完整藏文原文 · 德格版页 当前仅加载第 52 函德格 23b 版页；藏文 NFD、目录标记与异常页序保留在来源切片中，重复版页行以稳定序号区分。
པ་འདུ་བྱེད་ལགས་སམ། ཅི་སྟེ་འདུ་བྱེད་ལགས་ན་སྐྱེ་ཞིང་འགོག་པའི་ཆོས་ཅན་དུ་འགྱུར་ཏེ། དཔེར་ན་ཆུའི་ཆུ་བུར་ལྟར་དེ་མ་ཐག་ཏུ་འབྱུང་ལ། དེ་མ་ཐག་ཏུ་འཇིག་སྟེ། འཁོར་བར་འཁོར་བ་ནི་ཤིང་རྟའི་འཁོར་ལོ་དང་མཚུངས་ཏེ། འདུ་བྱེད་ཐམས་ཅད་ཀྱང་དེ་དང་མཚུངས་
D119.052.0023b01.01སོ། །བདག་གིས་སྔོན་ཐོས་པ་ལྟར་ན་ལྷ་རྣམས་ཀྱི་ཚེའི་ཚད་ཀྱང་ཤིན་ཏུ་རིང་ངོ་ཞེས་འབྱུང་ན་ཅིའི་སླད་དུ་བཅོམ་ལྡན་འདས་ལྷའི་ལྷ་སྐུ་ཚེ་རབ་ཏུ་ཐུང་སྟེ། ལོ་བརྒྱར་ཡང་མི་བཞུགས་པར་གྱུར། དཔེར་ན་དབང་དུ་གྱུར་པའི་གྲོང་རྡལ་གྱི་གཙོ་བོ་ཡང་དབང་དང་མཐུ་ཡོད་པས་ཕས་
D119.052.0023b02.01རྒོལ་བ་ཐུལ་ཏེ། ནམ་བསོད་ནམས་ཟད་དེ་དབུལ་ཕོངས་པར་གྱུར་ན་ཀུན་གྱིས་བརྙས་ཤིང་ཐོ་བཙམས་ཏེ་བཀོལ་བར་འགྱུར་རོ། །དེ་ཅིའི་སླད་དུ་ཞེ་ན། བྱིན་དང་མཐུ་ཉམས་པའི་ཕྱིར་རོ། །འོ་ན་བཅོམ་ལྡན་འདས་ཀྱང་འདུ་བྱེད་རྣམས་དང་འཐུན་པར་འགྱུར་རོ། །ཇི་སྟེ་འདུ་
D119.052.0023b03.01བྱེད་རྣམས་དང་འཐུན་པར་གྱུར་ན་ལྷའི་ལྷ་ཞེས་ཀྱང་གདགས་སུ་མི་རུང་ངོ་། །དེ་ཅིའི་སླད་དུ་ཞེ་ན། འདུ་བྱེད་རྣམས་ནི་སྐྱེ་ཤིའི་ཆོས་སོ། །དེ་བས་ན་འཇམ་དཔལ་དེ་བཞིན་གཤེགས་པ་ལ་འདུ་བྱེད་དང་འཐུན་པར་མི་བལྟའོ། །འཇམ་དཔལ་མཁྱེན་བཞིན་དུ་གསུང་ངམ་
D119.052.0023b04.01འོན་ཏེ་མི་མཁྱེན་པས་དེ་བཞིན་གཤེགས་པ་འདུ་བྱེད་རྣམས་དང་འཐུན་ནོ་ཞེས་གསུངས། ཅི་སྟེ་དེ་བཞིན་གཤེགས་པ་འདུ་བྱེད་རྣམས་དང་འཐུན་ན་ལྟ། དེ་བཞིན་གཤེགས་པ་ནི་འཇིག་རྟེན་གསུམ་ན་ལྷའི་ལྷ་སྟེ། དབང་དུ་གྱུར་པའི་ཆོས་ཀྱི་རྒྱལ་པོ་ཞེས་གདགས་སུ་
D119.052.0023b05.01མི་རུང་ངོ་། །དཔེར་ན་རྒྱལ་པོ་ཞིག་ལ་གྱད་སྟོབས་པོ་ཆེ་གཅིག་གིས་ཕས་རྒོལ་བ་སྟོང་ཐུབ་སྟེ་གང་གིས་ཀྱང་མི་ཐུབ་ན་དེ་ནི་མི་སྟོང་ཐུབ་པའི་གྱད་ཅེས་བྱ་སྟེ། གྱད་དེ་ལ་ནི་རྒྱལ་པོས་ཀྱང་གནང་ལ་བྱ་དགའ་ཡང་གཞན་པས་ལྷག་པར་སྩལ་ཏོ། །གྱད་དེས་མི་སྟོང་ཐུབ་ཅེས་བྱ་
D119.052.0023b06.01བ་ཡང་གྱད་དེས་སྟོབས་འབའ་ཞིག་གིས་མི་སྟོང་ཐུབ་པ་མ་ཡིན་གྱི། རྩལ་རྣམ་པ་སྣ་ཚོགས་ཀྱིས་མི་སྟོང་ལས་ཕུལ་དུ་གྱུར་པས་ན་སྟོང་ཐུབ་པའི་གྱད་ཅེས་བཏགས་སོ། །དེ་བཞིན་གཤེགས་པ་ཡང་དེ་དང་འདྲ་སྟེ། ཉོན་མོངས་པའི་བདུད་དང་། ཕུང་པོའི་བདུད་
D119.052.0023b07.01