完整藏文原文 · 德格版页 当前仅加载第 52 函德格 132b 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ། དེ་བས་ན་དེ་བཞིན་གཤེགས་པ་ནི་ཆོས་ཐམས་ཅད་ལ་མ་ཐོགས་མ་ཆགས་ཏེ། ཡང་དག་པར་རྣམ་པར་གྲོལ་ལོ། །དེ་ལ་ཡི་གེའི་དོན་རྟོགས་ཤིང་ཤེས་པ་གང་ཞེ་ན། གང་ཞིག་དེ་བཞིན་གཤེགས་པ་འཇིག་རྟེན་དུ་གཤེགས་ནས་ཡི་གེ་ཕྱེད་པོ་མེད་པར་བྱས་པ་
D119.052.0132b01.01ཤེས་ན། དེ་ནི་ཡི་གེའི་དོན་ཤེས་ཤིང་རྟོགས་པ་ཞེས་བྱའོ། །གང་ཡི་གེ་ཕྱེད་པོའི་དོན་གྱི་རྗེས་སུ་འཇུག་པ་ནི་དེ་བཞིན་གཤེགས་པའི་རང་བཞིན་མི་ཤེས་པའོ། །དེ་ལ་ཡི་གེ་མེད་པའི་དོན་གང་ཞེ་ན། གང་མི་དགེ་བའི་ཆོས་ལ་བསྙེན་ཅིང་སྤྱོད་པ་དེ་ནི་ཡི་གེ་མེད་པ་ཞེས་
D119.052.0132b02.01བྱའོ། །གཞན་ཡང་ཡི་གེ་མེད་པ་ནི་དགེ་བའི་ཆོས་ལ་བསྙེན་ཅིང་སྤྱོད་ཀྱང་དེ་བཞིན་གཤེགས་པ་རྟག་པའམ། མི་རྟག་གམ། ཐེར་ཟུག་གམ། ཐེར་ཟུག་མ་ཡིན་པ་མི་ཤེས། ཆོས་དང་དགེ་འདུན་ཡང་མི་ཤེས། འདུལ་བ་དང་འདུལ་བ་མ་ཡིན་པ་དང་། མདོ་
D119.052.0132b03.01སྡེ་དང་མདོ་སྡེ་མ་ཡིན་པ་དང་། བདུད་ཀྱིས་བསྟན་པ་དང་། སངས་རྒྱས་ཀྱིས་བསྟན་པ་མི་ཤེས་ཏེ། བྱེ་བྲག་མི་ཕྱེད་པ་དེ་ནི་ཡི་གེ་མེད་པའི་དོན་ལ་ཞུགས་པ་ཞེས་བྱའོ། །དེ་ལྟར་ན་ངས་ཡི་གེ་མེད་པའི་དོན་གྱི་རྗེས་སུ་འཇུག་པ་ཡང་ངས་བཤད་དོ། །རིགས་
D119.052.0132b04.01ཀྱི་བུ་དེ་བས་ན་ཁྱེད་ཀྱིས་ཡི་གེ་ཕྱེད་པོ་སྤངས་ཏེ། ཡི་གེ་རྫོགས་པ་ལ་ཤིན་ཏུ་མཁས་པར་བྱའོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་འོད་སྲུང་གིས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་གིས་ཡི་གེའི་གྲངས་ཤིན་ཏུ་མཁས་པར་
D119.052.0132b05.01བགྱིའོ། །བདག་ཅག་གིས་སྟོན་པ་བླ་ན་མེད་པ་དང་མཇལ་བས་དེ་བཞིན་གཤེགས་པས་བསྟན་པའི་བཀའ་བཞིན་དུ་བགྱིའོ། །བཅོམ་ལྡན་འདས་ཀྱིས་བྱང་ཆུབ་སེམས་དཔའ་འོད་སྲུང་ལ་བཀའ་སྩལ་པ། ལེགས་སོ་ལེགས་སོ། །གང་དམ་པའི་ཆོས་བསྙེན་པར་
D119.052.0132b06.01འདོད་པ་དག་དེ་བཞིན་དུ་བསླབ་པར་བྱའོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་འོད་སྲུང་ལ་བཀའ་སྩལ་པ། རིགས་ཀྱི་བུ་འདི་ལྟ་སྟེ་བྱའི་ནང་ན་བྱ་ཀ་ལན་ད་ཀ་དང་། བྱ་ངུར་པ་ནི་གར་སོང་བ་ཡང་མི་འབྲལ་ཏེ་ལྷན་ཅིག་གོ། །དེ་བཞིན་དུ་སྡུག་བསྔལ་
D119.052.0132b07.01