完整藏文原文 · 德格版页 当前仅加载第 52 函德格 335a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔའ་བཻ་དཱུརྱའི་འོད་ཀྱིས་དངོས་པོ་དེ་ལྟ་བུ་དག་ཐོས་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བརྒྱད་ཁྲི་བཞི་སྟོང་དང་བཅས་ཏེ། འདིར་མཆི་བས་སྔ་ལྟས་འདི་བྱུང་སྟེ། དེའི་རྒྱུ་དེའི་རྐྱེན་གྱིས་འོད་འདི་མཆིས་པར་གྱུར་
D119.052.0335a01.01ཏོ། །དེ་ནི་རྒྱུ་དང་རྐྱེན་ཞེས་ཀྱང་བགྱི་སྟེ། རྒྱུ་དང་རྐྱེན་ཀྱང་མ་ལགས་སོ། །དེ་ནས་བྱང་ཆུབ་སེམས་དཔའ་བཻ་དཱུརྱའི་འོད་ཀྱིས་བྱང་ཆུབ་སེམས་དཔའ་བརྒྱད་ཁྲི་བཞི་སྟོང་དང་བཅས་ཏེ། བ་དན་དང་། གདུགས་དང་། མེ་ཏོག་དང་། སྤོས་དང་།
D119.052.0335a02.01ཕྲེང་བ་དང་། རོལ་མོའི་རྣམས་སྔ་མ་བས་ཕུལ་དུ་བྱུང་བ་མང་པོ་རྣམ་པ་སྣ་ཚོགས་བཤམས་ཏེ། ཐམས་ཅད་གྲོང་ཁྱེར་རྩྭ་མཆོག་ཏུ་སཱ་ལའི་ཤིང་དྲུང་འདིར་ལྷགས་ནས་སོ་སོ་ནས་མཆོད་པའི་ཡོ་བྱད་ཀྱིས་བཅོམ་ལྡན་འདས་ལ་མཆོད་པ་བྱས་ཏེ། བཅོམ་
D119.052.0335a03.01ལྡན་འདས་ཀྱི་ཞབས་ལ་སྤྱི་བོས་ཕྱག་བྱས་ནས་ཐལ་མོ་སྦྱར་ཏེ་བསྟི་སྟང་དང་བཅས་པས་ལན་གསུམ་བསྐོར་ནས་མཆོད་པ་བྱས་ཏེ། ཕྱོགས་གཅིག་ཏུ་འཁོད་དོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་དེ་དག་ལ་བཀའ་སྩལ་པ།
D119.052.0335a04.01རིགས་ཀྱི་བུ་ཁྱེད་འདིར་ཕྱིན་པ་ཡིན་ནམ། མ་ཕྱིན་པ་ཡིན། བྱང་ཆུབ་སེམས་དཔའ་བཻ་དཱུརྱའི་འོད་ཀྱིས་གསོལ་པ། བཅོམ་ལྡན་འདས་ཕྱིན་པ་ཡང་འོངས་པ་མ་མཆིས་ལ། མ་ཕྱིན་པ་ཡང་འོངས་པ་མ་མཆིས་ཏེ། བདག་གིས་དོན་དེ་རྟོགས་པས་ཅི་ཡང་འོངས་
D119.052.0335a05.01པ་མ་མཆིས་སོ། །བཅོམ་ལྡན་འདས་འདུ་བྱེད་ཐམས་ཅད་གལ་ཏེ་རྟག་ན་ཡང་འོང་བ་མ་མཆིས་ལ། མི་རྟག་པ་ལགས་ན་ཡང་འོང་བ་མ་མཆིས་ཏེ། སོ་སོའི་སྐྱེ་བོ་དག་གང་སེམས་ཅན་གྱི་རང་བཞིན་མཆིས་པར་ལྟ་བ་ནི་འོང་བ་དང་མི་འོང་བ་མ་མཆིས་སོ། །
D119.052.0335a06.01བདག་གིས་ནི་སེམས་ཅན་གྱི་རང་བཞིན་དུ་ངེས་པ་མ་མཐོང་ན་ཅིའི་སླད་དུ་འོངས་སམ་མ་འོངས་ཞེས་བཀའ་སྩལ། གང་ང་རྒྱལ་ཅན་དག་ནི་སོང་བ་དང་འོང་བ་མ་མཆིས་པར་མཐོང་གི །ང་རྒྱལ་མ་མཆིས་པ་ལ་ནི་སོང་བ་དང་འོང་བ་མ་མཆིས་སོ། །གང་ལེན་
D119.052.0335a07.01