完整藏文原文 · 德格版页 当前仅加载第 52 函德格 106b 版页；藏文 NFD、目录标记与异常页序保留在来源切片中，重复版页行以稳定序号区分。
ཡོན་ཏན་ཚད་མེད་པ་ལས་གྲུབ་པ་མ་ཡིན་ཏེ། མི་རྟག་པ་འགྱུར་ཞིང་འཕོ་བའོ། །སྟོང་པའི་ཆོས་ཐོབ་པས་བདག་མེད་ཅེས་གསུངས་ཏེ། དེ་ནི་འཇིག་རྟེན་དང་འཐུན་པ་མ་ཡིན་ནོ། །ཞེས་དེ་སྐད་དུ་འབྱུང་བའི་མདོ་སྡེ་དང་འདུལ་བ་ནི་བདུད་ཀྱིས་བསྟན་པ་ཞེས་
D119.052.0106b01.01བྱའོ། །དེ་ལ་གང་ཞིག་འདི་སྐད་དུ་དེ་བཞིན་གཤེགས་པ་ཡང་དག་པར་རྫོགས་པའི་སངས་རྒྱས་ནི་བསམ་གྱིས་མི་ཁྱབ་པ་སྟེ། ཚད་མེད་གྲངས་མེད་པའི་ཡོན་ཏན་ལས་གྲུབ་པའོ། །དེ་བས་ན་རྟག་པ་གནས་པ་མི་འགྱུར་མི་འཕོ་བའོ། །ཞེས་མདོ་སྡེ་དང་
D119.052.0106b02.01འདུལ་བ་ལས་འབྱུང་ན་དེ་ནི་སངས་རྒྱས་ཀྱིས་བསྟན་པ་ཡིན་ནོ། །དེ་ལ་གང་བདུད་ཀྱིས་བསྟན་པའི་རྗེས་སུ་འཇུག་པ་ནི་བདུད་ཀྱི་རིས་སུ་གཏོགས་པ་ཞེས་བྱའོ། །སངས་རྒྱས་ཀྱིས་བསྟན་པའི་རྗེས་སུ་འཇུག་པ་ནི་བྱང་ཆུབ་སེམས་དཔའ་ཞེས་བྱའོ། །གཞན་
D119.052.0106b03.01ཡང་ཁ་ཅིག་འདི་སྐད་དུ་དགེ་སློང་དག་ཕས་ཕམ་པའི་ཁ་ན་མ་ཐོ་བ་མ་བྱུང་བར་ཀུན་གྱིས་ཕས་ཕམ་པ་བྱུང་སྟེ། ཏ་ལའི་མགོ་བཅད་པ་བཞིན་དུ་གྱུར་ཏོ། །ཞེས་སྨྲ་ཡང་དགེ་སློང་དེ་ནི་ཕས་ཕམ་པ་བྱུང་བ་མ་ཡིན་ནོ། །དེ་ཅིའི་ཕྱིར་ཞེ་ན། ངས་ནི་ཕས་ཕམ་པ་བཞི་
D119.052.0106b04.01ལས་གཅིག་ཙམ་ཉམས་ན་རྡོ་བཅག་པ་ལྟར་ཕྱིར་མི་འབྱོར་རོ་ཞེས་གསུངས་ཏེ། དེ་ལ་གང་ཞིག་བླ་མ་མིའི་ཆོས་ཐོབ་བོ་ཞེས་དེ་སྐད་སྨྲ་ན་དེ་ནི་ཕས་ཕམ་པའོ། །དེ་ཅིའི་ཕྱིར་ཞེ་ན། ཡང་དག་པར་ཅིར་ཡང་མ་ཐོབ་པར་ཐོབ་པ་ལྟར་སྒྱུ་དང་གཡོ་འཆོས་ན་གང་ཟག་དེ་ནི་
D119.052.0106b05.01མིའི་ཆོས་ལས་ཉམས་པ་ཞེས་བྱ་སྟེ། ཕས་ཕམ་པ་ཡིན་ནོ། །འདི་ལྟ་སྟེ། དགེ་སློང་གང་ཞིག་འདོད་པ་ཉུང་བ་ཆོག་ཤེས་པ། ཚུལ་ཁྲིམས་བསྲུང་བ། ཡོངས་སུ་དག་པ། བས་མཐར་གནས་པའི་དྲུང་དུ་རྒྱལ་པོ་འམ། བློན་པོ་ཆེན་པོ་འོངས་ནས་དགེ་སློང་འདི་ནི་
D119.052.0106b06.01དགྲ་བཅོམ་པར་འགྱུར་རོ་སྙམ་བསམས་ཏེ། དྲུང་དུ་བསྙེན་ནས་བསྟོད་པ་དང་། བསྙེན་བཀུར་དང་། ཕྱག་བྱས་ཏེ། འདི་སྐད་དུ་སློབ་དཔོན་ཆེན་པོ་ལུས་འདི་རྗེས་མ་ཐག་ཏུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་འཚང་རྒྱའོ། །ཞེས་སྨྲ་ན་དགེ་སློང་དེ་རྒྱལ་
D119.052.0106b07.01