完整藏文原文 · 德格版页 当前仅加载第 52 函德格 32b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱིན་པ་དང་། རྣམ་པར་གྲོལ་བ་ལ་སོགས་པའི་ཆོས་ལ་བདེ་བར་དགོད་པ་ནི་ཇི་ལྟར་འཇིག་རྟེན་ན་ཡི་གེ་ཨི་ཞེས་གྲགས་པ་བཞིན་ནོ། །བཅོམ་ལྡན་འདས་དཔེར་ན་སྤོས་ཀྱི་གླང་པོ་ཆེ་ནི་མིས་བཅིངས་ན་འདུལ་མཁས་པའི་མཁན་པོ་མཆིས་ཀྱང་མི་ཐུལ་ཏེ། བཅིངས་
D119.052.0032b01.01པའི་ཐག་པ་བཅད་ནས་ཡིད་བཞིན་དུ་མཆིའོ། །དེ་ལྟར་བདག་ཅག་ནི་ཉོན་མོངས་པ་ལྔ་བཅུ་རྩ་བདུན་གྱིས་བཅིངས་པ་ལས་ཡོངས་སུ་མ་གྲོལ་ན་ཅིའི་སླད་དུ་དེ་བཞིན་གཤེགས་པས་ཡོངས་སུ་བཏང་སྟེ་མྱ་ངན་ལས་འདའ་བར་གཤེགས། བཅོམ་ལྡན་འདས་དཔེར་
D119.052.0032b02.01ན་ཚ་བའི་ནད་ཀྱིས་བཏབ་པ་ནི་སྨན་པ་མཁས་པ་དང་ཕྲད་ན་དེ་མ་ཐག་ཏུ་འཚོའོ། །བདག་ཀྱང་དེ་དང་འདྲ་སྟེ་ལོག་པར་འཆི་བའི་ཚ་བའི་ནད་མང་པོས་སྡུག་བསྔལ་བར་གྱུར་ཏེ། དེ་བཞིན་གཤེགས་པ་དང་མཇལ་ཀྱང་ནད་མ་བྱང་སྟེ། བླ་ན་མེད་པའི་བདེ་བ་
D119.052.0032b03.01རྟག་པ་ཡང་མ་ཐོབ་ན། ཅིའི་སླད་དུ་དེ་བཞིན་གཤེགས་པས་ཡོངས་སུ་སྤངས་ཏེ། མྱ་ངན་ལས་འདའ་བར་གཤེགས། བཅོམ་ལྡན་འདས་དཔེར་ན་མི་ར་རོ་བ་ནི་མི་དྲན་པས་ན་ཉེ་རིང་མི་ཤེས་ཏེ། མ་དང་། བུ་མོ་དང་། སྲིང་མོ་ལ་མི་འོས་མི་རིགས་པ་བྱེད་ཅིང་
D119.052.0032b04.01བག་མ་མཆིས་པར་སྨྲས་ཏེ། མི་གཙང་བའི་སྟེང་ན་ཉལ་ལོ། །དེ་ལ་སྨན་པ་མཁས་པས་སྨན་བཏང་སྟེ་ཆང་འཐུངས་པ་སླར་སྐྱུགས་ན། དེ་མ་ཐག་ཏུ་སླར་དྲན་ཏེ་འཛེམ་པ་དང་ངོ་ཚ་བའི་སེམས་སྐྱེས་ནས། ཆང་ནི་སྡིག་པ་མི་དགེ་བ་ཐམས་ཅད་ཀྱི་རྩ་བ་ཡིན་ཏེ།
D119.052.0032b05.01གང་གིས་ཡོངས་སུ་སྤངས་ན་སྡིག་པ་ཐམས་ཅད་ཀྱང་སྤོང་བར་འགྱུར་རོ་ཞེས་འགྱོད་པ་སྐྱེའོ། །བཅོམ་ལྡན་འདས་བདག་ཅག་ཀྱང་དེ་དང་འདྲ་སྟེ། ཐོག་མ་མ་མཆིས་པའི་དུས་ནས་འཁོར་བར་འཁོར་ཏེ། འདོད་པས་མྱོས་ནས་འདོད་པ་ལྔ་ལ་ཆགས་པས་མ་མ་ལགས་པ་
D119.052.0032b06.01ལ་མར་འདུ་ཤེས། སྲིང་མོ་མ་ལགས་པ་ལ་སྲིང་མོར་འདུ་ཤེས། བུ་མོ་མ་ལགས་པ་ལ་བུ་མོར་འདུ་ཤེས། སེམས་ཅན་མ་ལགས་པ་ལ་སེམས་ཅན་དུ་འདུ་ཤེས་བསྐྱེད་པས་འཁོར་བར་འཁོར་ཏེ། སྡུག་བསྔལ་མྱོང་བ་ནི་ཇི་ལྟར་མི་ར་རོ་བ་ངན་སྐྱུགས་ཀྱི་སྟེང་ན་ཉལ་
D119.052.0032b07.01