完整藏文原文 · 德格版页 当前仅加载第 52 函德格 229b 版页；藏文 NFD、目录标记与异常页序保留在来源切片中，重复版页行以稳定序号区分。
ཤིན་དུ་འཇིགས་ཏེ་གྲོགས་ཚོལ་བ་ལས་གྲོགས་དང་ཕྲད་པ་ཙམ་དུ་ཤིན་ཏུ་དགའ་མགུ་རངས་པ་ཚད་མེད་པ་སྐྱེས་སོ། །གཞན་ཡང་དཔེར་ན་ནད་ཡུན་རིང་པོས་བཏབ་པ་ཞིག་སྨན་པ་མཁས་པ་དང་ཕྲད་དེ་སྨན་བཟང་པོས་གསོས་པ་ཙམ་མམ། དཔེར་ན་རྒྱ་མཚོར་ལྟུང་བ་
D119.052.0229b01.01ལས་གཟིངས་དང་ཕྲད་པ་ཙམ་མམ། ཤིན་ཏུ་སྐོམ་གྱིས་གདུངས་པ་ཞིག་ཆུ་གྲང་མོ་དང་ཕྲད་པའམ། དགྲས་བདས་པ་ལས་ཤོར་བ་ཙམ་མམ། ཡུན་རིང་པོར་བཙོན་དུ་བཟུང་བ་ལས་ཐར་བ་ཙམ་མམ། ཞིང་པ་ཐན་ཆེན་བྱུང་བ་ལས་ཆར་པ་བབ་པ་ཙམ་མམ།
D119.052.0229b02.01འདྲོན་པོ་ལམ་རིང་པོར་འདྲོན་དུ་སོང་བ་ཕྱིར་འཁོར་བ་ཙམ་དུ་ཐོས་ནས་ཤིན་ཏུ་དགའ་བ་ཆེན་པོ་སྐྱེས་སོ། །རིགས་ཀྱི་བུ་དེའི་ཚིགས་སུ་བཅད་པ་ཕྱེད་པོ་དེ་ཐོས་ནས་ཤིན་ཏུ་དགའ་བ་ཡང་དེ་དང་འདྲ་སྟེ། འདུག་པ་ལས་ལངས་ནས་ལག་པས་སྐྲ་བཏེག་སྟེ། ཕྱོགས་བཞིར་
D119.052.0229b03.01བལྟས་ནས་འདི་སྐད་ཅེས་སྨྲས་སོ། །དེ་ཅི་ཚིགས་སུ་བཅད་པ་སྨྲས་པ་འདི་སུ་ཡིན་ཞེས་བལྟས་ན། གཞན་ནི་མི་སྣང་གི་སྲིན་པོ་འབའ་ཞིག་མཐོང་ནས་ཡང་འདི་སྐད་ཅེས་སྨྲས་སོ། །འདི་ལྟར་རྣམ་པར་གྲོལ་བའི་སྒོ་འབྱེད་པ་འདི་སུ་ཡིན། སངས་རྒྱས་རྣམས་ཀྱི་གསུང་
D119.052.0229b04.01དབྱངས་ཀྱི་འབྲུག་སྒྲ་སྒྲོགས་པ་འདི་སུ་ཡིན། འཁོར་བའི་གཉིད་ཀྱིས་ཤིན་ཏུ་ལོག་པ་འདི་ལས་སད་པར་བྱེད་པ་འདི་སུ་ཡིན་ཞེས་སྨྲས་སོ། །ཡང་འདི་སྐད་དུ་འཁོར་བ་ན་ཤིན་ཏུ་མུ་གེས་གདུངས་པའི་སེམས་ཅན་རྣམས་ལ་བླ་ན་མེད་པའི་བྱང་ཆུབ་ཀྱི་རོ་སྟོན་པ་འདི་སུ་ཡིན།
D119.052.0229b05.01སེམས་ཅན་ཚད་མེད་པ་འཁོར་བའི་རྒྱ་མཚོར་བྱིང་བ་ལས་གྲུ་ཆེན་པོས་འདྲེན་པ་འདི་སུ་ཡིན། སེམས་ཅན་མང་པོ་ཉོན་མོངས་པའི་ནད་ཀྱིས་ཤིན་ཏུ་གཟིར་བ་ལས་ནད་གསོ་བའི་སྨན་པར་གྱུར་ཏེ་སྨན་པ་མཁས་པར་འགྱུར་བ་འདི་སུ་ཡིན། ཚིགས་སུ་བཅད་པ་ཕྱེད་པོ་འདི་
D119.052.0229b06.01སྨྲས་པས་བདག་གི་སེམས་བསྐུལ་ཏེ། ཇི་ལྟར་ཟླ་བ་ཕྱེད་པོས་པད་མོ་བགས་ཀྱིས་ཕྱེ་བ་ལྟར་གྱུར་ཏོ་ཞེས་སྨྲས་སོ། །རིགས་ཀྱི་བུ་ང་དེའི་ཚེ་དེའི་དུས་ན་གཞན་ཅི་ཡང་མ་མཐོང་གི །སྲིན་པོ་འབའ་ཞིག་མཐོང་བས་ཡང་འདི་སྙམ་དུ་ཚིགས་སུ་བཅད་པ་ཕྱེད་པོ་འདི་སྲིན་པོས་མ་
D119.052.0229b07.01