完整藏文原文 · 德格版页 当前仅加载第 52 函德格 18b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་ཐམས་ཅད་འཇིག་སྐྲག་སྟེ་ལུས་ཀྱི་བ་སྤུ་ཀུན་ཀྱང་ལངས་ནས་གཅིག་ལ་གཅིག་འདི་སྐད་དུ་དེ་བཞིན་གཤེགས་པས་འོད་ཟེར་བཀྱེ་ནས་སླར་ཞུགས་པ་འདི་ནི་རྒྱུ་མེད་པའམ། རྐྱེན་མེད་པ་མ་ཡིན་ཏེ། ཕྱོགས་བཅུར་མཛད་པ་ཀུན་མཛད་ནས་ཐ་མ་ཡོངས་སུ་མྱ་ངན་
D119.052.0018b01.01ལས་འདའ་བའི་ལྟས་ཡིན་དུ་ངེས་སོ། །ཀྱི་ཧུད་ཀྱི་ཧུད་དེ་བཞིན་གཤེགས་པས་ཚད་མེད་པ་བཞིའི་ཐུགས་བཏང་ནས་ལྷ་དང་མི་རྣམས་ཀྱི་མཆོད་པ་ཡང་བཞེས་སུ་མ་གནང་ངོ་། །དེང་སླན་ཆད་ནི་ཡེ་ཤེས་ཀྱི་ཉི་མ་ཡང་ནུབ་པར་གྱུར། བླ་ན་མེད་པའི་ཆོས་ཀྱི་གྲུ་ཡང་བྱིང་བར་གྱུར་
D119.052.0018b02.01ཏོ། །ཀྱི་ཧུད་རེ་སྡུག་འཇིག་རྟེན་སྡུག་བསྔལ་ཆེན་པོས་གདུངས་པར་གྱུར་ཏོ་ཞེས་སྨྲས་ནས་བྲང་ལ་ཁུ་ཚུར་གྱིས་རྡེག་ཅིང་། ཆོ་ངེས་འདོན་པས་ལུས་ཀྱིས་མི་བཟོད་པ་ཙམ་དུ་ཤིན་ཏུ་འདར་ཏེ་བ་སྤུའི་ཁུང་བུ་ནས་ཁྲག་ཀྱང་ཟག་པར་གྱུར་ཏོ། །དེའི་ཚེ་འཁོར་གྱི་དཀྱིལ་འཁོར་དེ་ན་གྲོང་ཁྱེར་རྩྭ་མཆོག་
D119.052.0018b03.01གི་ཤིང་མཁན་གྱི་བུ་དགེ་བསྙེན་ཙུན་ད་ཞེས་བྱ་བ་རིས་འཐུན་པའི་འཁོར་ལྔ་བཅུ་དང་ལྷན་ཅིག་ཏུ་འདུས་སོ། །དེས་འཇིག་རྟེན་དུ་བཅས་པ་དག་དགེ་བའི་འབྲས་བུ་ཐོབ་པར་བྱ་བའི་ཕྱིར་སྔོན་གྱི་ཚུལ་བཏང་ནས་འདུག་པ་ལས་ལངས་ཏེ། བླ་གོས་ཕྱོགས་གཅིག་ཏུ་བྱས། པུས་
D119.052.0018b04.01མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་མཆི་མ་བླགས་ཏེ། སངས་རྒྱས་ཀྱི་ཞབས་ལ་སྤྱི་བོས་ཕྱག་འཚལ་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་བཅས་
D119.052.0018b05.01པས་བདག་ཅག་གིས་མཆོད་པ་ཐ་མ་འདི་བཞེས་སུ་གསོལ། དེ་ཡང་སེམས་ཅན་དཔག་ཏུ་མ་མཆིས་པ་དག་བསྒྲལ་བའི་སླད་དུའོ། །བཅོམ་ལྡན་འདས་བདག་ཅག་ནི་དེང་སླན་ཆད་མགོན་མ་མཆིས། སྐྱབས་མ་མཆིས། དཔུང་གཉེན་མ་མཆིས། རྟེན་མ་མཆིས།
D119.052.0018b06.01གནས་མ་མཆིས་ཏེ། ཤིན་ཏུ་དབུལ་ཕོངས་པས་དེ་བཞིན་གཤེགས་པ་ལ་སླད་མ་མ་མཆིས་པའི་དུས་ཀྱི་ཚོགས་ཙམ་ཞིག་གསོལ་ལོ། །བཅོམ་ལྡན་འདས་ཐུགས་བརྩེ་བའི་སླད་དུ། བདག་ཅག་གི་མཆོད་པ་ཐ་མ་འདི་བཞེས་ནས། གདོད་ཡོངས་སུ་མྱ་
D119.052.0018b07.01