完整藏文原文 · 德格版页 当前仅加载第 52 函德格 210a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཞེས་བྱ་སྟེ། མཚན་ཉིད་ཇི་ལྟ་བ་བཞིན་དུ་ཤེས་པ་ནི་དོན་དམ་པའི་བདེན་པ་ཞེས་བྱའོ། །གཞན་ཡང་རིགས་ཀྱི་བུ་ཆོས་ལ་ལ་ནི་མིང་ཡང་ཡོད་ལ་འབྲས་བུ་ཡང་ཡོད་དོ། །ཆོས་ལ་ལ་ནི་མིང་ཡོད་ལ་འབྲས་བུ་མེད་དོ། །རིགས་ཀྱི་བུ་མིང་ཡོད་
D119.052.0210a01.01ལ་འབྲས་བུ་མེད་པ་ནི་ཀུན་རྫོབ་ཀྱི་བདེན་པའོ། །མིང་ཡང་ཡོད་ལ་འབྲས་བུ་ཡང་ཡོད་པ་ནི་དོན་དམ་པའི་བདེན་པའོ། །རིགས་ཀྱི་བུ་བདག་ཇི་ལྟ་བ་བཞིན་དུ་སེམས་ཅན་དང་། སྲོག་དང་། ཤེས་པ་དང་། མཐོང་བ་དང་། འཚོ་བ་དང་། ཤེད་ཅན་དང་། ཤེད་
D119.052.0210a02.01བདག་དང་། ཚོར་བ་དང་། བྱས་པ་དང་། ཚ་བའི་དུས་ཀྱི་སྨིག་རྒྱུ་དང་། དྲི་ཟའི་གྲོང་ཁྱེར་དང་། རུས་སྦལ་གྱི་སྤུ་དང་། རི་བོང་གི་རྭ་དང་། མེ་མགལ་བསྐོར་བའི་འཁོར་ལོ་དང་། ཕུང་པོ་དང་། ཁམས་དང་། སྐྱེ་མཆེད་རྣམས་ནི་ཀུན་རྫོབ་ཀྱི་བདེན་པ་ཞེས་བྱའོ། །
D119.052.0210a03.01སྡུག་བསྔལ་བ་དང་། ཀུན་འབྱུང་དང་། འགོག་པ་དང་། ལམ་ནི་དོན་དམ་པའི་བདེན་པ་ཞེས་བྱའོ། །རིགས་ཀྱི་བུ་འཇིག་རྟེན་གྱི་ཆོས་ལ་རྣམ་པ་ལྔ་སྟེ། མིང་གི་འཇིག་རྟེན་དང་། ཚིག་གི་འཇིག་རྟེན་དང་། འཆིང་བའི་འཇིག་རྟེན་དང་། ཆོས་ཀྱི་འཇིག་རྟེན་དང་།
D119.052.0210a04.01ཆགས་པའི་འཇིག་རྟེན་དང་ལྔའོ། །རིགས་ཀྱི་བུ་མིང་གི་འཇིག་རྟེན་གང་ཞེ་ན། སྐྱེས་པ་དང་། བུད་མེད་དང་། བུམ་པ་དང་། གོས་དང་། ཤིང་རྟ་དང་། ཁང་ཁྱིམ་ལ་སོགས་པའི་དངོས་པོ་ནི་མིང་གི་འཇིག་རྟེན་ཞེས་བྱའོ། །ཚིག་གི་འཇིག་རྟེན་གང་ཞེ་ན། རྩ་བ་
D119.052.0210a05.01བཞི་པའི་ཚིགས་སུ་བཅད་པ་གཅིག་སྟེ། ཚིགས་སུ་བཅད་པ་དེ་དག་ནི་ཚིག་གི་འཇིག་རྟེན་ཞེས་བྱའོ། །འཆིང་བའི་འཇིག་རྟེན་གང་ཞེ་ན། དྲིལ་བ་དང་། སྦྱར་བ་དང་། མདུད་པ་བོར་བ་དང་། སྦམས་པ་དང་། བཅིངས་པ་དང་། ཐལ་མོ་སྦྱར་བ་ནི་འཆིང་བའི་
D119.052.0210a06.01འཇིག་རྟེན་ཞེས་བྱའོ། །ཆོས་ཀྱི་འཇིག་རྟེན་གང་ཞེ་ན། གཎ་ཌཱི་བརྡུངས་ན་དགེ་འདུན་འདུ་བ་དང་། རྔ་བརྡུངས་ན་དམག་ཆ་བ་དང་། དུང་བུས་ན་དུས་ཤེས་པ་སྟེ། དེ་ནི་ཆོས་ཀྱི་འཇིག་རྟེན་ཞེས་བྱའོ། །ཆགས་པའི་འཇིག་རྟེན་གང་ཞེ་ན། དཔེར་ན་རྒྱང་རིང་པོ་ནས་ཁ་
D119.052.0210a07.01