完整藏文原文 · 德格版页 当前仅加载第 52 函德格 19a 版页；藏文 NFD、目录标记与异常页序保留在来源切片中，重复版页行以稳定序号区分。
ངན་ལས་འདའ་བར་གཤེགས་སུ་གསོལ། བཅོམ་ལྡན་འདས་དཔེར་ན་རྒྱལ་རིགས་སམ། བྲམ་ཟེ་འམ། གདོལ་པ་ཡང་རུང་། དབུལ་ཕོངས་པས་ཡུལ་གཞན་དུ་མཆིས་ཏེ། ཞིང་གི་ལས་ལ་ཞུགས་ནས་རྨོན་པ་དུལ་བ་དང་། ཞིང་ཡང་
D119.052.0019a01.01གཤིན་ལ་ས་གཞི་ཡང་མཉམ་པ་དང་། གསེག་མ་དང་། ཞིང་གི་ངོ་ཡུར་མ་མཆིས་ན་དགུང་ཆར་འབའ་ཞིག་ལ་རེའོ། །བཅོམ་ལྡན་འདས་རྨོན་པ་དུལ་བ་ཞེས་བགྱི་བ་ནི་ལུས་དང་ངག་གི་ལས་བདུན་པོའི་དཔེའོ། །ཞིང་གཤིན་ལ་ས་གཞི་མཉམ་པ་ཞེས་བགྱི་བ་
D119.052.0019a02.01ནི་ཤེས་རབ་ཀྱི་དཔེའོ། །གསེག་མ་དང་ཞིང་གི་ངོ་ཡུར་མ་མཆིས་པ་ཞེས་བགྱི་བ་ནི་ཉོན་མོངས་པའི་དཔེའོ། །བཅོམ་ལྡན་འདས་བདག་ཅག་ལ་ཡང་རྨོན་པ་དུལ་བ་དང་། ཞིང་གཤིན་པ་ཡང་མཆིས་ལ་ཞིང་གི་ངོ་ཡུར་མ་བསལ་ན་དེ་བཞིན་གཤེགས་པའི་བདུད་རྩིའི་
D119.052.0019a03.01ཆར་འབའ་ཞིག་ལ་རེའོ། །རིགས་དབུལ་པོ་བཞི་ནི་བདག་ལགས་ཏེ། བདག་ནི་བླ་ན་མེད་པ་ཡང་དག་པར་རྫོགས་པའི་ཆོས་ཀྱི་རིན་པོ་ཆེས་དབུལ་ཏེ་ཕོངས་ན་ཐུགས་བརྩེ་བའི་སླད་དུ་བདག་ཅག་གི་དབུལ་ཕོངས་པའི་སྡུག་བསྔལ་བསལ་ཞིང་། སྡུག་བསྔལ་གྱིས་ཡོངས་
D119.052.0019a04.01སུ་གདུངས་པའི་སེམས་ཅན་ཚད་མ་མཆིས་པ་བསྒྲལ་དུ་གསོལ། བདག་ཅག་གི་མཆོད་པ་འདི་ཤིན་ཏུ་ཆུང་མོད་ཀྱི་འོན་ཀྱང་དེ་བཞིན་གཤེགས་པའི་འཁོར་མང་པོ་ཀུན་གྱི་བསོད་སྙོམས་སུ་འཚལ་ན་བཅོམ་ལྡན་འདས་བདག་ཅག་ལ་མགོན་མ་མཆིས། སྐྱབས་མ་མཆིས།
D119.052.0019a05.01དཔུང་གཉེན་མ་མཆིས། སྒྲ་གཅན་འཛིན་ལྟ་བུར་ཐུགས་བརྩེ་བར་དགོངས་སུ་གསོལ། དེ་ནས་བཅོམ་ལྡན་འདས་ཐམས་ཅད་མཁྱེན་པ། བླ་ན་མེད་པ། སྐྱེས་བུ་འདུལ་བའི་ཁ་ལོ་སྒྱུར་བས་ཙུན་ད་ལ་འདི་སྐད་ཅེས་བཀའ་སྩལ་ཏོ། །ལེགས་སོ་ལེགས་སོ། །ངས་
D119.052.0019a06.01ཁྱོད་ཀྱི་དབུལ་ཕོངས་པ་མེད་པ་དང་བླ་ན་མེད་པའི་ཆོས་ཀྱི་ཆར་ཁྱོད་ཀྱི་ལུས་ལ་དབབ་ཅིང་ཆོས་ཀྱི་མྱུ་གུ་སྐྱེ་བར་བྱའོ། །ཁྱོད་ནི་ད་ལྟར་ཚེ་དང་། མདོག་དང་། སྟོབས་དང་། བདེ་བ་དང་། ཐོགས་པ་མེད་པའི་སོ་སོར་ཡང་དག་པར་ཤེས་པ་ཐོབ་པར་འདོད་དེ། ངས་ཁྱོད་
D119.052.0019a07.01