完整藏文原文 · 德格版页 当前仅加载第 52 函德格 39b 版页；藏文 NFD、目录标记与异常页序保留在来源切片中，重复版页行以稳定序号区分。
གཞན་གྱིས་གཏམས་པའི་ནོར་ལེན་པ་དང་མཚུངས་སོ། །དེ་བས་ན་བླ་ན་མ་མཆིས་པའི་ཆོས་ཀྱི་དཀོན་མཆོག་འདི་བྱང་ཆུབ་སེམས་དཔའ་རྣམས་ལ་གཏམས་ན་བྱང་ཆུབ་སེམས་དཔའ་རྣམས་ནི་འདྲི་བ་དང་ལན་གླན་པ་ལ་མཁས་པས་ཆོས་རིན་པོ་ཆེ་འདི་ཡུན་དུ་
D119.052.0039b01.01གནས་ཤིང་བསྐལ་པ་ཚད་མེད་པའི་བར་དུ་ཤིན་ཏུ་རྒྱས་པར་འགྱུར་ལ། སེམས་ཅན་ལ་ཕན་པའི་དོན་དུ་འགྱུར་ཏེ། ཇི་ལྟར་སྐྱེས་བུ་ལང་འཚོ་ལ་ནོར་རིན་པོ་ཆེ་གཏམས་པ་དང་མཚུངས་སོ། །དེ་ལྟ་བས་ན་བྱང་ཆུབ་སེམས་དཔའ་ཆེན་པོས་ནི་ཞུ་ཞིང་གསོལ་བའི་
D119.052.0039b02.01མཐུ་མཆིས་ཀྱི་བདག་ཅག་སྦྲང་བུ་དང་འདྲ་བའི་ཤེས་རབ་ཀྱིས་ནི་དེ་བཞིན་གཤེགས་པའི་ཆོས་ཤིན་ཏུ་ཟབ་མོ་ལ་ཞུ་བའི་མཐུ་མ་མཆིས་སོ། །ཞེས་གསོལ་ནས་ཅང་མི་སྨྲ་བར་འཁོད་དོ། །དེ་ནས་བཅོམ་ལྡན་འདས་ཀྱིས་ཤིན་ཏུ་ལེགས་སོ་ཤིན་ཏུ་ལེགས་སོ་ཞེས་
D119.052.0039b03.01བསྟོད་ནས་དགེ་སློང་དག་ཁྱེད་ཀྱིས་ཟག་པ་མེད་པའི་སེམས་དང་། དགྲ་བཅོམ་པའི་སེམས་ལེགས་པར་ཐོབ་བོ། །ང་ཡང་དེ་སྙམ་དུ་དགོངས་ཏེ། རྐྱེན་རྣམ་པ་དེ་གཉིས་ཀྱིས་ཐེག་པ་ཆེན་པོ་འདི་བྱང་ཆུབ་སེམས་དཔའ་ལ་གཏམས་ན་དམ་པའི་ཆོས་ཡུན་དུ་གནས་པར་
D119.052.0039b04.01འགྱུར་རོ། །དེ་ནས་བཅོམ་ལྡན་འདས་ཀྱིས་འཁོར་གྱི་དཀྱིལ་འཁོར་ན་འདུས་པའི་རིགས་ཀྱི་བུ་དང་རིགས་ཀྱི་བུ་མོ་རྣམས་ལ་བཀའ་སྩལ་པ། ངའི་སྐུ་ཚེ་ནི་དཔག་ཏུ་མེད་དེ། སོ་སོ་ཡང་དག་པར་ཤེས་པ་ཡང་ཟད་མི་ཤེས་མོད་ཀྱི། ཁྱེད་འདུལ་བ་དང་ཆོས་
D119.052.0039b05.01མངོན་པ་ལས་ཅི་དང་ཅི་འདོད་པ་ཡིད་བཞིན་དུ་དྲིས་ཤིག་ཅེས་ལན་གཉིས་ལན་གསུམ་གྱི་བར་དུ་བཀའ་སྩལ་ཏོ། །དེའི་ཚེ་འཁོར་གྱི་དཀྱིལ་འཁོར་དེ་ན་བྱང་ཆུབ་སེམས་དཔའ་སེམས་དཔའ་ཆེན་པོ་གྲོང་ཁྱེར་ཏ་ལ་ཞེས་བྱ་བ་ན་གནས་པ་ན། བྲམ་ཟེའི་རིགས་འོད་
D119.052.0039b06.01སྲུང་ཆེན་པོ་ཞེས་བྱ་བ་རབ་ཏུ་གཞོན་པ་ཞིག་སངས་རྒྱས་ཀྱིས་བྱིན་གྱི་བརླབས་ཀྱིས་འདུག་པ་ལས་ལངས་ནས། བླ་གོས་ཕྱོགས་གཅིག་ཏུ་བྱས་ཏེ། ལན་བརྒྱ་སྟོང་དུ་མར་བསྐོར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ་ཐལ་མོ་སྦྱར་ནས་བཅོམ་ལྡན་འདས་
D119.052.0039b07.01