完整藏文原文 · 德格版页 当前仅加载第 52 函德格 119b 版页；藏文 NFD、目录标记与异常页序保留在来源切片中，重复版页行以稳定序号区分。
དང་དུག་ཏུ་འདྲེས་པའོ། །ཇི་ལྟར་མར་དང་ཁ་ར་དང་། །མར་གྱི་སྙིང་པོ་ལ་སོགས་པ། །འཐུངས་ཏེ་ཞུ་ན་སྨན་དུ་འགྱུར། །མ་ཞུ་བ་ནི་དུག་ཅེས་བྱ། །ཤིན་ཏུ་རྒྱས་པའང་དེ་བཞིན་ཏེ། །མཁས་པ་དག་གིས་བདུད་རྩིར་འགྱུར། །གླེན་པས་སངས་རྒྱས་རང་བཞིན་དག །
D119.052.0119b01.01མི་ཤེས་པ་ཡིས་དུག་ཏུ་འགྱུར། །ཉན་ཐོས་པ་དང་རང་རྒྱལ་དང་། །ཐེག་པ་ཆེན་པོའི་བདུད་རྩི་སྟེ། །ཇི་ལྟར་བྲོ་བའི་རོ་ཐམས་ཅད། །འོ་མ་མཆོག་ཏུ་འགྱུར་བ་བཞིན། །དེ་ལྟར་བརྩོན་འགྲུས་རྩོམ་པ་དག །ཐེག་པ་ཆེན་པོའི་དབང་གིས་ནི། །ཡོངས་སུ་མྱ་ངན་
D119.052.0119b02.01འདས་འགྱུར་ཞིང་། །མི་ཡི་ཁྱུ་མཆོག་རྒྱལ་པོར་འགྱུར། །འོད་སྲུང་ཁྱོད་དང་སེམས་ཅན་གང་། །སངས་རྒྱས་རང་བཞིན་ཤེས་པ་ནི། །བླ་ན་མེད་པའི་ཟིལ་དངར་རོས། །མི་སྐྱེ་མི་འཆི་བར་འགྱུར་རོ། །འོད་སྲུང་ཁྱོད་ཀྱིས་ཤེས་པར་གྱིས། །དཀོན་མཆོག་
D119.052.0119b03.01གསུམ་དག་རྟོགས་པར་གྱིས། །དཀོན་མཆོག་གསུམ་གྱི་མཚན་ཉིད་ནི། །བདག་ཅེས་བྱ་བའི་མཚན་ཉིད་དོ། །བདག་དང་སངས་རྒྱས་རང་བཞིན་ཉིད། །གང་གིས་མངོན་སུམ་རྟོགས་གྱུར་ན། །དེ་བཞིན་གཤེགས་པའི་སྙིང་པོ་ཉིད། །སྐྱེས་བུ་དེས་ནི་རྟོགས་འགྱུར་
D119.052.0119b04.01རོ། །བདག་དང་བདག་གིར་གང་ཤེས་པ། །དེ་ནི་འཇིག་རྟེན་འདས་པའོ། །སངས་རྒྱས་ཆོས་དང་དགེ་འདུན་ནི། །ཕུལ་དུ་བླ་ན་མེད་པའི་མཆོག །ཚིགས་སུ་བཅད་དེ་ངས་གསུངས་པ། །མཚན་ཉིད་དོན་ནི་འདི་དག་གོ། །དེ་ནས་བྱང་ཆུབ་སེམས་དཔའ་འོད་སྲུང་གིས་
D119.052.0119b05.01ཚིགས་སུ་བཅད་དེ་བཅོམ་ལྡན་འདས་ལ་གསོལ་པ། སྐྱབས་སུ་འགྲོ་བའི་གནས་གསུམ་པོ། །བདག་ནི་གང་ཡང་མ་རྟོགས་ན། །བླ་མེད་འཇིགས་པ་མ་མཆིས་པར། །དེ་ལ་ཇི་ལྟར་སྐྱབས་སུ་མཆི། །དཀོན་མཆོག་གསུམ་ཡང་མ་རྟོགས་ན། །བདག་མ་མཆིས་པར་ཇི་
D119.052.0119b06.01ལྟར་བགྱི། །ཇི་ལྟར་སངས་རྒྱས་སྐྱབས་གསོལ་ན། །རབ་ཏུ་བདེ་བ་ཐོབ་པར་འགྱུར། །ཇི་ལྟར་ཆོས་ལ་སྐྱབས་གསོལ་བ། །བདག་ལ་རྒྱལ་བས་བསྟན་དུ་གསོལ། །ཇི་ལྟར་ཆེ་བའི་དབང་ཐོབ་འགྱུར། །དབང་དུ་མི་འགྱུར་གང་ལགས་པ། །ཇི་ལྟར་དགེ་འདུན་སྐྱབས་གསོལ་ན། །
D119.052.0119b07.01