完整藏文原文 · 德格版页 当前仅加载第 52 函德格 22a 版页；藏文 NFD、目录标记与异常页序保留在来源切片中，重复版页行以稳定序号区分。
ཆེན་རི་རབ་སྣང་བ་བཞིན། །བཅོམ་ལྡན་མི་ཤེས་ཡོངས་གཅོད་པ། །མ་རིག་པ་ཡི་མུན་སེལ་ཏེ། །ཇི་ལྟར་ནམ་མཁའ་བར་སྣང་ལ། །སྤྲིན་ཆོད་ཡོངས་སུ་བསིལ་བ་བཞིན། །བཅོམ་ལྡན་ཡོངས་སུ་སེལ་བ་ནི། །ཀུན་ནས་ཉོན་མོངས་ཐམས་ཅད་
D119.052.0022a01.01དེ། །ཇི་ལྟར་ཉི་མ་ཤར་ནས་སུ། །སྤྲིན་མེད་ཀུན་དུ་སྣང་བ་བཞིན། །ད་ལྟར་སེམས་ཅན་འདི་དག་ནི། །ཤིན་ཏུ་ངུ་བས་མིག་ཀྱང་སྐྲངས། །ཐམས་ཅད་འཁོར་བར་འཁོར་བ་ཡི། །སྡུག་བསྔལ་འབབ་ཀླུང་གཡེངས་པར་གྱུར། །དེ་བས་སངས་རྒྱས་བཅོམ་
D119.052.0022a02.01ལྡན་འདས། །འགྲོ་བའི་དད་པ་བསྐྱེད་པ་དང་། །འཁོར་བའི་སྡུག་བསྔལ་གཅད་པའི་ཕྱིར། །འཇིག་རྟེན་ཡུན་དུ་བཞུགས་པར་གསོལ། །བཅོམ་ལྡན་འདས་ཀྱིས་ཙུན་ད་ལ་བཀའ་སྩལ་པ། དེ་དེ་བཞིན་ཏེ། དེ་དེ་བཞིན་ནོ། །ཁྱོད་ཀྱིས་སྨྲས་པ་བཞིན་ཏེ། སངས་
D119.052.0022a03.01རྒྱས་བཅོམ་ལྡན་འདས་འཇིག་རྟེན་དུ་གཤེགས་པ་ཡང་ཤིན་ཏུ་དཀའ་བ་ནི་མེ་ཏོག་ཨུ་དུམ་བཱ་ར་དང་འདྲའོ། །སངས་རྒྱས་དང་ཕྲད་ནས་དད་པ་སྐྱེ་བ་ཡང་དེ་བས་ཤིན་ཏུ་དཀའོ། །སངས་རྒྱས་ཡོངས་སུ་མྱ་ངན་ལས་འདའ་ཀར་མཆོད་པ་ཕུལ་བ་བཞེས་ཏེ། སྦྱིན་པའི་ཕ་རོལ་
D119.052.0022a04.01ཏུ་ཕྱིན་པ་ཡོངས་སུ་རྫོགས་པར་གྱུར་པ་ཡང་དེ་བས་ཤིན་ཏུ་དཀའ་སྟེ། ཙུན་ད་ཁྱོད་མྱ་ངན་མ་བྱེད་པར་སྤྲོ་བ་སྐྱེད་ཅིག །དེ་བཞིན་གཤེགས་པས་མཆོད་པ་ནང་གི་ཐ་མ་འདི་བཞེས་ཏེ། སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་གྱུར་པས་ཆོག་གི་བཅོམ་ལྡན་འདས་
D119.052.0022a05.01ལ་འཇིག་རྟེན་ན་ཡུན་དུ་བཞུགས་པར་གསོལ་བ་མ་འདེབས་ཤིག །ཁྱོད་ཀྱིས་སངས་རྒྱས་རྣམས་ཀྱི་སྤྱོད་ཡུལ་ཐམས་ཅད་མི་རྟག་ལ་འདུ་བྱེད་རྣམས་ཀྱི་མཚན་ཉིད་ཀྱང་དེའི་ཚུལ་དུ་རིག་པར་གྱིས་ཤིག །དེ་ནས་ཙུན་ད་ལ་ཚིགས་སུ་བཅད་དེ་བཀའ་སྩལ་པ། འཇིག་
D119.052.0022a06.01རྟེན་བཅས་པ་ཐམས་ཅད་ནི། །སྐྱེ་བ་ཡོད་ན་འཆི་བ་ཡོད། །ཚེ་ལོ་གྲངས་མེད་ཐུབ་པ་ཡང་། །ཐ་མར་ཟད་པར་རིག་པར་བྱ། །དར་བ་ཡོད་ན་རྒུད་པ་ཡོད། །འདུ་བ་ཡོད་ན་འབྲལ་བ་ཡོད། །ལང་ཚོ་དེ་ཡང་མི་རྟག་སྟེ། །དར་བའི་མདོག་ཀྱང་ནད་ཀྱིས་འཕྲོག །འཚོ་
D119.052.0022a07.01