完整藏文原文 · 德格版页 当前仅加载第 52 函德格 104a 版页；藏文 NFD、目录标记与异常页序保留在来源切片中，重复版页行以稳定序号区分。
སྐད་དུ་གསུངས་ཏེ། དགེ་སློང་ནི་གསེར་དང་། དངུལ་དང་། བཻ་དཱུརྱ་དང་། ཤེལ་དང་། མུ་ཏིག་དང་། མུ་ས་ལ་གལ་བྷ་དང་། བྱི་རུ་དང་། ཨསྨ་གར་བྷ་དང་། ཤེལ་གྱི་སྣམ་བུ་དང་། བྲན་ཕོ་དང་། བྲན་མོ་དང་། ལས་བྱེད་པའི་མི་དང་། ཁྱེའུ་
D119.052.0104a01.01དང་། བུ་མོ་དང་། བ་ལང་དང་། ལུག་དང་། བལ་གྱི་གླང་པོ་ཆེ་དང་། རྟ་དང་། བོང་བུ་དང་། དྲེའུ་དང་། བྱ་དང་། ཁྱི་དང་། ཕག་དང་། ལྕགས་དང་། ཟངས་དང་། ཟངས་གཞོང་ཆེ་ཕྲ་ལ་སོགས་པ་མ་བརྟགས་པའི་དངོས་པོ་ཁྲི་སྟན་དང་། མལ་ཆ་དང་། འཚོ་བའི་
D119.052.0104a02.01ཡོ་བྱད་རྣམ་པ་མང་པོ་ཁང་ཁྱིམ་དང་། ཞིང་རྨོ་བ་དང་། ཚོང་སྤོགས་དང་། ལག་དར་ཏེ་ཁ་ཟས་ཀྱི་གཡོས་བྱེད་པ་དང་། ལག་དར་ཏེ་ཕྱེ་འཐག་པ་དང་། འབྲས་འདྲུ་བ་དང་། ལུས་གསོ་བའི་སྔགས་དང་། ཁྲ་འདུལ་བའི་ཆོ་ག་དང་། སྐར་མ་བལྟ་བ་དང་། མོ་
D119.052.0104a03.01གདབ་པ་དང་། ཁྱོ་ཤུག་གི་མཚན་བལྟ་བ་དང་། རྨི་ལམ་གསོད་པ་དང་། འདི་ནི་བུ་ཕོར་འོང་། འདི་ནི་བུ་མོར་འོང་། འདི་ནི་བུ་ཕོ་མ་ཡིན། འདི་ནི་བུ་མོ་མ་ཡིན་ཞེས་མཁས་པའི་གནས་དྲུག་ཅུ་རྩ་བཞི་བརྟག་པ་དང་། གཞན་ཡང་རིག་པའི་གནས་{བཅྭ་,བཅོ་}
D119.052.0104a04.01བརྒྱད་དང་། སྔགས་དང་། བཟོ་རྣམ་པ་སྣ་ཚོགས་དང་། འཇིག་རྟེན་གྱི་གཙུག་ལག་ཚད་མེད་པ་སྨྲ་བ་དང་། སྤོས་ཕྱེ་མ་དང་། བྱུག་སྤོས་དང་། བདུག་སྤོས་རྣམ་པ་སྣ་ཚོགས་སྦྱོར་བ་དང་། མེ་ཏོག་གི་ཕྲེང་བ་རྣམ་པ་སྣ་ཚོགས་དང་། སྐྲ་འཆོས་
D119.052.0104a05.01པའི་ཆོ་ག་དང་། གཡོ་དང་། སྒྱུ་དང་། ཁེ་དང་། རྙེད་པ་ལ་ཆོག་མི་ཤེས་པ་དང་། འདུ་འཛི་ལ་དགའ་བ་དང་། གཏམ་དང་། སྨྲང་ལ་དགའ་བ་དང་། ཉ་ཤ་ལ་དགའ་བ་དང་། དུག་སྦྱོར་བ་དང་། སྨེ་བ་དབྱུང་བའི་སྨན་སྦྱོར་བ་དང་། བྱུག་པའི་མར་བསུང་ཅན་
D119.052.0104a06.01སྦྱོར་བ་དང་། རིན་པོ་ཆེའི་གདུགས་དང་། ལྷམ་ལ་སོགས་པ་བྱེད་པ་དང་། བསིལ་ཡབ་དང་། ཟ་མ་ཏོག་དང་། རི་མོ་ལ་སོགས་པ་བྱེད་པ་དང་། ཁྲེ་འབྲས་དང་། སྲན་མ་རྣམ་པ་མང་པོ་དང་། ཤིང་ཏོག་གི་རྣམ་པ་ལ་སོགས་པ་དང་། རྒྱལ་པོ་དང་། རྒྱལ་བུ་
D119.052.0104a07.01