完整藏文原文 · 德格版页 当前仅加载第 52 函德格 76a 版页；藏文 NFD、目录标记与异常页序保留在来源切片中，重复版页行以稳定序号区分。
གྲོལ་བ་ནི་དེ་བཞིན་གཤེགས་པའོ། །རྣམ་པར་གདུང་བ་ཞེས་བྱ་བ་ནི་རྩྭ་སྐམ་པོའི་དྲུང་དུ་མེ་བུས་ན་ཚིག་པར་འགྱུར་རོ། །ཡང་དག་པར་རྣམ་པར་གྲོལ་བ་ལ་ནི་དེ་ལྟ་བུའི་དངོས་པོ་མེད་དོ། །གཞན་ཡང་ཡོངས་སུ་གདུང་བ་མེད་པ་ནི་འདི་ལྟ་སྟེ། ཉི་ཟླ་ནི་
D119.052.0076a01.01སེམས་ཅན་དག་ལ་ཡོངས་སུ་གདུང་བར་མི་འགྱུར་རོ། །རྣམ་པར་གྲོལ་བ་ཡང་དེ་དང་འདྲ་སྟེ། སེམས་ཅན་ཐམས་ཅད་ལ་ཡོངས་སུ་གདུང་བར་མི་འགྱུར་རོ། །གདུང་བ་མེད་པ་ནི་ཡང་དག་པར་རྣམ་པར་གྲོལ་བའོ། །ཡང་དག་པར་རྣམ་པར་གྲོལ་བ་ནི་དེ་བཞིན་གཤེགས་
D119.052.0076a02.01པའོ། །གཞན་ཡང་རྣམ་པར་གྲོལ་བ་ཞེས་བྱ་བ་ནི་མི་གཡོ་བའི་ཆོས་ཅན་ཏེ། དཔེར་ན་བྱམས་པ་དང་སྡང་བ་མེད་པ་ལྟ་བུའོ། །ཡང་དག་པར་རྣམ་པར་གྲོལ་བ་ལ་ནི་དེ་ལྟ་བུའི་དངོས་པོ་མེད་དོ། །མི་གཡོ་བ་ཞེས་བྱ་བ་ནི་འཁོར་ལོས་སྒྱུར་བའི་རྒྱལ་པོ་ལྟ་བུ་སྟེ། དེ་ལ་ནི་རྒྱལ་
D119.052.0076a03.01པོ་དེ་དང་འདྲ་བ་གྲོགས་སུ་འགྱུར་བ་མེད་དོ། །དེ་ལ་དེ་འདྲ་བའི་གྲོགས་སུ་འགྱུར་བ་ཡོད་ཅེས་བྱ་བའི་གནས་མེད་དོ། །རྣམ་པར་གྲོལ་བ་ཡང་དེ་དང་འདྲ་སྟེ། གཞན་གྲོགས་སུ་འགྱུར་བ་མེད་དེ། གྲོགས་སུ་འགྱུར་བ་ཡོད་ཅེས་བྱ་བའི་གནས་མེད་དོ། །རྒྱལ་པོ་དེ་ལ་
D119.052.0076a04.01གྲོགས་སུ་འགྱུར་བ་མེད་ཅེས་བྱ་བ་ནི་ཡང་དག་པར་རྣམ་པར་གྲོལ་བའོ། །ཡང་དག་པར་རྣམ་པར་གྲོལ་བ་ནི་དེ་བཞིན་གཤེགས་པའོ། །དེ་བཞིན་གཤེགས་པ་ཞེས་བྱ་བ་ནི་ཆོས་ཡིན་ནོ། །གཞན་ཡང་མི་གཡོ་བ་ཞེས་བྱ་བ་ནི་འདི་ལྟ་སྟེ། དཔེར་ན་གོས་དཀར་པོ་ནི་
D119.052.0076a05.01ཁ་དོག་བསྒྱུར་སླའོ། །རྣམ་པར་གྲོལ་བ་ནི་དེ་ལྟ་མ་ཡིན་ནོ། །དཔེར་ན་མེ་ཏོག་པ་ཤ་ཀ་ཞེས་བྱ་བ་ལ་མནམ་པའམ། ཁ་དོག་སྔོན་པོར་འདུག་ཅེས་བྱ་བའི་གནས་མེད་དོ། །རྣམ་པར་གྲོལ་བ་ཡང་དེ་དང་འདྲ་སྟེ། དེ་ལ་མནམ་པའམ། མདོག་གཞན་དུ་འདུག་ཅེས་
D119.052.0076a06.01བྱ་བའི་གནས་མེད་དོ། །དེ་བས་ན་རྣམ་པར་གྲོལ་བ་ཉིད་དེ་བཞིན་གཤེགས་པའོ། །གཞན་ཡང་རྣམ་པར་གྲོལ་བ་ཞེས་བྱ་བ་ནི་རྨད་དུ་བྱུང་བའོ། །འདི་ལྟ་སྟེ་ཆུའི་ནང་ན་པད་མོ་སྐྱེས་པ་ནི་ངོ་མཚར་དུ་མི་བྱའོ། །མེའི་ནང་ནས་པད་མོ་སྐྱེས་ན་རྨད་དུ་ངོ་མཚར་དུ་བྱ་སྟེ།
D119.052.0076a07.01