完整藏文原文 · 德格版页 当前仅加载第 52 函德格 204a 版页；藏文 NFD、目录标记与异常页序保留在来源切片中，重复版页行以稳定序号区分。
མར་མི་ལེན་པས་ན་མཐར་ཕྱིན་པ་རབ་ཏུ་ཞི་བ་ཡང་དག་པའི་བདེན་པ་ཞེས་བྱའོ། །རིགས་ཀྱི་བུ་དེ་ལྟར་ན་བྱང་ཆུབ་སེམས་དཔའི་ཐེག་པ་ཆེན་པོ་ཡོངས་སུ་མྱ་ངན་ལས་འདས་པའི་མདོ་སྡེ་ལ་གནས་པ་ན་འགོག་པའི་འཕགས་པའི་བདེན་པ་ལ་
D119.052.0204a01.01ཡོངས་སུ་རྟོག་པ་ཞེས་བྱའོ། །རིགས་ཀྱི་བུ་དེ་ལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཐེག་པ་ཆེན་པོ་ཡོངས་སུ་མྱ་ངན་ལས་འདས་པ་ལ་གནས་པ་ན་ལམ་གྱི་འཕགས་པའི་བདེན་པ་རྟོག་པ་ཡིན་ཞེ་ན། རིགས་ཀྱི་བུ་དཔེར་ན་མུན་ཁུང་གི་ནང་དུ་མེ་
D119.052.0204a02.01མར་བྱུང་ན་དེའི་ནང་ན་དངོས་པོ་ཆེན་པོ་དང་ཆུང་ངུ་ཀུན་མཐོང་བར་འགྱུར་རོ། །བྱང་ཆུབ་སེམས་དཔའ་སེམས་དཔའ་ཆེན་པོ་ཡང་དེ་དང་འདྲ་སྟེ། ཐེག་པ་ཆེན་པོ་ཡོངས་སུ་མྱ་ངན་ལས་འདས་པའི་མདོ་ལ་གནས་པ་དག་འཕགས་པའི་ལམ་བརྒྱད་ཀྱི་རྐྱེན་གྱིས་
D119.052.0204a03.01ཆོས་ཐམས་ཅད་མཐོང་བར་འགྱུར་རོ། །འདི་ལྟ་སྟེ་རྟག་པ་དང་། མི་རྟག་པ་དང་། འདུས་བྱས་དང་། འདུས་མ་བྱས་དང་། སེམས་ཅན་དང་སེམས་ཅན་མ་ཡིན་པ་དང་། དངོས་པོ་དང་དངོས་པོ་མ་ཡིན་པ་དང་། བདེ་བ་དང་སྡུག་བསྔལ་དང་། བདག་
D119.052.0204a04.01དང་བདག་མེད་པ་དང་། གཙང་བ་དང་མི་གཙང་བ་དང་། ཉོན་མོངས་པ་དང་ཉོན་མོངས་པ་མ་ཡིན་པ་དང་། ལས་དང་ལས་མ་ཡིན་པ་དང་། བདེན་པ་དང་བདེན་པ་མ་ཡིན་པ་དང་། ཐེག་པ་དང་ཐེག་པ་མ་ཡིན་པ་དང་། ཤེས་པ་དང་ཤེས་པ་མ་ཡིན་པ་དང་།
D119.052.0204a05.01ཡོན་ཏན་དང་ཡོན་ཏན་མ་ཡིན་པ་དང་། བདག་པོ་དང་བདག་པོ་མ་ཡིན་པ་དང་། མཐོང་བ་དང་མཐོང་བ་མ་ཡིན་པ་དང་། གཟུགས་དང་གཟུགས་མ་ཡིན་པ་དང་། ལམ་དང་ལམ་མ་ཡིན་པ་དང་། ཤེས་རབ་དང་ཤེས་རབ་མ་ཡིན་པ་རྣམས་སོ། །
D119.052.0204a06.01རིགས་ཀྱི་བུ་དེ་ལྟར་ན་བྱང་ཆུབ་སེམས་དཔའ་ཐེག་པ་ཆེན་པོ་ཡོངས་སུ་མྱ་ངན་ལས་འདས་པའི་མདོ་ལ་གནས་པ་ན་འཕགས་པའི་ལམ་གྱི་བདེན་པ་ལ་ཡོངས་སུ་རྟོག་པ་ཞེས་བྱའོ། །བྱང་ཆུབ་སེམས་དཔའ་འོད་སྲུང་གིས་ཡང་བཅོམ་ལྡན་འདས་ལ་འདི་སྐད་ཅེས་
D119.052.0204a07.01