完整藏文原文 · 德格版页 当前仅加载第 52 函德格 284b 版页；藏文 NFD、目录标记与异常页序保留在来源切片中，重复版页行以稳定序号区分。
གཉིས་བཟུང་ནས་གལ་ཏེ་ཀློག་གམ་འདོན་ཀྱང་རྟག་ཏུ་སེམས་ཅན་ཐམས་ཅད་རྣམ་པར་གྲོལ་བར་བྱ་བ་དང་རབ་ཏུ་བདེ་བར་བྱ་བའི་ཕྱིར་གྱི། བདག་ཉིད་ཀྱི་ཕྱིར་ནི་མ་ཡིན་ནོ། །དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་ནི་རྟག་ཏུ་འཇིག་རྟེན་ལས་འདས་པའི་སེམས་དང་།
D119.052.0284b01.01རབ་ཏུ་བྱུང་བའི་སེམས་དང་། འདུས་མ་བྱས་པའི་སེམས་དང་། རྩོད་པ་མེད་པའི་སེམས་དང་། དྲི་མ་མེད་པའི་སེམས་དང་། བཅིངས་པ་མེད་པའི་སེམས་དང་། ཆགས་པ་མེད་པའི་སེམས་དང་། སྒྲིབ་པ་མེད་པའི་སེམས་དང་། ལུང་མི་སྟོན་པ་མེད་པའི་སེམས་དང་།
D119.052.0284b02.01འཁོར་བ་མེད་པའི་སེམས་དང་། ཐེ་ཚོམ་གྱི་དྲ་བ་མེད་པའི་སེམས་དང་། འདོད་ཆགས་མེད་པའི་སེམས་དང་། ཞེ་སྡང་མེད་པའི་སེམས་དང་། གཏི་མུག་མེད་པའི་སེམས་དང་། ང་རྒྱལ་མེད་པའི་སེམས་དང་། རྙོག་པ་མེད་པའི་སེམས་དང་། ཉོན་མོངས་པ་མེད་པའི་སེམས་
D119.052.0284b03.01དང་། སྡུག་བསྔལ་མེད་པའི་སེམས་དང་། ཚད་མེད་པའི་སེམས་དང་། རྒྱ་ཆེ་བའི་སེམས་དང་། ནམ་མཁའ་ལྟ་བུའི་སེམས་དང་། མེད་པའི་སེམས་དང་། མེད་པ་མ་ཡིན་པའི་སེམས་དང་། དུལ་བའི་སེམས་དང་། མི་སྐྱོ་བའི་སེམས་དང་། མི་འཆབ་པའི་
D119.052.0284b04.01སེམས་དང་། འཇིག་རྟེན་མ་ཡིན་པའི་སེམས་དང་། རྟག་ཏུ་ཏིང་ངེ་འཛིན་གྱི་སེམས་དང་། རྟག་ཏུ་ནན་ཏན་བྱེད་པའི་སེམས་དང་། རྟག་ཏུ་རྣམ་པར་གྲོལ་བའི་སེམས་དང་། རེ་བ་མེད་པའི་སེམས་དང་། སྨོན་པ་མེད་པའི་སེམས་དང་། ཤིན་ཏུ་སྨོན་པ་མེད་པའི་
D119.052.0284b05.01སེམས་དང་། སྨྲ་བ་མེད་པའི་སེམས་དང་། མཉེན་ཞིང་དེས་པའི་སེམས་དང་། མི་གནས་པའི་སེམས་དང་། དབང་སྒྱུར་བའི་སེམས་དང་། ཟག་པ་མེད་པའི་སེམས་དང་། དོན་དམ་པའི་སེམས་དང་། མི་ལྡོག་པའི་སེམས་དང་། མི་རྟག་པའི་སེམས་དང་།
D119.052.0284b06.01ཡང་དག་པའི་སེམས་དང་། གཡོ་སྒྱུ་མེད་པའི་སེམས་དང་། དགེ་བའི་སེམས་དང་། ལྷག་ཆད་མེད་པའི་སེམས་དང་། བར་ཆད་མེད་པའི་སེམས་དང་། བུས་པ་ལྟ་བུ་མ་ཡིན་པའི་སེམས་དང་། ཉན་ཐོས་ལྟ་བུ་མ་ཡིན་པའི་སེམས་དང་། རང་སངས་རྒྱས་ལྟ་བུ་མ་
D119.052.0284b07.01