完整藏文原文 · 德格版页 当前仅加载第 52 函德格 167b 版页；藏文 NFD、目录标记与异常页序保留在来源切片中，重复版页行以稳定序号区分。
སྤྱོད་པ་དག་པ་ཐམས་ཅད་ཀྱང་། །ཐམས་ཅད་བདེ་བ་མྱོང་མ་ཡིན། །འཇམ་དཔལ་ཅི་སྟེ་ཁྱོད་ན་བར་གྱུར་ན་དེ་བཞིན་དུ་ང་ཡང་ན་བར་འགྱུར་བའི་རིགས་སོ། །དེ་ཅིའི་ཕྱིར་ཞེ་ན། དགྲ་བཅོམ་པ་རྣམས་དང་། རང་སངས་རྒྱས་རྣམས་དང་། བྱང་ཆུབ་སེམས་དཔའ་དང་།
D119.052.0167b01.01དེ་བཞིན་གཤེགས་པ་ནི་ཡང་དག་པར་ན་ཅི་ཡང་ཟ་བ་མེད་དེ། ཕ་རོལ་གདུལ་བའི་ཕྱིར་སོ་སོའི་སྐྱེ་བོ་ཚད་མེད་པ་དག་གི་སྦྱིན་པ་བླངས་པར་བསྟན་ཏེ། དེ་ཡང་དེ་དག་གི་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱ་བ་དང་། སེམས་ཅན་དམྱལ་བ་དང་། བྱོལ་སོང་གི་
D119.052.0167b02.01སྐྱེ་གནས་དང་གཤིན་རྗེའི་འཇིག་རྟེན་ལས་བསྒྲལ་བའི་ཕྱིར་རོ། །དེ་ལ་གང་ཞིག་འདི་སྙམ་དུ་དེ་བཞིན་གཤེགས་པ་ཡང་ལོ་དྲུག་གི་བར་དུ་ཤིན་ཏུ་སྤྱོད་དཀའ་བ་སྤྱད་དེ། སྐུ་ཡང་ཤིན་ཏུ་ཉམ་ཆུང་བར་གྱུར་ཏོ་སྙམ་དུ་སེམས་ན་དེ་ནི་གནས་མ་ཡིན་ནོ། །སངས་རྒྱས་
D119.052.0167b03.01བཅོམ་ལྡན་འདས་ནི་སྲིད་པ་ལས་རྣམ་པར་གྲོལ་བས་བུས་པ་མ་རབས་དང་མི་འདྲ་བ་ཡིན་ན་ཅིའི་ཕྱིར་སྐུ་ཉམ་ཆུང་ཞིང་རིད་པར་འགྱུར། སངས་རྒྱས་བཅོམ་ལྡན་འདས་ནི་ཤིན་ཏུ་བརྩོན་འགྲུས་སུ་ནན་ཏན་བྱས་པས་རྡོ་རྗེ་ལྟ་བུའི་སྐུ་འཐོབ་པར་འགྱུར་ཏེ། འཇིག་རྟེན་དང་བཅས་
D119.052.0167b04.01པའི་ལུས་སྐྱོན་ཡོད་པ་ལྟ་བུ་དང་འདྲ་བ་མ་ཡིན་ཏེ་ངའི་ཉེ་གནས་རྣམས་ཀྱང་དེ་དང་འདྲ་བར་བསམ་གྱིས་མི་ཁྱབ་པས་ཟས་ལ་རྟེན་པ་མ་ཡིན་ནོ། །མཐུ་བོ་ཆེ་ཐམས་ཅད་ཕྲག་དོག་མེད་དོ་ཞེས་བྱ་བ་ཡང་ལྷག་མ་དང་བཅས་སོ། །དཔེར་ན་འཇིག་རྟེན་ན་མི་ཁ་ཅིག་ཚེ་གཅིག་ཏུ་ཕྲག་
D119.052.0167b05.01དོག་གི་སེམས་ཀྱང་མེད་ལ་མཐུ་མེད་པ་ཡང་ཡོད་དོ། །ནད་ཐམས་ཅད་ཟས་ལ་འགྱུར་ཞེས་བྱ་བ་ཡང་ལྷག་མ་དང་བཅས་སོ། །མི་ཁ་ཅིག་ནི་གློ་བུར་གྱི་ནད་བག་མ་བྱས་པ་ལས་འགྱུར་བ་ཡང་ཡོད་དོ། །འདི་ལྟ་སྟེ་དེ་ནི་ཚེར་མས་ཟུག་པ་དང་། མཚོན་ཆས་ཕོག་པ་ལ་སོགས་
D119.052.0167b06.01པའོ། །སྤྱོད་པ་རྣམ་པར་དག་པ་ཐམས་ཅད་བདེ་བ་མྱོང་ངོ་ཞེས་བྱ་བ་ཡང་ལྷག་མ་དང་བཅས་སོ། །འཇིག་རྟེན་ན་མུ་སྟེགས་ཅན་ཚངས་པར་ཡོངས་སུ་དག་པར་སྤྱོད་མོད་ཀྱི་སྡུག་བསྔལ་མང་དུ་མྱོང་བ་ཡང་ཡོད་དོ། །དེ་བས་ན་དེ་བཞིན་གཤེགས་པས་གསུངས་པ་ཐམས་ཅད་
D119.052.0167b07.01