完整藏文原文 · 德格版页 当前仅加载第 52 函德格 140a 版页；藏文 NFD、目录标记与异常页序保留在来源切片中，重复版页行以稳定序号区分。
འདི་ལྟ་སྟེ་དཔེར་ན་ཉི་མ་ཤར་བ་དང་འདྲ་བ་ལ་དཔྱིད་དང་དབྱར་དང་དགུན་ལྟ་བུ་དུས་གསུམ་ཐ་དད་དེ་དགུན་ནི་ཉི་མ་ཐུང་ལ། དབྱར་ནི་ཉི་མ་རིང་སྟེ། དཔྱིད་ནི་རིང་བ་ཡང་མ་ཡིན་ཐུང་བ་ཡང་མ་ཡིན་ནོ། །དེ་བཞིན་གཤེགས་པ་ཡང་དེ་དང་འདྲ་སྟེ། སྟོང་གསུམ་གྱི་
D119.052.0140a01.01སྟོང་ཆེན་པོའི་འཇིག་རྟེན་གྱི་ཁམས་འདིར་སྐུ་ཚེ་རབ་ཏུ་ཐུང་ལ་ཉན་ཐོས་རྣམས་ལ་ཡང་སྐུ་ཚེ་རབ་ཏུ་ཐུང་བ་བསྟན་པས་དེ་དག་ཐམས་ཅད་ནི་དེ་བཞིན་གཤེགས་པའི་སྐུ་ཚེ་རབ་ཏུ་ཐུང་བར་སེམས་ཏེ། དཔེར་ན་དགུན་གྱི་ཉི་མ་དང་འདྲའོ། །བྱང་ཆུབ་སེམས་དཔའ་རྣམས་ལ་ནི་རིང་
D119.052.0140a02.01བ་ཡང་མ་ཡིན། ཐུང་བ་ཡང་མ་ཡིན་པ་བསྐལ་པ་གཅིག་གམ། བསྐལ་པ་གཅིག་འགྲིབས་ཀྱི་བར་དུ་བསྟན་ཏེ། ཇི་ལྟར་དཔྱིད་ཀྱི་ཉི་མ་བཞིན་ནོ། །སངས་རྒྱས་རྣམས་ཀྱིས་ནི་སངས་རྒྱས་ཀྱི་སྐུ་ཚེ་ཚད་མེད་པར་གཟིགས་ཏེ། ཇི་ལྟར་དབྱར་གྱི་ཉི་མ་བཞིན་ནོ། །རིགས་
D119.052.0140a03.01ཀྱི་བུ་དེ་བཞིན་གཤེགས་པས་གསུངས་པ་ཤིན་ཏུ་རྒྱས་པ་ཐེག་པ་ཆེན་པོའི་མདོ་སྡེ་འཇིག་རྟེན་དུ་བསྟན་ཏེ། ཆོས་ཆེན་པོའི་ཆར་ཕབ་པ་མ་འོངས་པའི་དུས་སུ་སྐྱེས་བུ་གང་ཞིག་མདོ་སྡེ་འདི་སྲུང་ངམ། འཛིན་ཏམ། རྣམ་པར་འབྱེད་ཅིང་བསྟན་ཏེ་སེམས་ཅན་ལ་ཕན་པའི་དོན་བྱེད་
D119.052.0140a04.01ན་དེ་བྱང་ཆུབ་སེམས་དཔའ་ཡང་དག་པ་ཡིན་པར་རིག་པར་བྱ་སྟེ། དཔེར་ན་དབྱར་གྱི་དུས་སུ་ཆར་བབ་པ་དང་མཚུངས་སོ། །དེ་ལ་ཉན་ཐོས་དང་རང་སངས་རྒྱས་ཀྱིས་དེ་བཞིན་གཤེགས་པས་དགོངས་ཏེ་གསུངས་པ་བསྟན་པ་འདི་ཐོས་ནས་དཔེར་ན་དགུན་གྱི་དུས་དང་མཚུངས་
D119.052.0140a05.01ཏེ། གྲང་བ་དང་ལྷགས་པ་ཆེན་པོ་དང་ཕྲད་དོ། །བྱང་ཆུབ་སེམས་དཔས་དགོངས་ཏེ་གསུངས་པ་དེ་བཞིན་གཤེགས་པ་རྟག་པ་དང་མི་འགྱུར་བ་བསྟན་པ་འདི་ཐོས་ན་དཔེར་ན་དཔྱིད་ཀྱི་དུས་སུ་མྱུ་གུ་ཐམས་ཅད་འབྱུང་བ་དང་མཚུངས་སོ། །དེ་བཞིན་གཤེགས་པའི་རང་བཞིན་
D119.052.0140a06.01ལ་རིང་ཐུང་ཞེས་བྱ་བ་མེད་དོ། །འཇིག་རྟེན་པའི་ཕྱིར་དེ་དག་བསྟན་ཀྱང་དེ་ནི་སངས་རྒྱས་ཀྱི་ཡང་དག་པའི་ཆོས་ཉིད་དོ། །རིགས་ཀྱི་བུ་གཞན་ཡང་འདི་ལྟ་སྟེ་དཔེར་ན་སྐར་མ་ཐམས་ཅད་ཉིན་པར་མི་སྣང་སྟེ། གང་ཟག་གླེན་པ་དག་ནི་སྐར་མ་ནུབ་སྟེ་མེད་པར་སོང་ངོ་སྙམ་སེམས་
D119.052.0140a07.01