完整藏文原文 · 德格版页 当前仅加载第 52 函德格 311b 版页；藏文 NFD、目录标记与异常页序保留在来源切片中，重复版页行以稳定序号区分。
ཞེ་སྡང་རྩ་བ་ནས་བཏོན་པ་མ་ལགས་ཀྱི། སོར་མོས་བརྒྱན་ངན་སེམས་ཀྱིས་གནོད་པར་བྱས་པ་ཡང་མ་བཀོལ་ཏེ་སྐྱབས་མཛད་དོ། །ཤེས་རབ་དང་ལྡན་པ་སྐྱེས་པ་འབའ་ཞིག་ལ་ཆོས་སྟོན་པ་མ་ལགས་ཀྱི། ཤིན་ཏུ་གླེན་པ་བུད་མེད་གཡེམ་པ། གཡེམ་པའི་ཆོས་ལ་མཁས་པ་ལ་ཡང་
D119.052.0311b01.01ཆོས་སྟོན་ཏོ། །རབ་ཏུ་འབྱུང་བའི་འཁོར་བཞི་པོ་འབའ་ཞིག་གིས་བྱང་ཆུབ་ཀྱི་འབྲས་བུ་ཐོབ་པ་མ་ལགས་ཀྱི། ཁྱིམ་ན་གནས་པས་ཀྱང་འབྲས་བུ་གསུམ་ཐོབ་པར་མཛད་དོ། །སུ་ཏ་ན་ལ་སོགས་པ་འདུ་འཛི་ཡོངས་སུ་སྤངས་པས་མཐར་སེམས་རྩེ་གཅིག་པ་འབའ་ཞིག་
D119.052.0311b02.01ལ་ཆོས་ཀྱི་དོན་སྟོན་པ་མ་ལགས་ཀྱི། རྒྱལ་པོ་གཟུགས་ཅན་སྙིང་པོ་ལ་སོགས་པ་ཡུལ་གྱི་སྲིད་བྱེད་པ་ལ་ཡང་ཆོས་ཀྱི་དོན་སྟོན་ཏོ། །ཆང་ཡོངས་སུ་བཅད་པ་འབའ་ཞིག་ལ་མ་ལགས་ཀྱི། ཁྱིམ་བདག་དྲག་པོ་ཆང་གིས་ཤིན་ཏུ་མྱོས་པ་ལ་ཡང་ཆོས་སྟོན་ཏོ། །ཏིང་ངེ་འཛིན་ལ་
D119.052.0311b03.01མཉམ་པར་བཞག་པ་ལི་པ་ཏ་ལ་སོགས་པ་འབའ་ཞིག་ལ་མ་ལགས་ཀྱི། བུ་ཤི་ནས་སེམས་འཁྲུགས་པ་བྲམ་ཟེ་མོ་བ་སི་ཏ་ལ་ཡང་ཆོས་སྟོན་ཏོ། །བདག་གི་ཉེ་གནས་འབའ་ཞིག་ལ་མ་ཡིན་གྱི། མུ་སྟེགས་ཅན་གཅེར་བུ་པ་ལ་ཡང་ཆོས་སྟོན་ཏོ། །ཤིན་ཏུ་ལང་ཚོ་ལ་
D119.052.0311b04.01བབ་པ་ཉི་ཤུ་ལྔ་ལོན་པ་འབའ་ཞིག་ལ་མ་ལགས་ཀྱི། རྒས་འཁོགས་པ་ལོ་བརྒྱད་ཅུ་ལོན་པ་ལ་ཡང་ཆོས་སྟོན་ཏོ། །དབང་པོ་ཡོངས་སུ་སྨིན་པའི་གང་ཟག་འབའ་ཞིག་ལ་མ་ལགས་ཀྱི། དགེ་བའི་རྩ་བ་མ་སྨིན་པ་ལ་ཡང་ཆོས་སྟོན་ཏོ། །བཙུན་མོ་ཕྲེང་ལྡན་མ་འབའ་ཞིག་
D119.052.0311b05.01ལ་ཆོས་སྟོན་པ་མ་ལགས་ཀྱི། སྦྲུལ་འཚོང་མ་པད་མོ་ལ་ཡང་ཆོས་སྟོན་ཏོ། །རྒྱལ་པོ་སྡེ་རབ་ཏུ་ཕམ་བྱེད་ཀྱིས་ཕུལ་བའི་ཞལ་ཟས་རོ་མཆོག་བརྒྱད་དང་ལྡན་པའི་འབའ་ཞིག་བཞེས་པ་མ་ལགས་ཀྱི། ཁྱིམ་བདག་ཤྲཱི་གུ་པ་ཏས་ཞལ་ཟས་དུག་དང་བསྲེས་ཏེ་ཕུལ་བ་ཡང་བཞེས་
D119.052.0311b06.01སོ། །རྒྱལ་པོ་ཆེན་པོ་འདི་ལྟར་རིག་པར་གྱིས་ཤིག །ཤྲཱི་གུ་པ་ཏ་ཞེས་པ་ནི་སྔོན་འདས་པའི་དུས་ན་ཡང་མཚམས་མེད་པ་བྱས་པའི་ལས་ཀྱི་རྒྱུ་ཡོད་དེ། སངས་རྒྱས་དང་ཕྲད་ནས་ཆོས་ཐོས་པས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་གྱུར་ཏོ། །
D119.052.0311b07.01