完整藏文原文 · 德格版页 当前仅加载第 52 函德格 110a 版页；藏文 NFD、目录标记与异常页序保留在来源切片中，重复版页行以稳定序号区分。
དུ་སེམས་ཏེ། བདག་དགེ་སྦྱོང་གི་འབྲས་བུ་མ་ཐོབ་ཀྱང་འཇིག་རྟེན་དུ་བཅས་པ་དག་གིས་བདག་གི་དགེ་སྦྱོང་གི་འབྲས་བུ་ཐོབ་པ་ཙམ་དུ་འཛིན་པར་འགྱུར། དགེ་བསྙེན་དང་། དགེ་བསྙེན་མ་ལ་སོགས་པ་ཐམས་ཅད་ཀྱིས་བདག་ལ་འཕགས་པ་བསོད་
D119.052.0110a01.01ནམས་ཅན་ནོ་ཞེས་བརྗོད་པར་འགྱུར་སྙམ་སེམས་ཏེ། དེ་ཡང་རྙེད་པ་དང་གྲགས་པའི་ཕྱིར་གྱི་ཆོས་འདོད་པའི་ཕྱིར་ནི་མ་ཡིན་ནོ། །སྤྱོད་ལམ་འཆོས་ཤིང་ངུར་སྨྲིག་བགོ་བ་དང་། ལྷུང་བཟེད་ཐོགས་པ་ཚུལ་ལས་མི་ཉམས་ཤིང་བས་མཐར་གནས་ནས་དགྲ་བཅོམ་པ་ལྟ་
D119.052.0110a02.01བུར་འཆོས་ཏེ། འཇིག་རྟེན་གྱི་མི་དག་ཇི་ལྟར་ན་དགེ་སློང་འདི་ནི་མཆོག་དམ་པ་སྟེ། དཀའ་ཐུབ་དང་རབ་ཏུ་ཞི་བའི་ཆོས་ལ་ནན་ཏན་བྱེད་པའོ། །ཞེས་བསྔགས་ཤིང་དེའི་རྒྱུ་དེའི་རྐྱེན་གྱིས་བདག་ལ་སློབ་མ་དང་འཁོར་མང་བར་འགྱུར། ཐམས་ཅད་ཀྱིས་ཆོས་གོས་
D119.052.0110a03.01དང་། བསོད་སྙོམས་དང་། མལ་ཆ་དང་། ནད་ཀྱི་རྐྱེན་སྨན་མང་དུ་འབུལ་ཞིང་བུད་མེད་མང་པོས་བསྙེན་བཀུར་དང་། བསྟི་སྟང་བྱེད་པར་འགྱུར་སྙམ། དགེ་སློང་ཕའམ། དགེ་སློང་མ་དག་དེ་ལྟར་སེམས་ན་དེ་ནི་བླ་མ་མིའི་ཆོས་ཅན་དུ་འགྱུར་བ་ཞེས་བྱའོ། །དེ་ལ་གང་
D119.052.0110a04.01དགེ་སློང་དག་བླ་ན་མེད་པའི་དམ་པའི་ཆོས་རྣམ་པར་གཞག་པའི་ཕྱིར་བས་མཐར་གནས་ན་དགྲ་བཅོམ་པ་མ་ཡིན། ཡང་ཕ་རོལ་པོས་དགྲ་བཅོམ་པ་ཡིན་པར་སེམས་ན་དེ་ནི་དགེ་སློང་ཤིན་ཏུ་དགེ་བ། དགེ་སློང་ཞི་བ། དགེ་སློང་བཟང་པོ་སྟེ། སྐྱེ་བོ་ཚད་མེད་པ་རྣམས་
D119.052.0110a05.01དད་པའི་སེམས་སྐྱེ་བར་འགྱུར་རོ། །དེའི་རྒྱུ་དེའི་རྐྱེན་གྱིས་ན་ཚད་མེད་པའི་དགེ་སློང་དག་དེའི་འཁོར་དུ་འགྱུར་ཏེ། ཚུལ་ཁྲིམས་ཉམས་པའི་དགེ་སློང་དང་། དགེ་བསྙེན་དག་ཀྱང་ཚུལ་ཁྲིམས་སྡོམ་པ་ལ་གནས་པར་འགྱུར་རོ། །དེའི་རྒྱུ་དེའི་རྐྱེན་གྱིས་དམ་པའི་
D119.052.0110a06.01ཆོས་ཡུན་རིང་དུ་གནས་ཤིང་དེ་བཞིན་གཤེགས་པའི་བླ་ན་མེད་པའི་ཆོས་རྒྱས་པ་དང་། ཤིན་ཏུ་རྒྱས་པའི་ཐེག་པ་ཆེན་པོའི་ཆོས་ཀྱིས་སྐྱེ་བོ་ཚད་མེད་པ་སྒྲོལ་བ་དང་། དེ་བཞིན་གཤེགས་པས་གསུངས་པའི་མདོ་སྡེ་དང་འདུལ་བའི་དོན་ལྕི་བ་དང་ཡང་བ་ལ་ཤིན་ཏུ་
D119.052.0110a07.01