ་ན། ཆོས་གཞིག་ཅིང་གཅིག་ལ་གཅིག་གིས་སྐྱོན་འདོགས་པའི་ཚིག་དེ་ལྟ་བུ་ནི་ཁྱེད་ཀྱི་མདོ་སྡེ་ལས་འབྱུང་གི་བདག་ཅག་
D119.052.0105b05.01གི་མདོ་སྡེ་ལ་མེད་དོ། །བདག་ཅག་གི་མདོ་སྡེ་དང་འདུལ་བ་དེ་བཞིན་གཤེགས་པས་གསུངས་པ་ལས་གསང་བར་འདི་སྐད་ཅེས་འབྱུང་སྟེ། ང་ཡོངས་སུ་མྱ་ངན་ལས་འདས་ནས་དུས་ངན་པའི་ཚེ་མདོ་སྡེ་དང་། འདུལ་བ་ཡང་དག་པ་མ་ཡིན་པ་ཐེག་པ་ཆེན་
D119.052.0105b06.01པོ་ཤིན་ཏུ་རྒྱས་པའི་མདོ་ཞེས་བྱ་བ་འབྱུང་ངོ་། །ཞེས་སྨྲ་བ་མ་འོངས་པའི་དུས་ན་དེ་ལྟ་བུའི་དགེ་སློང་སྡིག་པ་ཅན་དག་འབྱུང་ངོ་། །ངས་ཡང་འདི་སྐད་དུ་གསུངས་ཏེ། གསུང་རབ་སྡེ་དགུ་ལ་མ་གཏོགས་པ་ཤིན་ཏུ་རྒྱས་པའི་མདོ་སྡེ་ཡོད་པར་གསུངས་སོ། །
D119.052.0105b07.01