完整藏文原文 · 德格版页 当前仅加载第 52 函德格 191a 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་ཕྲོགས་ཏེ་ཁྱིམ་སྟོངས་པར་བྱེད་དོ། །རིགས་ཀྱི་བུ་གཞོན་དར་བའི་མདོག་བཟང་པོ་ཡང་དེ་དང་འདྲ་སྟེ། རྟག་ཏུ་རྒ་བའི་དགྲས་རྐུ་ཞིང་འཕྲོག་གོ། །རིགས་ཀྱི་བུ་གཞན་ཡང་འདི་ལྟ་སྟེ་དཔེར་ན། མི་དབུལ་པོ་ཞིག་ཟས་བཟང་པོ་དང་གོས་
D119.052.0191a01.01འཇམ་པོ་ལ་ཆགས་ཏེ། རྟག་ཏུ་རེ་ཡང་རྙེད་པར་མི་འགྱུར་རོ། །རིགས་ཀྱི་བུ་རྒས་པ་ཡང་དེ་དང་འདྲ་སྟེ། འདོད་པ་ལྔའི་བདེ་སྐྱིད་ལ་ཡིད་བཞིན་དུ་ལོངས་སྤྱོད་པར་འདོད་མོད་ཀྱི་མི་ནུས་སོ། །འོད་སྲུང་གཞན་ཡང་འདི་ལྟ་སྟེ་དཔེར་ན། སྐམ་ས་ལ་འདུག་པའི་
D119.052.0191a02.01རུས་སྦལ་ནི། སེམས་ལ་རྟག་ཏུ་ཆུ་དྲན་ནོ། །རིགས་ཀྱི་བུ་མི་ཡང་དེ་དང་འདྲ་སྟེ། རྒས་འཁོགས་པས་ཡོངས་སུ་བསྐམས་ནས། སེམས་ལ་རྟག་ཏུ་གཞོན་དར་བའི་འདོད་པ་ལྔའི་བདེ་བ་དྲན་ནོ། །རིགས་ཀྱི་བུ་གཞན་ཡང་འདི་ལྟ་སྟེ། དཔེར་ན། སྟོན་གྱི་དུས་སུ་མེ་ཏོག་
D119.052.0191a03.01པད་མོ་ཁ་བྱེ་བ་ལ་ནི། ཐམས་ཅད་འདོད་དེ་ཡིད་དུ་འོང་ངོ་། །རྙིངས་ཏེ་སེར་པོར་སོང་ནས་ཐམས་ཅད་ཀྱིས་མི་འདོད་དོ། །རིགས་ཀྱི་བུ་གཞོན་དར་བའི་མདོག་བཟང་པོ་ཡང་དེ་དང་འདྲ་སྟེ། ཐམས་ཅད་ཀྱིས་འདོད་ཅིང་དགའ་བ་ལས་རྒས་པར་གྱུར་ན། ཐམས་ཅད་ཀྱི་ཡིད་
D119.052.0191a04.01དུ་མི་འོང་སྟེ་མི་འདོད་དོ། །འོད་སྲུང་གཞན་ཡང་འདི་ལྟ་སྟེ། དཔེར་ན། བུ་རམ་ཤིང་བཙིར་ཟིན་པའི་ཚིགས་མ་ནི་རོ་མེད་པ་ཡིན་ནོ། །རིགས་ཀྱི་བུ་གཞོན་དར་བའི་མདོག་ཀྱང་དེ་དང་འདྲ་སྟེ། རྒས་རྒུད་པས་ཁེབས་པས་ན། རབ་ཏུ་འབྱུང་བའི་རོ་དང་། ཀློག་ཅིང་འདོན་
D119.052.0191a05.01པའི་རོ་དང་། བསམ་གཏན་གྱི་རོ་དང་། རོ་གསུམ་པོ་མེད་པར་འགྱུར་རོ། །འོད་སྲུང་གཞན་ཡང་འདི་ལྟ་སྟེ་དཔེར་ན། ཟླ་བ་རྒྱས་པ་ནི་མཚན་མོ་ཤིན་ཏུ་སྣང་ཞིང་གསལ་གྱི་ཉིན་པར་ནི་མ་ཡིན་ནོ། །རིགས་ཀྱི་བུ་མི་ཡང་དེ་དང་འདྲ་སྟེ། གཞོན་པའི་ཚེ་ནི་བཟང་ཞིང་མཛེས་
D119.052.0191a06.01སོ། །རྒས་ནས་ནི་སྐམས་ཤིང་རིད་དོ། །འོད་སྲུང་གཞན་ཡང་འདི་ལྟ་སྟེ། དཔེར་ན་རྒྱལ་པོ་ཡང་དག་པའི་ཆོས་ཀྱིས་སྲིད་འཚོ་ཞིང་གཡོ་སྒྱུ་མེད་ལ་སྙིང་རྗེ་དང་ལྡན་པ་ཡོངས་སུ་གཏོང་བ་དང་ལྡན་པ་ཞིག་ཡུལ་གཞན་གྱི་དམག་གིས་བཏབ་ནས་འཁྱམས་ཏེ། ཡུལ་གཞན་དུ་
D119.052.0191a07.01