完整藏文原文 · 德格版页 当前仅加载第 52 函德格 215a 版页；藏文 NFD、目录标记与异常页序保留在来源切片中，重复版页行以稳定序号区分。
ཅིག་ཀྱང་འདི་སྐད་ཅེས་མཆི་སྟེ། གསེར་དང་། དངུལ་དང་། བཻ་དཱུརྱ་དང་། ཤེལ་དང་། ཨ་ས་མ་གར་བྷ་དང་། མུ་ས་ལ་གལ་བ་དང་། སྤུག་དང་། མུ་ཏིག་དང་། ཤེལ་གྱི་སྣམ་བུ་དང་། དོ་ཤལ་དང་། འབབ་ཆུ་དང་། ཆུ་མིག་དང་། ཁྲུས་ཀྱི་
D119.052.0215a01.01རྫིང་བུ་དང་། བཟའ་བ་དང་། བཏུང་བ་དང་། གོས་དང་། མེ་ཏོག་དང་། སྤོས་དང་། སྤོས་ཕྱེ་མ་དང་། བྱུག་སྤོས་དང་། སྣང་བའི་སྒྲོན་མ་ལ་སོགས་པ་ཐམས་ཅད་ཀྱང་ཡོངས་སུ་དག་པའི་ཆོས་ཅན་ནོ། །ཞེས་མཆིའོ། །གཞན་ཡང་འདི་སྐད་དུ་ཕུང་པོ་ལྔ་ནི་
D119.052.0215a02.01སྣོད་གཙང་མ་སྟེ་བཅུད་ཀྱང་གཙང་མས་ཡོངས་སུ་གང་ངོ་། །འདི་ལྟ་སྟེ་ལྷ་དང་། མི་དང་། དྲང་སྲོང་དང་། དགྲ་བཅོམ་པ་དང་། རང་སངས་རྒྱས་དང་། བྱང་ཆུབ་སེམས་དཔའ་དང་། སངས་རྒྱས་རྣམས་ཏེ་དོན་དེ་ལྟ་བས་ན་གཙང་ངོ་ཞེས་མཆིའོ། །བཅོམ་
D119.052.0215a03.01ལྡན་འདས་མུ་སྟེགས་ཅན་ཁ་ཅིག་ནི་བདག་ཅེས་བགྱི་བ་མཆིས་སོ་ཞེས་མཆི་སྟེ། ཇི་ཙམ་དུ་མཐོང་བ་དང་། བྱ་བ་བྱེད་པ་ནི་བདག་གོ་ཞེས་མཆི་སྟེ། དཔེར་ན་མི་ཞིག་རྫ་མཁན་གྱི་ཁྱིམ་དུ་ཕྱིན་ན་རྫ་མཁན་ཉིད་དང་མ་ཕྲད་ཀྱང་། འཇི་བ་དང་འཁོར་ལོ་མཐོང་
D119.052.0215a04.01བས་གདོན་མི་ཟ་བར་རྫ་མཁན་གྱི་ཁྱིམ་ཡིན་པར་ཤེས་ཏེ། བདག་ཅེས་བྱ་བ་ཡང་དེ་དང་འདྲ་སྟེ། མིག་གིས་གཟུགས་མཐོང་མ་ཐག་ཏུ་ངེས་པར་བདག་ཅེས་བགྱི་བ་མཆིས་པར་འཚལ་ཏོ། །ཅི་སྟེ་བདག་ཅེས་བགྱི་བ་མ་མཆིས་ན། སུ་ཞིག་གིས་གཟུགས་མཐོང་སུ་
D119.052.0215a05.01ཞིག་གིས་སྒྲ་ཐོས་པ་ནས་རེག་བྱ་དང་། ཆོས་ཀྱི་བར་དུ་རྒྱས་པར་རོ། །གཞན་ཡང་བདག་ཅེས་བགྱི་བ་མཆིས་ཏེ། ཇི་ལྟར་ཤེས་ཞེ་ན། མཚན་མ་ལས་རིག་པར་འགྱུར་ཏེ། མཚན་མ་ཞེས་བགྱི་བ་ཇི་ལྟ་བུ་ཞེ་ན། དབུགས་རྒྱུ་བ་དང་། མིག་གིས་བལྟ་ཞིང་
D119.052.0215a06.01འཛུམ་པ་དང་། ཚེའི་ཚད་དང་། སྡུག་བསྔལ་དང་། བདེ་བ་མྱོང་བ་དང་། ཆགས་པས་ཁྲོ་བ་དང་། ཆོས་དེ་དག་ལ་སོགས་པ་ནི་ཐམས་ཅད་བདག་ཅེས་བགྱི་བའི་མཚན་མ་ལགས་ཏེ། དེ་བས་ན་ངེས་པར་བདག་ཅེས་བགྱི་བ་མཆིས་པར་འཚལ་ཏོ། །གཞན་
D119.052.0215a07.01