完整藏文原文 · 德格版页 当前仅加载第 52 函德格 176b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱིར་ཞེ་ན། སངས་རྒྱས་བཅོམ་ལྡན་འདས་ནི་ཡུན་རིང་པོ་ནས་ནད་ཐམས་ཅད་ཡོངས་སུ་སྤངས་པའི་ཕྱིར་རོ། །འོད་སྲུང་སོ་སོའི་སྐྱེ་བོ་དག་ནི་ཐེག་པ་ཆེན་པོ་ཤིན་ཏུ་རྒྱས་པ་ལས་དགོངས་ཏེ་གསུངས་པའི་དོན་མི་ཤེས་པས་ན་དེ་བཞིན་གཤེགས་པ་ནི་ཡང་དག་པར་ནད་ཡོད་དོ་སྙམ་སེམས་སོ། །
D119.052.0176b01.01འོད་སྲུང་དེ་བཞིན་གཤེགས་པ་ནི་མིའི་ནང་ན་སེང་གེའོ་ཞེས་བྱ་བ་དེ་ཡང་དེ་བཞིན་གཤེགས་པ་ནི་ཡང་དག་པར་ན་སེང་གེ་མ་ཡིན་ཏེ། དེ་སྐད་ཅེས་གསུངས་པ་དེ་ནི་དེ་བཞིན་གཤེགས་པས་དགོངས་ཏེ་གསུངས་པ་ཡིན་པར་རིག་པར་བྱའོ། །འོད་སྲུང་དེ་བཞིན་གཤེགས་པ་ནི་མིའི་ནང་ན་ཀླུ་
D119.052.0176b02.01ཆེན་པོ་ཞེས་བྱ་བ་ཡང་ང་ནི་བསྐལ་པ་ཚད་མེད་པའི་བར་དུ་ལས་དེ་དག་ཡོངས་སུ་སྤངས་པ་ཡིན་ནོ། །འོད་སྲུང་དེ་ལ་དེ་བཞིན་གཤེགས་པ་ནི་མི་ཡིན་ནོ། །ལྷ་ཡིན་ནོ་ཞེས་ཟེར་ཏེ། ཡང་དག་པར་ནང་ནི་མི་ཡང་མ་ཡིན། ལྷ་ཡང་མ་ཡིན། གནོད་སྦྱིན་མ་ཡིན། དྲི་ཟ་མ་ཡིན། ལྷ་མ་
D119.052.0176b03.01ཡིན་མ་ཡིན། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་མ་ཡིན། བདག་མ་ཡིན། སྲོག་མ་ཡིན། འཚོ་བ་མ་ཡིན། ཤེད་ཅན་མ་ཡིན། ཤེད་བདག་མ་ཡིན། བྱས་པ་མ་ཡིན། མ་བྱས་པ་མ་ཡིན། ཚོར་བ་མ་ཡིན། མི་ཚོར་བ་མ་ཡིན།
D119.052.0176b04.01བཅོམ་ལྡན་འདས་མ་ཡིན། ཉན་ཐོས་མ་ཡིན། སྨྲ་བ་མ་ཡིན། མི་སྨྲ་བ་མ་ཡིན་ཏེ། དེ་སྐད་ཅེས་གསུངས་པ་དེ་དག་ཐམས་ཅད་ནི་དེ་བཞིན་གཤེགས་པས་དགོངས་ཏེ་གསུངས་པ་ཡིན་པར་རིག་པར་བྱའོ། །འོད་སྲུང་དེ་ལ་དེ་བཞིན་གཤེགས་པ་ནི་རྒྱ་མཚོ་དང་འདྲ་བའོ། །རི་རབ་
D119.052.0176b05.01དང་འདྲ་བའོ་ཞེས་ཀྱང་བྱ་སྟེ། ཡང་དག་པར་ན་དེ་བཞིན་གཤེགས་པ་ནི་ལན་ཚྭའི་རོ་བྲོ་བ་མ་ཡིན། བྲག་ཆ་ལྟ་བུ་མ་ཡིན་ཏེ། དེ་སྐད་ཅེས་གསུངས་པ་དེ་ཡང་དེ་བཞིན་གཤེགས་པས་དགོངས་ཏེ་གསུངས་པ་ཡིན་ནོ། །འོད་སྲུང་དེ་བཞིན་གཤེགས་པ་ནི་པུན་ད་རཱི་ཀ་དང་འདྲ་བའོ་ཞེས་ཀྱང་བྱ་སྟེ།
D119.052.0176b06.01ཡང་དག་པར་ན་དེ་བཞིན་གཤེགས་པ་ནི་པུན་ད་རཱི་ཀ་མ་ཡིན་ཏེ། དེ་སྐད་ཅེས་གསུངས་པ་དེ་ཡང་དེ་བཞིན་གཤེགས་པས་དགོངས་ཏེ་གསུངས་པ་ཡིན་ནོ། །འོད་སྲུང་དེ་བཞིན་གཤེགས་པ་ནི་ཕ་མ་ལྟ་བུའོ་ཞེས་ཀྱང་བྱ་སྟེ། དེ་བཞིན་གཤེགས་པ་ནི་ཡང་དག་པར་ན་ཕ་མ་མ་ཡིན་གྱི། དེ་
D119.052.0176b07.01