完整藏文原文 · 德格版页 当前仅加载第 52 函德格 14b 版页；藏文 NFD、目录标记与异常页序保留在来源切片中，重复版页行以稳定序号区分。
{བརྫུན་,རྫུན་}བྱ་བའི་ཕྱིར་རམ། ནོར་དང་ཟང་ཟིང་གི་ཕྱིར་རམ། གཞན་གྱི་ཡིད་དང་སྦྱོར་བ་ཙམ་གྱི་ཕྱིར་ཐེག་པ་ཆེན་པོ་འདི་འཛིན་པར་བྱེད་ན་བདེན་ཡང་རུང་། {བརྫུན་,རྫུན་}ཡང་རུང་། བདག་ཅག་གིས་དེའི་ཚེ། གང་ཟག་དེའི་འཇིགས་པ་བསལ་བའི་ཕྱིར་གསང་སྔགས་འདི་འབུལ་ལོ། ཙྱོག་
D119.052.0014b01.01ཀྱེ། ཏ་ཏ་ལ་ཙྱོག་ཀྱེ། ལོ་ཧ་ལེ། མ་ཧཱ་ལོ་ཧ་ལེ། ཨ་ལ་ཙ་ལ་ཏ་ལ་སྭཱ་ཧཱ། སྔགས་འདིས་ནི་སེམས་སྟོར་བ་རྣམས་དང་། འཇིགས་སྐྲག་པ་དང་། ཆོས་སྨྲ་བ་དང་། ཡང་དག་པའི་ཆོས་ཀྱི་བར་དུ་མི་གཅོད་པ་དང་། མུ་སྟེགས་ཅན་འདུལ་བ་དང་། བདག་གི་ལུས་
D119.052.0014b02.01བསྲུང་བ་དང་། ཡང་དག་པའི་ཆོས་བསྲུང་བ་དང་། ཐེག་པ་ཆེན་པོ་བསྲུང་བའི་སླད་དུ་གསང་སྔགས་འདི་འབུལ་ལོ། །གང་གིས་གསང་སྔགས་འདི་ཡིད་ལ་བགྱིད་ན་བལ་གླང་རྨིག་པའི་འཇིགས་པ་དང་བྲལ་བར་འགྱུར། གལ་ཏེ་འབྲོག་དགོན་པའམ། ཡུལ་ས་སྟོང་པ་བག་
D119.052.0014b03.01ཚ་བའི་གནས་སུ་མཆིས་ན་ཡང་འཇིགས་པར་མི་འགྱུར། ཆུ་དང་། མེ་དང་། སེང་གེ་དང་། སྟག་དང་། སྤྱང་ཀི་དང་། དགྲས་འཇིགས་པ་དང་། རྒྱལ་པོའི་ཆད་པས་འཇིགས་པ་ལས་ཀྱང་ཐར་བར་འགྱུར་རོ། །བཅོམ་ལྡན་འདས་གང་གིས་གསང་སྔགས་འདི་ཡིད་ལ་བགྱིད་ན་འཇིགས་
D119.052.0014b04.01པ་དེ་དག་ལ་སོགས་པ་ཐམས་ཅད་དང་བྲལ་བར་འགྱུར་རོ། །བཅོམ་ལྡན་འདས་གསང་སྔགས་འདི་འཛིན་པ་ལ་བདག་ཅག་གིས་བསྐྱབ་ཅིང་སྦ་བ་ནི་ཇི་ལྟར་རུ་སྦལ་ཡན་ལག་དྲུག་སྦེད་པ་བཞིན་ནོ། །བཅོམ་ལྡན་འདས་བདག་ཅག་ནི་གཡོ་དང་སྒྱུས་འདི་སྐད་དུ་སྨྲ་བ་མ་ལགས་ཀྱི་གང་
D119.052.0014b05.01གཟུངས་སྔགས་འདི་འཛིན་པ་ལ་བདག་ཅག་གིས་མཐུ་སྟོབས་བསྟང་ངོ་། །བཅོམ་ལྡན་འདས་བདག་ཅག་ལ་ཐུགས་བརྩེ་བའི་སླད་དུ་མཆོད་པ་ནང་གི་ཐ་མ་འདི་བཞེས་སུ་གསོལ། དེ་ནས་བཅོམ་ལྡན་འདས་ཀྱིས་བདུད་སྡིག་ཏོ་ཅན་ལ་འདི་སྐད་ཅེས་བཀའ་སྩལ་ཏོ། །ཁྱེད་ཀྱིས་
D119.052.0014b06.01མཆོད་པ་ཞལ་ཟས་ཕུལ་བ་རྣམས་ནི་མི་བཞེས་སོ། །འགྲོ་བ་ཐམས་ཅད་དང་འཁོར་རྣམ་བཞི་ལ་ཕན་པ་དང་བདེ་བའི་ཕྱིར་གསང་སྔགས་འདི་བཞེས་སོ་ཞེས་བཀའ་སྩལ་ནས་ཅང་མི་གསུང་བར་གཞན་ནི་བཞེས་སུ་མ་གནང་ངོ་། །དེ་ལྟར་ལན་གསུམ་གྱི་བར་དུ་གསོལ་ཀྱང་
D119.052.0014b07.01