完整藏文原文 · 德格版页 当前仅加载第 52 函德格 279a 版页；藏文 NFD、目录标记与异常页序保留在来源切片中，重复版页行以稳定序号区分。
གལ་ཏེ་ཚིག་བཞི་པའི་ཚིགས་སུ་བཅད་པ་གཅིག་གམ། རྐང་པ་གཅིག་གམ། ཚིག་འབྲུ་གཅིག་ཙམ་ཐོས་པར་བྱེད་དེ། ཆོས་བསྟན་པ་དེ་ཡང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེད་པར་བྱེད་ན་གང་ཟག་དེ་ནི་སེམས་ཅན་གྱི་དགེ་བའི་བཤེས་
D119.052.0279a01.01གཉེན་ཡང་དག་པ་ཡིན་གྱི་མི་དགེ་བའི་བཤེས་གཉེན་མ་ཡིན། ངའི་ཉེ་གནས་ཡིན་གྱི་བདུད་ཀྱི་རིས་མ་ཡིན། དེ་ནི་བྱང་ཆུབ་སེམས་དཔའ་ཞེས་བྱའི། འཇིག་རྟེན་པ་མ་ཡིན་ནོ། །རིགས་ཀྱི་བུ་འདི་དག་ནི་འཇིག་རྟེན་པས་མི་ཤེས་པ་དང་མི་མཐོང་བ་དང་མི་རྟོགས་པ་སྟེ། བྱང་ཆུབ་སེམས་དཔས་
D119.052.0279a02.01ནི་ཤེས་པ་མཐོང་བ་རྟོགས་པ་ཞེས་བྱའོ། །རིགས་ཀྱི་བུ་གཞན་ཡང་ཇི་ལྟར་ན་འཇིག་རྟེན་ཐམས་ཅད་ཀྱིས་མི་ཤེས་མི་མཐོང་མི་རྟོགས་ལ། བྱང་ཆུབ་སེམས་དཔས་ཤེས་པ་དང་མཐོང་བ་དང་རྟོགས་པ་ཞེ་ན། འདི་ལྟ་སྟེ་དྲན་པར་བྱ་བའི་གནས་དྲུག་གོ། །དྲུག་གང་ཞེ་ན། སངས་རྒྱས་དྲན་པར་བྱ་
D119.052.0279a03.01བ་དང་། ཆོས་དྲན་པར་བྱ་བ་དང་། དགེ་འདུན་དྲན་པར་བྱ་བ་དང་། བསླབ་ཚིག་དྲན་པར་བྱ་བ་དང་། སྦྱིན་པ་དྲན་པར་བྱ་བ་དང་། ལྷ་དྲན་པར་བྱ་བའོ།། །།འཕགས་པ་ཡོངས་སུ་མྱ་ངན་ལས་འདས་པ་ཆེན་པོའི་མདོ། བམ་པོ་ཉི་ཤུ་རྩ་བཞི་པ། རིགས་ཀྱི་བུ་དེ་ལ་ཇི་ལྟར་ན་སངས་རྒྱས་
D119.052.0279a04.01དྲན་པར་བྱ་ཞེ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཁྱེན་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། བླ་ན་མེད་པ། སྐྱེས་བུ་འདུལ་ཞིང་ཁ་ལོ་སྒྱུར་བ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་
D119.052.0279a05.01ནི་རྟག་པ། མི་འགྱུར་བ། མི་འཕོ་བ། སྟོབས་བཅུ་དང་མི་འཇིགས་པ་བཞི་དང་ལྡན་པ། སེང་གེ་ཆེན་པོའི་སྒྲ་སྒྲོགས་པ། དགེ་སྦྱོང་ཆེན་པོ། བྲམ་ཟེ་ཆེན་པོ། ཚངས་པ་ཆེན་པོ། མཐར་ཕྱིན་པ། ཕ་རོལ་ཏུ་ཕྱིན་པ་གཞན་གྱིས་མི་ཐུབ་པ། སྤྱི་གཙུག་བལྟར་མི་སྣང་བ། བསྙེངས་
D119.052.0279a06.01པ་མེད་པ། བག་ཚ་བ་མེད་པ། གཡོ་བ་མེད་པ། གཅིག་པུ་གྲོགས་མེད་པ། མ་བསྟན་པར་རང་གིས་རིག་པ། མྱུར་བའི་ཡེ་ཤེས། ཡེ་ཤེས་ཆེན་པོ། རྣོ་བའི་ཡེ་ཤེས། ཟབ་པའི་ཡེ་ཤེས། རྣམ་པར་གྲོལ་བའི་ཡེ་ཤེས། ཐུན་མོང་བ་མེད་པའི་ཡེ་ཤེས། ཀུན་ཏུ་རྒྱས་པའི་ཡེ་ཤེས།
D119.052.0279a07.01