完整藏文原文 · 德格版页 当前仅加载第 52 函德格 108b 版页；藏文 NFD、目录标记与异常页序保留在来源切片中，重复版页行以稳定序号区分。
ན། སུམ་ཅུ་རྩ་གསུམ་གནམ་གྱི་ཉི་མ་དང་། ཟླ་བ་དང་། ལོར་བགྲང་བའི་ལོ་སྟོང་ཕྲག་བརྒྱད་བརྒྱའི་བར་དུ་སེམས་ཅན་དམྱལ་བར་ལྟུང་ངོ་ཞེས་གསུངས་མོད་ཀྱི། དེ་ཡང་དེ་བཞིན་གཤེགས་པས་གང་ཟག་དག་གདུལ་བའི་ཕྱིར་གསུངས་པར་ཟད་ཅེའམ།
D119.052.0108b01.01ཕས་ཕམ་པ་དང་ཉེས་བྱས་ཀྱི་བར་དུ་ལྕི་ཡང་གི་ཁྱད་པར་མེད་དེ། འདུལ་བ་འཛིན་པ་དག་གིས་སངས་རྒྱས་ཀྱིས་བཅས་པར་{བརྫུན་,རྫུན་}དུ་སྨྲས་སོ་ཞེས་དེ་སྐད་ཟེར་ན་དེ་ནི་སངས་རྒྱས་ཀྱིས་བསྟན་པ་མ་ཡིན་གྱི། དེ་སྐད་དུ་སྨྲ་བ་ནི་བདུད་ཀྱི་མདོ་སྡེ་དང་འདུལ་བ་ཡིན་པར་
D119.052.0108b02.01རིག་པར་བྱའོ། །དེ་ལ་གང་འདི་སྐད་དུ་ཚུལ་ཁྲིམས་ལ་གནས་པ་ཉེས་བྱས་ཕྲ་མོའི་བར་དུ་གཅིག་ཙམ་ཉམས་ན་ཡང་དཔག་ཏུ་མེད་པའི་སྡུག་བསྔལ་མྱོང་བར་གྱུར་ཏེ། དེ་ལྟར་ཤེས་ནས་ཇི་ལྟར་རུ་སྦལ་དག་ཡན་ལག་དྲུག་སྦེད་པ་བཞིན་དུ་བདག་གི་ལུས་ཤིན་
D119.052.0108b03.01ཏུ་བསྲུང་ངོ་། །དེ་ལ་གཞན་ཡང་འདུལ་བ་འཛིན་པ་དག་འདི་སྐད་དུ་ཚུལ་ཁྲིམས་ཅི་ཉམས་ཀྱང་ཁ་ན་མ་ཐོ་བའི་འབྲས་བུ་སྨིན་པ་མེད་དོ། །ཞེས་སྨྲ་ན་གང་ཟག་དེ་ལ་བསྙེན་པར་མི་བྱའོ། །ཞེས་བཅོམ་ལྡན་འདས་ཀྱིས་ཚིགས་སུ་བཅད་པ་ལས་གསུངས་པ། ཆོས་
D119.052.0108b04.01གཅིག་ཙམ་ལས་འདས་པ་གང་། །དེ་ནི་{བརྫུན་,རྫུན་}དུ་སྨྲ་བ་སྟེ། །འཇིག་རྟེན་ཕྱི་མ་མི་མཐོང་བས། །སྡིག་པ་གང་ཡང་མི་བྱེད་མེད། །དེ་བས་ན་གང་ཟག་དེ་ལ་བསྙེན་པར་མི་བྱ་སྟེ། ངའི་སངས་རྒྱས་ཀྱི་ཆོས་ནི་འདི་ལྟར་ཡོངས་སུ་དག་པ་ཡིན་ན་ཉེས་པ་སྦོམ་པོ་དང་། དགེ་
D119.052.0108b05.01འདུན་གྱི་ལྷག་མ་དང་། ཕས་ཕམ་པ་དག་ཁ་ན་མ་ཐོ་བ་ཡིན་པར་རྩི་བ་ལྟ་སྨོས་ཀྱང་ཅི་དགོས། དེ་བས་ན་ཆོས་དེ་དག་ཤིན་ཏུ་བསྲུང་ངོ་། །གལ་ཏེ་མ་བསྲུངས་ན་གཞན་དུ་ན་ཆོས་གང་ལ་ཚུལ་ཁྲིམས་ཞེས་གདགས། ངས་མདོ་སྡེ་ལས་ཀྱང་གསུངས་ཏེ། ཕས་ཕམ་པ་བཞི་ཉམས་
D119.052.0108b06.01པ་ནས་ཉེས་བྱས་ཕྲ་མོའི་བར་དུ་ཉམས་ན་ཆད་པས་གཅོད་དོ་ཞེས་གསུངས་སོ། །སོ་སོའི་སྐྱེ་བོ་དག་གལ་ཏེ་ཚུལ་ཁྲིམས་མ་བསྲུངས་ན་སངས་རྒྱས་ཀྱི་རང་བཞིན་ཇི་ལྟར་མཐོང་བར་འགྱུར་ཏེ། སེམས་ཅན་ཐམས་ཅད་ལ་སངས་རྒྱས་ཀྱི་རང་བཞིན་ཡོད་པ་ཡང་ཚུལ་ཁྲིམས་
D119.052.0108b07.01