完整藏文原文 · 德格版页 当前仅加载第 52 函德格 115a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ནི་གང་འདི་སྐད་དུ་ངའི་ལུས་འདི་ལ་གཅིག་ཙམ་ཡང་མི་གཙང་བ་མེད་དེ། མི་གཙང་བ་མེད་པས་ན་གདོན་མི་ཟ་བར་ཡོངས་སུ་དག་པའི་གནས་སུ་ཕྱིན་པར་འགྱུར་ཏེ། དེ་བཞིན་གཤེགས་པས་མི་གཙང་བ་སྒོམ་པ་ལ་ནན་ཏན་གྱིས་ཤིག་ཅེས་
D119.052.0115a01.01གསུངས་པའང་{བརྫུན་,རྫུན་}ནོ་ཞེས་སྨྲ་ན་ཕྱིན་ཅི་ལོག་ཅེས་བྱ་སྟེ། འདི་ནི་ཕྱིན་ཅི་ལོག་བཞི་ཞེས་བྱའོ། །བྱང་ཆུབ་སེམས་དཔའ་འོད་སྲུང་གིས་ཡང་བཅོམ་ལྡན་འདས་ལ་གསོལ་པ། བདག་ཅག་ནི་སྔོན་ངན་པར་ལྟ་བ་ལས་གདོད་ཡང་དག་པར་ལྟ་བར་གྱུར་ཏོ། །བཅོམ་ལྡན་འདས་
D119.052.0115a02.01སྲིད་པ་ཉི་ཤུ་ལྔ་པོ་ལ་བདག་ཅེས་བགྱི་བ་མཆིས་སམ་མ་མཆིས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་བདག་ཅེས་བྱ་བ་ནི་དེ་བཞིན་གཤེགས་པའི་སྙིང་པོའི་དོན་ཏོ། །སེམས་ཅན་ཐམས་ཅད་ལ་སངས་རྒྱས་ཀྱི་རང་བཞིན་ཡོད་པ་ནི་བདག་ཅེས་བྱ་བའི་
D119.052.0115a03.01དོན་ཏོ། །དེ་ལྟར་བདག་ཅེས་བྱ་བའི་དོན་ནི་ཐོག་མ་མེད་པའི་དུས་ནས་ཚད་མེད་པའི་ཀུན་ནས་ཉོན་མོངས་པས་རྣམ་པར་བསྒྲིབས་ཏེ། དེ་བས་ན་སེམས་ཅན་དག་མཐོང་བར་མ་གྱུར་ཏོ། །རིགས་ཀྱི་བུ་འདི་ལྟ་སྟེ། དཔེར་ན་བུད་མེད་དབུལ་མོ་ཞིག་ཁང་པའི་ནང་ན་
D119.052.0115a04.01གསེར་གྱི་གཏེར་ཡོད་ཀྱང་ཐམས་ཅད་ཀྱིས་ཡོད་པར་མི་ཤེས་པ་ལས་ཕྱིས་སྐྱེས་བུ་ཤིན་ཏུ་ཐབས་ལ་མཁས་པ་གཅིག་གིས་བུད་མེད་དབུལ་མོ་ལ་འདི་སྐད་དུ། བུ་མོ་ཁྱོད་ཁོ་བོའི་ཕྱག་དར་བར་གླ་ཟ་ནུས་སམ། བུད་མེད་དེས་སྨྲས་པ། ཁོ་མོས་མི་ནུས་སོ། །ཅི་སྟེ་
D119.052.0115a05.01ཁྱོད་ཀྱིས་ཁོ་མོའི་བུས་གསེར་གྱི་གཏེར་ཞིག་སྦས་པ་བསྟན་ནུས་ན་ཁྱོད་ཀྱི་ལས་བྱའོ། །སྐྱེས་བུ་དེས་སྨྲས་པ། ཁོ་བོ་ནི་ཤིན་ཏུ་ཐབས་མཁས་པས་ཁྱོད་ཀྱི་བུས་སྦས་པའི་གསེར་གྱི་གཏེར་ཁོ་བོས་ཤེས་ཀྱིས་བསྟན་ཏོ། །བུད་མེད་དེས་སྨྲས་པ། ཁོ་མོའི་ཁྱིམ་གང་གི་མི་ཆེ་
D119.052.0115a06.01ཕྲ་ཐམས་ཅད་ཀྱིས་ཀྱང་མི་ཤེས་ན་ཅིག་ཁྱོད་ཀྱིས་ཤེས་སམ། སྐྱེས་བུ་དེས་སྨྲས་པ། ཁོ་བོས་ནི་ཐེ་ཙོམ་མེད་པར་ཤེས་སོ། །བུད་མེད་དེས་སྨྲས་པ། ཁོ་མོ་ད་མཐོང་བར་འདོད་ཀྱིས་སྟོན་ཅིག །དེ་ནས་སྐྱེས་བུ་དེས་ཁོ་མོའི་ཁང་པར་ཞུགས་ནས་གསེར་གྱི་གཏེར་བྲུས་ཏེ་བུད་མེད་དེ་
D119.052.0115a07.01