完整藏文原文 · 德格版页 当前仅加载第 52 函德格 126b 版页；藏文 NFD、目录标记与异常页序保留在来源切片中，重复版页行以稳定序号区分。
པོའི་ཡང་ཏོག་གམ། ཁང་པ་བརྩེགས་མ་མཐོང་ན་དེ་དག་འདི་སྙམ་དུ་ཡོང་ཏོག་གམ། ནམ་མཁའ་གང་ཡིན་སྙམ་དུ་སེམས་ཏེ། ཡུན་རིང་དུ་བརྟགས་ན་གདོད་ངེས་པར་ཡང་ཏོག་གམ། ཁང་པ་བརྩེགས་མར་རྟོགས་སོ། །ས་བཅུ་ལ་གནས་པའི་བྱང་ཆུབ་སེམས་དཔས་བདག་གི་ལུས་
D119.052.0126b01.01ལ་དེ་བཞིན་གཤེགས་པའི་སྙིང་པོ་མཐོང་བ་ཡང་དེ་དང་འདྲ་སྟེ། བདེ་བླག་ཏུ་གསལ་བ་ནི་མ་ཡིན་ནོ། །རིགས་ཀྱི་བུ་དཔེར་ན་རྒྱལ་བུ་ཤིན་ཏུ་ཞན་པ་ཞིག་མཚན་མོ་མཚན་ཡལ་ནངས་ཀྱི་བར་དུ་རྩེ་རྩེ་ན་ནང་པར་དུ་ཐམས་ཅད་བདེ་བླག་ཏུ་གསལ་བར་མི་རྟོགས་སོ། །ས་བཅུ་ལ་གནས་
D119.052.0126b02.01པའི་བྱང་ཆུབ་སེམས་དཔའ་བདག་གི་ལུས་ལ་དེ་བཞིན་གཤེགས་པའི་སྙིང་པོ་མཐོང་བ་ཡང་དེ་དང་འདྲ་སྟེ། གསལ་བར་ཡང་མི་རྟོགས་སོ། །རིགས་ཀྱི་བུ་དཔེར་ན་བློན་པོ་ཞིག་རྒྱལ་པོས་མངགས་ན་མཚན་མོ་མུན་པའི་ནང་དུ་སོང་སོང་བ་ལས་གློག་གི་འོད་ཀྱིས་གནག་གི་ཁྱུ་གཅིག་
D119.052.0126b03.01མཐོང་ནས། དེ་འདི་སྙམ་དུ་གནག་གམ། ནགས་ཚལ་ལམ། སྤྲིན་ནམ། ཁང་ཁྱིམ་གང་ཡིན་སྙམ་སེམས་སོ། །མི་དེས་གནག་ཡིན་པར་སེམས་མོད་ཀྱི། ངེས་པ་ནི་མ་ཡིན་ནོ། །ས་བཅུ་ལ་གནས་པའི་བྱང་ཆུབ་སེམས་དཔའ་ཡང་དེ་དང་འདྲ་སྟེ། བདག་གི་ལུས་
D119.052.0126b04.01ལ་དེ་བཞིན་གཤེགས་པའི་སྙིང་པོ་ལེགས་པར་མི་རྟོགས་སོ། །རིགས་ཀྱི་བུ་གཞན་ཡང་དཔེར་ན་ཚུལ་ཁྲིམས་ལ་གནས་པའི་དགེ་སློང་དག་སྲིན་བུ་མེད་པའི་ཆུ་ལ་རྟོག་ན་ཆུའི་ནང་ན་འགུལ་བ་སྲིན་བུ་ཡིན་ནམ། རྡུལ་ཡིན་པ་བདེ་བླག་ཏུ་མི་རྟོགས་སོ། །ཡུན་རིང་དུ་བརྟགས་ན་རྡུལ་
D119.052.0126b05.01ཡིན་པར་ཤེས་མོད་ཀྱི། ངེས་པར་རྟོགས་པ་ནི་མ་ཡིན་ནོ། །ས་བཅུ་ལ་གནས་པའི་བྱང་ཆུབ་སེམས་དཔའ་ཡང་དེ་དང་འདྲ་སྟེ། བདག་གི་ལུས་ལ་དེ་བཞིན་གཤེགས་པའི་སྙིང་པོ་བདེ་བླག་ཏུ་གསལ་བར་མི་རྟོགས་སོ། །རིགས་ཀྱི་བུ་དཔེར་ན་ནམ་རྨུས་ཏེ། ནམ་མཁའ་མ་དག་
D119.052.0126b06.01ན་རྒྱང་མ་ནས་བྱིས་པ་ཆུང་ངུ་མཐོང་ནས་ཕྱུགས་སམ། བྱའམ། མི་འམ་ཅི་ཡིན་པ་མི་རྟོགས་ཏེ། ཡུན་རིང་དུ་བརྟགས་ན་བྱིས་པ་ཡིན་པར་མཐོང་ཡང་གསལ་བར་རྟོགས་པ་ནི་མ་ཡིན་ནོ། །ས་བཅུ་ལ་གནས་པའི་བྱང་ཆུབ་སེམས་དཔས་བདག་གི་ལུས་ལ་དེ་བཞིན་གཤེགས་
D119.052.0126b07.01