完整藏文原文 · 德格版页 当前仅加载第 52 函德格 342a 版页；藏文 NFD、目录标记与异常页序保留在来源切片中，重复版页行以稳定序号区分。
ཡེ་ཤེས་མངའ་བའི་དེ་བཞིན་གཤེགས་པས་ཤིན་ཏུ་མཁས་པའི་ཐབས་ཀྱིས་ཤེས་རབ་ཀྱི་སྒྲོན་མ་བཙུགས་ཏེ། བྱང་ཆུབ་སེམས་དཔའ་དག་མྱ་ངན་ལས་འདས་པའི་རྟག་པ་དང་། བདེ་བ་དང་། བདག་དང་། ཡོངས་སུ་དག་པ་མཐོང་བར་བྱས་སོ། །དེ་བས་ན་ཤེས་རབ་ཅན་
D119.052.0342a01.01གྱིས་མྱ་ངན་ལས་འདས་པ་འདི་ལ་ཐོག་མ་མེད་པ་ད་ལྟར་ཡོད་པར་འགྱུར་རོ་ཞེས་བརྗོད་པར་མི་བྱའོ། །རིགས་ཀྱི་བུ་ཁྱོད་ཀྱིས་བཀོད་པའི་རྒྱུས་མྱ་ངན་ལས་འདས་པ་འགྲུབ་པ་མི་རྟག་གོ་ཞེས་བྱ་བ་དེ་མི་རུང་ངོ་། །དེ་ཅིའི་སླད་དུ་ཞེ་ན། རིགས་ཀྱི་བུ་མྱ་ངན་ལས་འདས་པའི་ངོ་བོ་ཉིད་ནི་སྐྱེ་བ་མ་ཡིན།
D119.052.0342a02.01བྱུང་བ་མ་ཡིན། བདེན་པ་མ་ཡིན་{བརྫུན་,རྫུན་}པ་མ་ཡིན། ལས་སུ་བྱས་ནས་སྐྱེས་པ་མ་ཡིན། ཟག་པ་དང་འདུས་བྱས་ཀྱི་ཆོས་མ་ཡིན། ཐོས་པ་མ་ཡིན་མཐོང་བ་མ་ཡིན། ལྟུང་བ་མ་ཡིན་འཆིང་བ་མ་ཡིན། མཚན་ཉིད་ཐ་དད་པ་མ་ཡིན། མཚན་ཉིད་གཅིག་པ་མ་ཡིན། འགྲོ་བ་མ་ཡིན། ལྡོག་
D119.052.0342a03.01པ་མ་ཡིན་འདས་པ་མ་ཡིན། མ་འོངས་པ་དང་། ད་ལྟར་མ་ཡིན་གཅིག་པུ་མ་ཡིན། མང་པོ་མ་ཡིན་རིང་པོ་མ་ཡིན། ཐུང་ངུ་མ་ཡིན། ཟླུམ་པོ་མ་ཡིན་གྲུ་བཞི་མ་ཡིན། སྨྱུང་སྨྱུང་པོ་མ་ཡིན། སྣྲེལ་ཞི་མ་ཡིན། མཚན་ཉིད་མ་ཡིན་འདུ་ཤེས་མ་ཡིན། མིང་མ་ཡིན་གཟུགས་མ་ཡིན་རྒྱུ་
D119.052.0342a04.01མ་ཡིན། འབྲས་བུ་མ་ཡིན་བདག་དང་བདག་གི་མ་ཡིན་ནོ། །དེ་ལྟ་བས་ན་མྱ་ངན་ལས་འདའ་བ་ནི་རྟག་པ་མི་འགྱུར་མི་འཕོ་བ་མ་ཡིན་ཏེ་དེ་བས་ན་བསྐལ་པ་ཚད་མེད་གྲངས་མེད་པའི་བར་དུ་དགེ་བའི་ཆོས་སྒྲུབ་ཅིང་བསྒོམས་པས་ཡོངས་སུ་བརྒྱན་ན་གདོད་མཐོང་བར་འགྱུར་རོ། །རིགས་ཀྱི་བུ་
D119.052.0342a05.01དཔེར་ན་སའི་འོག་ནི་ཆུ་ཡོན་ཏན་བརྒྱད་དང་ལྡན་པ་ཡོད་ཀྱང་། སེམས་ཅན་ཐམས་ཅད་ཀྱིས་ཐོབ་པར་མི་རུང་ངོ་། །ཤེས་རབ་ཅན་ལ་ལ་ཞིག་གིས་ལས་སུ་བྱས་ཏེ་བརྐོས་ན་གཟོད་ཐོབ་པར་འགྱུར་བ་ལྟར་མྱ་ངན་ལས་འདས་པ་ཡང་དེ་དང་འདྲའོ། །དཔེར་ན་དམུས་ལོང་དག་ཉི་མ་དང་ཟླ་བ་
D119.052.0342a06.01མི་མཐོང་སྟེ། སྨན་པ་མཁས་པས་སྨན་བྱས་ན་སྣང་ཞིང་མཐོང་བར་འགྱུར་ཏེ་ཉི་མ་དང་ཟླ་བ་དེ་ཡང་སྔོན་མེད་ལ་ད་ལྟ་ཡོད་པ་མ་ཡིན་ནོ། །མྱ་ངན་ལས་འདས་པ་ཡང་དེ་དང་འདྲ་སྟེ། ཐོག་མ་ནས་ཡོད་པ་ཡིན་གྱི་ད་ལྟར་གཟོད་ཡོད་པ་མ་ཡིན་ནོ། །རིགས་ཀྱི་བུ་ཇི་ལྟར་ཉེས་པ་བྱས་པ་དག་
D119.052.0342a07.01