完整藏文原文 · 德格版页 当前仅加载第 52 函德格 78b 版页；藏文 NFD、目录标记与异常页序保留在来源切片中，重复版页行以稳定序号区分。
ནི་ཡང་དག་པར་རྣམ་པར་གྲོལ་བའོ། །ཡང་དག་པར་རྣམ་པར་གྲོལ་བ་ནི་དེ་བཞིན་གཤེགས་པའོ། །གཞན་ཡང་རྣམ་པར་གྲོལ་བ་ཞེས་བྱ་བ་ནི་བླང་དུ་མེད་པའོ། །དཔེར་ན་ཤིང་ཐོག་ཨ་མྲའི་འབྲས་བུ་ནི་བླང་ཞིང་གཟུང་དུ་ཡོད་དོ། །རྣམ་པར་གྲོལ་བ་ནི་དེ་ལྟ་མ་ཡིན་ཏེ།
D119.052.0078b01.01བླང་ཞིང་གཟུང་དུ་མེད་དོ། །བླང་ཞིང་གཟུང་དུ་མེད་པ་ནི་ཡང་དག་པར་རྣམ་པར་གྲོལ་བའོ། །ཡང་དག་པར་རྣམ་པར་གྲོལ་བ་ནི་དེ་བཞིན་གཤེགས་པའོ། །གཞན་ཡང་རྣམ་པར་གྲོལ་བ་ཞེས་བྱ་བ་ནི་གཟུང་དུ་མེད་པའོ། །དཔེར་ན་སྒྱུ་མ་ནི་གཟུང་དུ་མེད་དེ། རྣམ་པར་
D119.052.0078b02.01གྲོལ་བ་ཡང་དེ་དང་འདྲ་སྟེ་གཟུང་དུ་མེད་དོ། །གཟུང་དུ་མེད་པ་ནི་ཡང་དག་པར་རྣམ་པར་གྲོལ་བའོ། །ཡང་དག་པར་རྣམ་པར་གྲོལ་བ་ནི་དེ་བཞིན་གཤེགས་པའོ། །གཞན་ཡང་རྣམ་པར་གྲོལ་བ་ནི་ལུས་ཀྱི་དངོས་པོ་མེད་པའོ། །དཔེར་ན་མི་ལ་ལུས་ཡོད་པས་ཤུ་བ་དང་
D119.052.0078b03.01མཛེ་དང་སྐེམ་པ་དང་སྨྱོ་བ་ལ་སོགས་པ་ཡོད་དོ། །ཡང་དག་པར་རྣམ་པར་གྲོལ་བ་ལ་ནི་དེ་དང་འདྲ་བའི་ནད་རྣམས་མེད་དོ། །གང་ནད་དེ་དག་མེད་པ་ནི་ཡང་དག་པར་རྣམ་པར་གྲོལ་བའོ། །ཡང་དག་པར་རྣམ་པར་གྲོལ་བ་ནི་དེ་བཞིན་གཤེགས་པའོ། །གཞན་ཡང་
D119.052.0078b04.01རྣམ་པར་གྲོལ་བ་ནི་རོ་གཅིག་པའོ། །ཇི་ལྟར་འོ་མ་རོ་གཅིག་པ་བཞིན་དུ་རྣམ་པར་གྲོལ་བ་ཡང་དེ་དང་འདྲ་སྟེ། རོ་གཅིག་གོ། །རོ་གཅིག་པ་ནི་རྣམ་པར་གྲོལ་བའོ། །ཡང་དག་པར་རྣམ་པར་གྲོལ་བ་ནི་དེ་བཞིན་གཤེགས་པའོ། །གཞན་ཡང་རྣམ་པར་གྲོལ་བ་ནི་ཡོངས་སུ་
D119.052.0078b05.01དག་པའོ། །དཔེར་ན་ཆུ་མ་རྙོགས་པ་ནི་ཤིན་ཏུ་དག་ཅིང་དང་བའོ། །རྣམ་པར་གྲོལ་བ་ཡང་དེ་དང་འདྲ་སྟེ་ཡོངས་སུ་དག་ཅིང་དང་བའོ། །ཡོངས་སུ་དག་ཅིང་དང་བ་ནི་ཡང་དག་པར་རྣམ་པར་གྲོལ་བའོ། །ཡང་དག་པར་རྣམ་པར་གྲོལ་བ་ནི་དེ་བཞིན་གཤེགས་པའོ། །གཞན་
D119.052.0078b06.01ཡང་རྣམ་པར་གྲོལ་བ་ནི་རོ་གཅིག་པའོ། །དཔེར་ན་ནམ་མཁའ་ལས་འབབ་པའི་ཆར་པ་ནི་རྣམ་པར་དག་ཅིང་རོ་གཅིག་གོ། །རྣམ་པར་གྲོལ་བ་ཡང་དེ་དང་འདྲ་སྟེ་རྣམ་པར་དག་ཅིང་རོ་གཅིག་གོ། །རྣམ་པར་དག་ཅིང་རོ་གཅིག་པ་ནི་ཡང་དག་པར་རྣམ་པར་གྲོལ་བའོ། །ཡང་
D119.052.0078b07.01