完整藏文原文 · 德格版页 当前仅加载第 52 函德格 73b 版页；藏文 NFD、目录标记与异常页序保留在来源切片中，重复版页行以稳定序号区分。
གྲོལ་བ་ཞེས་བྱ་བ་ནི་འདུས་མ་བྱས་པའི་ཆོས་སོ། །འདུས་བྱས་ནི་དཔེར་ན་རྫ་མ་དང་འདྲ་སྟེ། འཇིག་པའི་ཆོས་ཅན་ནོ། །རྣམ་པར་གྲོལ་བ་ནི་དེ་ལྟ་མ་ཡིན་ཏེ། ཡང་དག་པར་རྣམ་པར་གྲོལ་བ་ནི་མ་སྐྱེས་པ་མི་འགོག་པའོ། །དེ་བས་ན་རྣམ་པར་གྲོལ་བ་ནི་དེ་བཞིན་
D119.052.0073b01.01གཤེགས་པ་སྟེ། དེ་བཞིན་གཤེགས་པ་ཡང་དེ་དང་འདྲ་བར་མི་སྐྱེ་མི་འགོག །མི་རྒ་མི་འཆི་མི་འཇིག་མི་འཆག་སྟེ། འདུས་བྱས་ཀྱི་ཆོས་མ་ཡིན་ནོ། །དོན་དེ་ལྟ་བས་ན་དེ་བཞིན་གཤེགས་པ་ཡོངས་སུ་མྱ་ངན་ལས་འདས་ཏེ་མི་རྒ་མི་འཆི་བ་ཞེས་བྱའོ། །དེ་ཡང་
D119.052.0073b02.01གང་ཞེ་ན། རྒས་ཞེས་བྱ་བ་ནི་འཕོ་ཞིང་འགྱུར་བ། སྐྲ་དཀར་བ་གདོང་ལ་གཉེར་མ་བྱུང་བའོ། །ཤི་ཞེས་བྱ་བ་ནི་ལུས་ཞིག་སྟེ་ཚེ་འཕོས་པའོ། །དངོས་པོ་འདི་དག་ནི་རྣམ་པར་གྲོལ་བ་ལ་མེད་དེ། དེ་མེད་པས་ན་རྣམ་པར་གྲོལ་བ་ཞེས་བྱའོ། །དེ་བཞིན་གཤེགས་པ་
D119.052.0073b03.01ལ་སྐྲ་དཀར་བ་གདོང་ལ་གཉེར་མར་འགྱུར་བ་འདུས་བྱས་པའི་ཆོས་མེད་དོ། །དེ་བས་ན་དེ་བཞིན་གཤེགས་པ་ལ་རྒ་བ་མེད་དོ། །རྒ་བ་མེད་པས་ན་འཆི་བའང་མེད་དོ། །གཞན་ཡང་རྣམ་པར་གྲོལ་བ་ནི་ན་བ་མེད་པའོ། །ན་བ་ཞེས་བྱ་བ་ནི་ནད་བཞི་བརྒྱ་རྩ་བཞི་དང་།
D119.052.0073b04.01དེ་མ་ཡིན་པའི་རྐྱེན་གཞན་གྱིས་ལུས་ལ་གནོད་པར་འགྱུར་བའོ། །དེ་དག་གང་ཡང་མེད་པས་ན་རྣམ་པར་གྲོལ་བ་ཞེས་བྱའོ། །གང་ནད་མེད་པ་ནི་ཡང་དག་པར་རྣམ་པར་གྲོལ་བའོ་ཞེས་བྱའོ། །ཡང་དག་པར་རྣམ་པར་གྲོལ་བ་ནི་དེ་བཞིན་གཤེགས་པའོ། །དེ་བཞིན་
D119.052.0073b05.01གཤེགས་པ་ལ་ན་བ་མེད་པས་ན་ཆོས་ཀྱི་སྐུ་ལ་ཡང་ན་བ་མེད་དོ། །དེ་ལྟར་ན་བ་མེད་པས་དེ་བཞིན་གཤེགས་པ་ཞེས་བྱའོ། །ཤི་ཞེས་བྱ་བ་ནི་ལུས་ཞིག་སྟེ་ཚེ་འཕོས་པའོ། །དེ་ལ་ཤི་བ་མེད་པས་ཟིལ་དངར་ལྟ་བུའོ། །ཟིལ་དངར་ནི་ཡང་དག་པར་རྣམ་པར་དག་པར་
D119.052.0073b06.01གྲོལ་བའོ། །ཡང་དག་པར་རྣམ་པར་གྲོལ་བ་ནི་དེ་བཞིན་གཤེགས་པའོ། །དེ་ལྟར་དེ་བཞིན་གཤེགས་པ་ནི་དེ་ལྟ་བུའི་ཡོན་ཏན་ཕུན་སུམ་ཚོགས་པ་དང་ལྡན་ན་ཅིའི་ཕྱིར་དེ་བཞིན་གཤེགས་པ་ལ་མི་རྟག་ཅེས་བྱ། གལ་ཏེ་དེ་བཞིན་གཤེགས་པ་ལ་མི་རྟག་ཅེས་སྨྲ་ན།
D119.052.0073b07.01