完整藏文原文 · 德格版页 当前仅加载第 52 函德格 133a 版页；藏文 NFD、目录标记与异常页序保留在来源切片中，重复版页行以稳定序号区分。
བ་དང་། མི་རྟག་པ་དང་། བདག་མེད་པ་ཡང་དེ་དང་འདྲ་སྟེ་མི་འབྲལ་ལོ། །བྱང་ཆུབ་སེམས་དཔའ་འོད་སྲུང་གིས་བཅོམ་ལྡན་འདས་ལ་གསོལ་པ། བཅོམ་ལྡན་འདས་ཇི་ལྟར་ན་སྡུག་བསྔལ་བ་དང་མི་རྟག་པ་དང་བདག་མེད་པ་ལ་བྱ་ངུར་པ་དང་བྱ་ཀ་
D119.052.0133a01.01ལན་ད་ཀ་ལྟ་བུ་ཞེས་བགྱི། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་སྡུག་བསྔལ་གྱི་ཆོས་ཀྱང་གཞན་ལ། བདེ་བའི་ཆོས་ཀྱང་གཞན། རྟག་པའི་ཆོས་ཀྱང་གཞན་ལ། མི་རྟག་པའི་ཆོས་ཀྱང་གཞན། བདག་ཅེས་བགྱི་བའི་ཆོས་ཀྱང་གཞན་ལ།
D119.052.0133a02.01བདག་མེད་པའི་ཆོས་ཀྱང་གཞན་ནོ། །དཔེར་ན་འབྲས་ནི་ནས་ལས་གཞན་ལ། ནས་ཀྱང་སྲན་མ་དང་བུ་རམ་ཤིང་ལས་གཞན་ནོ། །དེ་ལྟར་རྣམ་པ་དེ་དག་ཐོག་མ་མྱུ་གུ་བྱུང་བ་ནས་ལོ་མ་དང་མེ་ཏོག་གི་བར་དུ་ནི་མི་རྟག་གོ། །འབྲས་བུར་སྨིན་ནས་མིས་ཡོངས་སུ་སྤྱོད་པ་
D119.052.0133a03.01ན་རྟག་པ་ཞེས་བྱའོ། །དེ་ཅིའི་ཕྱིར་ཞེ་ན། མཚན་ཉིད་ཀྱིས་ཡང་དག་པ་བདེན་པའི་ཕྱིར་རོ། །བྱང་ཆུབ་སེམས་དཔའ་འོད་སྲུང་གིས་བཅོམ་ལྡན་འདས་ལ་གསོལ་པ། བཅོམ་ལྡན་འདས་དེ་ལྟར་དངོས་པོ་དེ་དག་རྟག་པ་ལགས་ན་དེ་བཞིན་གཤེགས་པ་དེ་དང་འདྲ་བ་
D119.052.0133a04.01ལགས་སམ། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དེ་སྐད་ཅེས་མ་ཟེར་ཅིག །དེ་ཅིའི་ཕྱིར་ཞེ་ན། དེ་བཞིན་གཤེགས་པ་ལ་རི་རབ་རིའི་རྒྱལ་པོ་དང་འདྲའོ་ཞེས་བྱ་ན་ཅི་བསྐལ་པས་བཤིག་པའི་ཚེ། རི་རབ་ལྷུན་པོ་ནི་འཇིག་ཅིང་རྙིལ་བར་འགྱུར་ན་དེ་
D119.052.0133a05.01བཞིན་གཤེགས་པ་ཡང་དེའི་ཚེ་འཇིག་པར་འགྱུར་རམ། རིགས་ཀྱི་བུ་ཁྱོད་ཀྱིས་ནི་དོན་དེ་དག་ཞུ་བར་མི་བྱའོ། །རིགས་ཀྱི་བུ་ཆོས་ཐམས་ཅད་ཀྱི་ནང་ན་མྱ་ངན་ལས་འདས་པ་མ་གཏོགས་པར་ཆོས་གཅིག་ཀྱང་རྟག་ཅེས་པ་མེད་དེ། ཀུན་རྫོབ་ཏུ་འབྲས་བུ་ནི་རྟག་ཅེས་གསུངས་སོ། །
D119.052.0133a06.01བྱང་ཆུབ་སེམས་དཔའ་འོད་སྲུང་གིས་བཅོམ་ལྡན་འདས་ལ་གསོལ་པ། བཅོམ་ལྡན་འདས་ལེགས་སོ་ཤིན་ཏུ་ལེགས་སོ། །བཅོམ་ལྡན་འདས་ཀྱིས་གསུངས་པ་བཞིན་ནོ། །བཅོམ་ལྡན་འདས་ཀྱིས་འོད་སྲུང་ལ་བཀའ་སྩལ་པ། དེ་དེ་བཞིན་ཏེ། དེ་དེ་བཞིན་ནོ། །
D119.052.0133a07.01