完整藏文原文 · 德格版页 当前仅加载第 52 函德格 314a 版页；藏文 NFD、目录标记与异常页序保留在来源切片中，重复版页行以稳定序号区分。
འགོག་པ་མ་ཡིན། གཟུགས་མ་ཡིན། གཟུགས་མེད་པ་མ་ཡིན། མཚན་ཉིད་མ་ཡིན། མཚན་ཉིད་མེད་པ་མ་ཡིན། སྔོན་པོ་མ་ཡིན། སེར་པོ་མ་ཡིན། དམར་པོ་མ་ཡིན། དཀར་པོ་མ་ཡིན་ཏེ། སེམས་ཅན་སྒྲོལ་བའི་ཕྱིར་མཐོང་བ་དང་། མཚན་
D119.052.0314a01.01ཉིད་བརྗོད་དུ་ཡོད་པ་དང་། རྩ་བ་ཡོད་པ་དང་། མཐའ་ཡོད་པ་དང་། ཚ་བ་ཡོད་པ་དང་། གྲང་བ་ཡོད་པ་དང་། སྔོན་པོ་དང་། སེར་པོ་དང་དམར་པོ་དང་དཀར་པོ་ཡང་ཡོད་དོ། །རྒྱལ་པོ་ཆེན་པོ་དེ་ལྟར་མོད་ཀྱི། འོད་དེ་ནི་ཡང་དག་པར་ན་བརྗོད་དུ་མེད། མཐོང་བ་མ་ཡིན་པ་
D119.052.0314a02.01ནས། སྔོན་པོ་དང་། སེར་པོ་དང་དམར་པོ་དང་། དཀར་པོའི་བར་དུ་མེད་དོ། །རྒྱལ་པོས་འཚོ་བྱེད་ལ་སྨྲས་པ། ལྷའི་ལྷ་དེ་ཅིའི་རྒྱུ་ཅིའི་རྐྱེན་གྱིས་འོད་འདི་བཏང་བར་གྱུར། སྨྲས་པ། རྒྱལ་པོ་ཆེན་པོ་དེང་གི་ལྟས་འདི་ནི་རྒྱལ་པོ་ལ་དགོངས་པའི་ཕྱིར་བཏང་བ་འདྲའོ། །རྒྱལ་པོས་
D119.052.0314a03.01སྔར་འདི་སྐད་དུ་འཇིག་རྟེན་ན་སྨན་པ་མཁས་པ་ལུས་དང་སེམས་ཀྱི་ནད་གསོ་ནུས་པ་མེད་དོ་ཞེས་བྱས་པས་དེའི་ཕྱིར་འོད་འདི་བཏང་ནས་སྔར་རྒྱལ་པོའི་ལུས་གསོས་ཏེ། དེ་ནས་སེམས་ཀྱང་གསོ་བར་མཛད་དོ། །རྒྱལ་པོས་ཡང་འཚོ་བྱེད་ལ་སྨྲས་པ། བཅོམ་ལྡན་འདས་དེ་བཞིན་
D119.052.0314a04.01གཤེགས་པས་བདག་ལ་དགོངས་སམ། འཚོ་བྱེད་ཀྱིས་སྨྲས་པ། དཔེར་ན་མི་ཞིག་ལ་བུ་བདུན་ཡོད་དེ། བདུན་ལས་གཅིག་ནད་ཀྱིས་བཏབ་ན། ཕ་མས་བུ་དེ་དག་ལ་མི་སྙོམས་པ་མ་ཡིན་ཏེ། འོན་ཀྱང་བུ་ན་བ་དེ་ལ་ཆེར་སེམས་སོ། །རྒྱལ་པོ་ཆེན་པོ་དེ་བཞིན་གཤེགས་པ་ཡང་
D119.052.0314a05.01དེ་དང་འདྲ་སྟེ། སེམས་ཅན་ཐམས་ཅད་ལ་ཐུགས་མི་སྙོམས་པ་མ་ལགས་མོད་ཀྱི། སྡིག་པ་ཅན་ལ་ལྷག་པར་དགོངས་སོ། །ལེ་ལོ་ཅན་ལ་ནི་སངས་རྒྱས་ཐུགས་བརྩེ་བར་དགོངས་སོ། །ལེ་ལོ་མེད་པ་ལ་ནི་ཐུགས་བཏང་སྙོམས་སུ་འཇོག་གོ། །དེ་ལ་ལེ་ལོ་མེད་པ་གང་ཞེ་ན།
D119.052.0314a06.01འདི་ལྟ་སྟེ། བྱང་ཆུབ་སེམས་དཔའ་ས་དྲུག་ལ་གནས་པ་དག་གོ། །རྒྱལ་པོ་ཆེན་པོ་སངས་རྒྱས་བཅོམ་ལྡན་འདས་ནི་སེམས་ཅན་གྱི་རིགས་དང་། རྒན་པ་དང་གཞོན་ནུ་དང་དར་ལ་བབ་པ་དང་། དབུལ་པོ་དང་ཕྱུག་པོ་དང་། དུས་དང་ཉི་མ་དང་ཟླ་བ་དང་། སྐར་
D119.052.0314a07.01