完整藏文原文 · 德格版页 当前仅加载第 52 函德格 286b 版页；藏文 NFD、目录标记与异常页序保留在来源切片中，重复版页行以稳定序号区分。
དམ་པའི་ཆོས་རྒྱ་ཆེར་སྟོན་པར་འགྱུར་ཏེ། མགོན་སྐྱབས་སུ་འགྱུར་བས་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོས་ཚུལ་ཁྲིམས་རྗེས་སུ་དྲན་པ་ཞེས་བྱའོ། །དེ་ལ་ཇི་ལྟར་ན་སྦྱིན་པ་རྗེས་སུ་དྲན་པ་ཞེ་ན། བྱང་ཆུབ་སེམས་དཔའ་སེམས་དཔའ་ཆེན་པོས་ཤིན་ཏུ་བརྟགས་ན་སྦྱིན་
D119.052.0286b01.01པ་དེ་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་རྒྱུ་ཡིན་པས་སངས་རྒྱས་དང་བྱང་ཆུབ་སེམས་དཔའ་རྣམས་སྦྱིན་པ་དེ་ལ་ཤིན་ཏུ་བསྙེན་ཏེ་ནན་ཏན་བྱེད་པས་བདག་ཀྱང་དེ་ལ་བསྙེན་ཏེ་ནན་ཏན་བྱའོ། །གལ་ཏེ་སྦྱིན་པ་མ་བྱས་ན་འཁོར་རྣམ་པ་བཞིའི་རྒྱུན་དུ་མི་འགྱུར་རོ། །སྦྱིན་པ་
D119.052.0286b02.01བྱས་པས་ཀུན་ནས་ཉོན་མོངས་པ་ཡོངས་སུ་མ་ཆོད་ཀྱང་ད་ལྟར་གྱི་ཉོན་མོངས་པ་འཇོམས་པར་འགྱུར་རོ། །སྦྱིན་པ་བྱས་པ་དེའི་རྒྱུ་དང་དེའི་རྐྱེན་གྱིས་རྟག་ཏུ་ཕྱོགས་བཅུའི་འཇིག་རྟེན་གྱི་ཁམས་ཚད་མེད་མཐའ་ཡས་པའི་ཀླུང་གང་གཱའི་བྱེ་མ་སྙེད་ཀྱི་སེམས་ཅན་ཐམས་ཅད་ཀྱིས་
D119.052.0286b03.01བསྔགས་ཤིང་བསྟོད་པར་འགྱུར་རོ། །བྱང་ཆུབ་སེམས་དཔའ་སེམས་དཔའ་ཆེན་པོས་སེམས་ཅན་ལ་ཟས་བྱིན་པ་ནི་འཚོ་བ་བྱིན་པ་སྟེ། དེའི་འབྲས་བུས་མངོན་པར་སངས་རྒྱས་པ་ན་རྟག་པ་མི་འཕོ་བའི་གནས་སུ་འགྱུར་རོ། །བདེ་བ་བྱིན་པས་ནི་མངོན་པར་སངས་རྒྱས་པ་ན་
D119.052.0286b04.01ཤིན་ཏུ་བདེ་བ་ཐོབ་པར་འགྱུར་རོ། །བྱང་ཆུབ་སེམས་དཔའ་སྦྱིན་པ་བྱིན་པ་ན་ཆོས་བཞིན་དུ་རྙེད་པ་ཡིན་གྱི། གཞན་ལ་གནོད་པ་མ་ཡིན་པས་མངོན་པར་སངས་རྒྱས་པ་ན་ཡོངས་སུ་དག་པའི་མྱ་ངན་ལས་འདས་པ་ཐོབ་པར་འགྱུར་རོ། །བྱང་ཆུབ་སེམས་དཔའ་སྦྱིན་པ་བྱིན་པ་ན་སེམས་
D119.052.0286b05.01ཅན་རྣམས་ཀྱིས་ཆེད་དུ་མ་བསླངས་པར་ཐོབ་པས་མངོན་པར་སངས་རྒྱས་པ་ན་དབང་བསྒྱུར་བའི་བདག་ཅེས་བྱ་བ་འཐོབ་པར་འགྱུར་རོ། །སྦྱིན་པ་བྱིན་པའི་རྐྱེན་གྱིས་ཕ་རོལ་པོ་མཐུ་དང་ལྡན་པར་གྱུར་པས་མངོན་པར་སངས་རྒྱས་པ་ན་སྟོབས་བཅུ་ཐོབ་པར་འགྱུར་རོ། །སྦྱིན་པ་བྱིན་
D119.052.0286b06.01པའི་རྐྱེན་གྱིས་ཕ་རོལ་པོ་སྨྲ་བའི་སྤོབས་པ་དང་ལྡན་པར་འགྱུར་བས་མངོན་པར་སངས་རྒྱས་པ་ན་ཡང་དག་པར་སོ་སོར་ཤེས་པ་བཞི་ཐོབ་པར་འགྱུར་རོ། །སངས་རྒྱས་དང་བྱང་ཆུབ་སེམས་དཔའ་རྣམས་ཀྱིས་སྦྱིན་པ་བྱིན་པས་ཡོངས་སུ་མྱ་ངན་ལས་འདས་པའི་རྒྱུར་འགྱུར་ཏེ། དེ་
D119.052.0286b07.01