完整藏文原文 · 德格版页 当前仅加载第 52 函德格 140b 版页；藏文 NFD、目录标记与异常页序保留在来源切片中，重复版页行以稳定序号区分。
སོ། །ཡང་དག་པར་མེད་པ་ནི་མ་ཡིན་གྱི། ཉི་མའི་འོད་ཀྱིས་མི་སྣང་བར་ཟད་དོ། །དེ་བཞིན་གཤེགས་པ་ཡང་དེ་དང་འདྲ་སྟེ། ཉན་ཐོས་དང་རང་སངས་རྒྱས་ཀྱིས་མི་མཐོང་བ་ནི། ཇི་ལྟར་འཇིག་རྟེན་པ་དག་གིས་ཉིན་པར་སྐར་མ་མི་མཐོང་བ་བཞིན་ནོ། །རིགས་ཀྱི་བུ་གཞན་
D119.052.0140b01.01ཡང་འདི་ལྟ་སྟེ་དཔེར་ན་ནམ་རྨུས་པའི་ཚེ་ཉི་མ་དང་ཟླ་བ་མི་སྣང་ན་བུས་པ་གླེན་པ་དག་ནི་ཉི་མ་དང་ཟླ་བ་མེད་པར་སོང་ངོ་སྙམ་སེམས་ཏེ། ཡང་དག་པར་ན་ཉི་མ་དང་ཟླ་བ་མེད་པར་མ་སོང་ངོ་། །དེ་བཞིན་གཤེགས་པའི་དམ་པའི་ཆོས་མེད་པར་སོང་བ་ན་དཀོན་མཆོག་གསུམ་མངོན་
D119.052.0140b02.01སུམ་དུ་མི་སྣང་བ་ཡང་དེ་དང་འདྲ་སྟེ། དེ་བཞིན་དུ་གཏན་མེད་པར་སོང་བ་ནི་མ་ཡིན་ནོ། །དེ་བས་ན་དེ་བཞིན་གཤེགས་པ་ནི་རྟག་པ་མི་འགྱུར་མི་འཕོ་བར་རིག་པར་བྱའོ། །དེ་ཅིའི་ཕྱིར་ཞེ་ན། དཀོན་མཆོག་གསུམ་གྱི་ཡང་དག་པ་ཉིད་ལ་ནི་དྲི་མས་མི་གོས་པའི་ཕྱིར་རོ། །
D119.052.0140b03.01རིགས་ཀྱི་བུ་གཞན་ཡང་འདི་ལྟ་སྟེ་དཔེར་ན་ཟླ་བ་ཤི་བའི་ནུབ་མོ་ནི་སྐར་མ་ཕོད་ཤར་ན་ཤིན་ཏུ་གསལ་ཏེ། དེ་མ་ཐག་ཏུ་ཕྱིར་ཡང་ནུབ་བོ། །འཇིག་རྟེན་པ་དག་མཐོང་ན་བཀྲ་མི་ཤིས་སོ་ཞེས་ཟེར་རོ། །རང་སངས་རྒྱས་ཀྱང་དེ་དང་འདྲ་སྟེ། སངས་རྒྱས་མེད་པའི་འཇིག་
D119.052.0140b04.01རྟེན་དུ་འབྱུང་བས་སོ་སོའི་སྐྱེ་བོ་དག་གིས་མཐོང་ན་ཐམས་ཅད་ཀྱིས་དེ་བཞིན་གཤེགས་པ་ཡང་དག་པར་མྱ་ངན་ལས་འདས་སོ་སྙམ་སེམས་ཏེ་མྱ་ངན་བྱེད་དོ། །དེ་བཞིན་གཤེགས་པ་ནི་ཡང་དག་པར་ན་མེད་པར་མ་གྱུར་ཏེ། ཇི་ལྟར་ཉི་མ་དང་ཟླ་བ་མི་སྣང་བ་བཞིན་ནོ། །
D119.052.0140b05.01རིགས་ཀྱི་བུ་གཞན་ཡང་འདི་ལྟ་སྟེ་དཔེར་ན་ཉི་མ་ཤར་ན་ལྷོ་བུར་མེད་པར་འགྱུར་རོ། །ཡོངས་སུ་མྱ་ངན་ལས་འདས་པ་ཆེན་པོའི་མདོ་སྡེ་ཡང་དེ་དང་འདྲ་སྟེ། འཇིག་རྟེན་དུ་བྱུང་བས་གལ་ཏེ་སེམས་ཅན་གྱི་རྣ་ཁུང་དུ་ཐོས་ན་མི་དགེ་བ་ཐམས་ཅད་དང་། མཚམས་མེད་པའི་
D119.052.0140b06.01ཁ་ན་མ་ཐོ་བའི་ལས་ཐམས་ཅད་སེལ་བར་འགྱུར་རོ། ཡོངས་སུ་མྱ་ངན་ལས་འདས་པ་ཤིན་ཏུ་ཟབ་མོའི་སྤྱོད་ཡུལ་འདི་ནི་བསམ་གྱིས་མི་ཁྱབ་སྟེ། དེ་བཞིན་གཤེགས་པའི་རང་བཞིན་ལེགས་པར་གསུངས་པས་དེའི་ཕྱིར་ན་རིགས་ཀྱི་བུ་དང་རིགས་ཀྱི་བུ་མོ་དག་དེ་བཞིན་
D119.052.0140b07.01