完整藏文原文 · 德格版页 当前仅加载第 52 函德格 327b 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན། རྟག་པ་མ་ཡིན། མི་རྟག་པ་མ་ཡིན། ཆད་པ་མ་ཡིན། མ་ཆད་པ་མ་ཡིན། ཐོག་མ་མ་ཡིན། ཐ་མ་མ་ཡིན། འདས་པ་མ་ཡིན། མ་འོངས་པ་མ་ཡིན། ད་ལྟར་མ་ཡིན། ཕུང་པོ་མ་ཡིན། ཕུང་པོ་མ་ཡིན་པ་མ་ཡིན། སྐྱེ་མཆེད་མ་ཡིན། སྐྱེ་མཆེད་མ་ཡིན་
D119.052.0327b01.01པ་མ་ཡིན། ཁམས་མ་ཡིན། ཁམས་མ་ཡིན་པའང་མ་ཡིན། རྟེན་ཅིང་འབྲེལ་པར་འབྱུང་བ་བཅུ་གཉིས་མ་ཡིན། རྟེན་ཅིང་འབྲེལ་པར་འབྱུང་བ་བཅུ་གཉིས་མ་ཡིན་པ་མ་ཡིན། དེ་དག་ལ་སོགས་པའི་ཆོས་དགོངས་ཏེ་གསུངས་པའི་དོན་ཤིན་ཏུ་ཟབ་མོ་སྔོན་མ་ཐོས་པ་ཐོས་
D119.052.0327b02.01པར་འགྱུར་བ་དང་། གཞན་ཡང་མ་ཐོས་པ་ནི་འདི་ལྟ་སྟེ། མུ་སྟེགས་ཅན་ཐམས་ཅད་ཀྱི་གཙུག་ལག་རིམ་པ་བཞི་དང་། བྱཱ་ཀ་ར་ཎའི་གཙུག་ལག་དང་། རྒྱལ་པོའི་གཙུག་ལག་དང་། བགྲང་བ་དང་། བརྩི་བའི་གཙུག་ལག་ལ་སོགས་པ་དང་། རིག་སྔགས་དང་། སྨན་
D119.052.0327b03.01དཔྱད་དང་། སྒྱུ་རྩལ་དང་། ཉི་ཟླ་སྤྱང་ཀིས་ཟིན་པ་དང་། སྐར་མ་འཕོ་ཞིང་འགྱུར་བ་དང་། རི་མོ་དང་ཡི་གེ་དང་། ལུང་སྟོན་པའི་གཙུག་ལག་ལ་སོགས་པའི་ཡི་གེ་དང་། གཙུག་ལག་དེའི་གསང་བའི་དོན་སྔོན་མ་ཐོས་པ་ད་མདོ་སྡེ་འདི་ལས་ཤེས་པར་འགྱུར་བ་དང་། གཞན་
D119.052.0327b04.01ཡང་ཤིན་ཏུ་རྒྱས་པའི་མདོ་སྡེ་མ་གཏོགས་པ་མདོ་སྡེ་བཅུ་གཅིག་ལས་དགོངས་ཏེ་གསུངས་པའི་དོན་ཤིན་ཏུ་ཟབ་མོ་མེད་པ་ཡང་དེང་མདོ་སྡེ་འདིའི་རྐྱེན་གྱིས་ཤེས་པར་གྱུར་ཏོ། །རིགས་ཀྱི་བུ་དེ་ནི་མ་ཐོས་པ་ཐོས་པར་འགྱུར་བ་ཞེས་བྱའོ། །ཐོས་ནས་ཕན་པར་འགྱུར་བ་ཞེས་
D119.052.0327b05.01བྱ་བ་ནི་གལ་ཏེ་མྱ་ངན་ལས་འདས་པ་ཆེན་པོའི་མདོ་འདི་ཡོངས་སུ་འཛིན་ན། ཤིན་ཏུ་རྒྱས་པ་ཐེག་པ་ཆེན་པོའི་མདོའི་དོན་གྱི་རོ་ཤིན་ཏུ་ཟབ་མོ་ཐམས་ཅད་རྫོགས་པར་ཀུན་ཤེས་པར་ནུས་སོ། །དཔེར་ན་ཁྱེའུ་འམ་བུ་མོ་དག་མེ་ལོང་གསལ་བའི་ནང་ན་གཟུགས་དང་ཆ་ལུགས་
D119.052.0327b06.01གསལ་བར་སྣང་བ་བཞིན་དུ་མྱ་ངན་ལས་འདས་པ་ཆེན་པོའི་མེ་ལོང་ཡང་དེ་དང་འདྲ་སྟེ། བྱང་ཆུབ་སེམས་དཔས་ཐོས་ན་ཐེག་པ་ཆེན་པོའི་མདོ་སྡེའི་དོན་ཤིན་ཏུ་ཟབ་མོ་གསལ་བར་མཐོང་ངོ་། །གཞན་ཡང་ལ་ལ་ཞིག་མུན་ཁང་གི་ནང་དུ་སྒྲོན་མ་ཆེན་པོ་ཕྱུང་ན། རྫས་ཐམས་ཅད་
D119.052.0327b07.01