完整藏文原文 · 德格版页 当前仅加载第 52 函德格 12b 版页；藏文 NFD、目录标记与异常页序保留在来源切片中，重复版页行以稳定序号区分。
མཚེའུ་ལས་མེ་ཏོག་པད་མོ་སྐྱེས་པ་ནི་བྱང་གི་སྒྲ་མི་སྙན་ནམ། སུམ་ཅུ་རྩ་གསུམ་གནམ་གྱི་སྐྱེད་མོས་ཚལ་ཤིན་ཏུ་དགའ་བ་ཞེས་བྱ་བ་དང་འདྲ་བ་རང་བྱུང་བར་གྱུར་ཏོ། །དེའི་ཚེ་ན་ཤིང་སཱ་ལའི་ཚལ་ཀུན་ཏུ་རྣམ་པ་སྣ་ཚོགས་ཀྱིས་བརྒྱན་ཅིང་ཤིན་ཏུ་ཡིད་དུ་འོང་བར་གྱུར་ཏོ། །དེའི་ཚེ་
D119.052.0012b01.01ལྷ་དང་མི་དང་ལྷ་མ་ཡིན་ལ་སོགས་པ་ཐམས་ཅད་ཀྱིས་དེ་བཞིན་གཤེགས་པ་ཡོངས་སུ་མྱ་ངན་ལས་འདའ་བའི་ལྟས་ཡིན་པར་རིག་ནས་ཐམས་ཅད་མྱ་ངན་གྱིས་ཡིད་གདུངས་ཏེ་མི་དགའ་བར་གྱུར་ཏོ། །དེའི་ཚེ་རྒྱལ་ཆེན་བཞིའི་རྒྱལ་པོ་དང་། བརྒྱ་བྱིན་ལྷའི་དབང་ཕྱུག་དག་གཅིག་ལ་
D119.052.0012b02.01གཅིག་འདི་སྐད་དུ་ཀྱེ་སྐྱེས་བུ་དག་འཇིག་རྟེན་དུ་བཅས་པ་ལྷ་དང་། མི་དང་། ལྷ་མ་ཡིན་ལ་སོགས་པས་མཆོད་པ་བཤམས་ཏེ་དེ་བཞིན་གཤེགས་པ་ལ་མཆོད་པ་བྱེད་པ་ལ་ལྟོས། བདག་ཅག་ཀྱང་དེ་བཞིན་དུ་མཆོད་པ་བྱའོ། །གལ་ཏེ་བདག་ཅག་གིས་ནང་གི་ཐ་མར་མཆོད་
D119.052.0012b03.01ན་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་འགྱུར་དུ་ངེས་སོ་ཞེས་སྨྲས་སོ། །དེ་ནས་རྒྱལ་ཆེན་རིས་བཞིའི་ལྷ་རྣམས་ཀྱིས་མཆོད་པ་སྔ་མ་བས་ཤིན་ཏུ་ལྷག་པར་བཤམས་པ་ལ་འདི་ལྟ་སྟེ། མེ་ཏོག་མན་དཱ་ར་བ་དང་། མན་དཱ་ར་བ་ཆེན་པོ་དང་། མེ་ཏོག་ཀ་ཙི་ལི་ཀ་
D119.052.0012b04.01དང་། ཀ་ཙི་ལི་ཀ་ཆེན་པོ་དང་། མེ་ཏོག་མཉྫུ་ཥ་ཀ་དང་། མཉྫུ་ཥ་ཀ་ཆེན་པོ་དང་། མེ་ཏོག་སན་ཏ་ནི་ཀ་དང་། སན་ཏ་ནི་ཀ་ཆེན་པོ་དང་། མེ་ཏོག་ཡིད་དུ་འོང་བ་དང་། ཡིད་དུ་འོང་བ་ཆེན་པོ་དང་། མེ་ཏོག་ཀུན་ཏུ་བཟང་པོ་དང་། ཀུན་ཏུ་བཟང་པོ་ཆེན་པོ་དང་། མེ་ཏོག་
D119.052.0012b05.01དུས་ཅན་དང་། དུས་ཅན་ཆེན་པོ་དང་། མེ་ཏོག་བསུང་གི་གྲོང་ཁྱེར་དང་། བསུང་གི་གྲོང་ཁྱེར་ཆེན་པོ་དང་། མེ་ཏོག་རབ་ཏུ་དགའ་བ་དང་། རབ་ཏུ་དགའ་བ་ཆེན་པོ་དང་། མེ་ཏོག་འདོད་ལྡན་དང་། འདོད་ལྡན་ཆེན་པོ་དང་། མེ་ཏོག་བསུང་མྱོས་དང་། བསུང་མྱོས་ཆེན་པོ་དང་།
D119.052.0012b06.01མེ་ཏོག་ཀུན་ཏུ་བསུང་དང་། ཀུན་ཏུ་བསུང་ཆེན་པོ་དང་། མེ་ཏོག་ལྷའི་གསེར་འདབ་དང་། མེ་ཏོག་ཀླུ་ཞེས་བྱ་བ་དང་། ཤིང་པ་རི་ཙི་ཏྲའི་མེ་ཏོག་དང་། ཤིང་ཀོ་བི་དཱ་རའི་མེ་ཏོག་དང་། གཞན་ཡང་རྣམ་པ་སྣ་ཚོགས་ཀྱི་ཞལ་ཟས་རོ་བྲོ་བ་དང་ལྡན་པ་ཐོགས་ཏེ། སངས་རྒྱས་གང་ན་བར་
D119.052.0012b07.01