完整藏文原文 · 德格版页 当前仅加载第 52 函德格 194a 版页；藏文 NFD、目录标记与异常页序保留在来源切片中，重复版页行以稳定序号区分。
འདས་པ་ལ་གནས་པ་ནི་མ་གཏོགས་སོ། །འོད་སྲུང་གཞན་ཡང་འདི་ལྟ་སྟེ། བྱ་ནམ་མཁའ་ལྡིང་ནི་ཀླུ་ཐམས་ཅད་ཟ་ཡང་སྐྱབས་སུ་འགྲོ་བ་གསུམ་ལ་སྐྱབས་སུ་སོང་བ་ལ་ནི་མ་ཡིན་ནོ། །རིགས་ཀྱི་བུ་འཆི་བའི་ནམ་མཁའ་ལྡིང་ཡང་དེ་དང་
D119.052.0194a01.01འདྲ་སྟེ། སེམས་ཅན་ཚད་མེད་པ་ཐམས་ཅད་ཟོས་ན་སྟོང་པ་ཉིད་དང་། མཚན་མ་མེད་པ་དང་སྨོན་པ་མེད་པ་སྟེ། སྟོང་པ་ཉིད་གསུམ་ལ་གནས་པ་ནི་མ་གཏོགས་སོ། །འོད་སྲུང་གཞན་ཡང་འདི་ལྟ་སྟེ། སྦྲུལ་གདུག་པ་མ་ལ་ན་ཞེས་བྱ་བས་ཟིན་ན་སྔགས་
D119.052.0194a02.01མཁས་པ་དང་སྨན་པ་མཁས་པ་ཡོད་མོད་ཀྱི་ཅི་བྱར་མེད་དོ། །ཨ་ཀ་ཏ་སྱའི་སྔགས་ཤེས་པ་འབའ་ཞིག་གིས་འཚོ་བར་འགྱུར་བ་ནི་མ་གཏོགས་སོ། །རིགས་ཀྱི་བུ་འཆི་བའི་སྦྲུལ་གདུག་པས་ཟིན་པ་ཡང་དེ་དང་འདྲ་སྟེ། སྨན་དཔྱད་ཐམས་ཅད་ཀྱིས་ཅི་བྱར་ཡང་མེད་དེ།
D119.052.0194a03.01བྱང་ཆུབ་སེམས་དཔའ་ཐེག་པ་ཆེན་པོ་ཡོངས་སུ་མྱ་ངན་ལས་འདས་པའི་སྔགས་ལ་གནས་པ་ནི་མ་གཏོགས་སོ། །འོད་སྲུང་གཞན་ཡང་འདི་ལྟ་སྟེ། མི་ཞིག་རྒྱལ་པོ་སྡང་བར་གྱུར་ན་མི་དེས་ཚིག་སྙན་པ་འཇམ་པོ་སྨྲས་ཏེ། ནོར་དབྱིག་རིན་པོ་ཆེ་རྒྱལ་པོ་ལ་ཕུལ་ན།
D119.052.0194a04.01མི་སྡང་བར་འགྱུར་རོ། །རིགས་ཀྱི་བུ་འཆི་བའི་རྒྱལ་པོ་དེ་ནི་དེ་དང་མི་འདྲ་སྟེ། ཚིག་སྙན་པ་འཇམ་པོ་སྨྲས་སམ། ནོར་དབྱིག་རིན་པོ་ཆེ་ཕུལ་ཡང་དེ་ལས་མི་ཐར་རོ། །རིགས་ཀྱི་བུ་བུས་པ་མ་རབས་ནི་གཡང་ས་ཆེན་པོར་འགྲོ་བའི་གྲོགས་མེད་པ་སྟེ། ཤིན་ཏུ་ལམ་རིང་
D119.052.0194a05.01པོར་འགྲོ་བའི་གྲོགས་མེད་པ། ཉིན་མཚན་དུ་སོང་ཡང་ཕྱིན་པའི་མཐའ་མི་ཤེས་པ། ཤིན་ཏུ་གནག་པའི་མུན་པར་འཐོམས་པ། སྣང་བའི་སྒྲོན་མ་མེད་པ། འཇུག་པའི་སྒོ་མེད་ལ་གནས་ཡོད་པ། ན་བའི་དམིགས་མེད་ལ་གསོར་མི་རུང་བ། འགྲོ་བ་ལ་བར་དུ་
D119.052.0194a06.01གཅོད་པ་མེད་ཅིང་ཐར་པ་མེད་པའི་གནས་སུ་ཕྱིན་པ། གཞིག་ཏུ་མེད་པ། མཐོང་བ་ཙམ་གྱིས་མྱ་ངན་གྱིས་གདུངས་པར་འགྱུར་བ། གཟུགས་གདུག་པ་མ་ཡིན་ཡང་ཀུན་གྱིས་འཇིགས་སྐྲག་པ། ལུས་ལ་ཁྱབ་པར་ཡོད་ཀྱང་མི་ཚོར་མི་ཤེས་པའོ། །འོད་སྲུང་དཔེ་འདི་དག་
D119.052.0194a07.01