完整藏文原文 · 德格版页 当前仅加载第 52 函德格 5b 版页；藏文 NFD、目录标记与异常页序保留在来源切片中，重复版页行以稳定序号区分。
བཀང་ངོ་། །དགེ་བསྙེན་དེ་རྣམས་སོ་སོ་ནས་ཡིད་ལ་འདི་སྙམ་དུ་སེམས་སོ། །སོ་སོའི་སྐྱེ་བོ་དག་གལ་ཏེ་བཟའ་བས་བྲེལ་ན་བཟའ་བ་བྱིན་ནོ། །བཏུང་བས་བྲེལ་བ་ལ་བཏུང་བ། མགོ་འདོད་པ་རྣམས་ལ་མགོ། །མིག་འདོད་པ་རྣམས་ལ་མིག །དེ་ལྟར་སོ་སོའི་སྐྱེ་བོ་དག་ཅི་འདོད་པ་བཞིན་དུ་སྦྱིན་པ་ཐམས་
D119.052.0005b01.01ཅད་བྱིན་ཏེ། སྦྱིན་པ་དེ་ཡང་འདོད་ཆགས་དང་། ཞེ་སྡང་དང་། གཏི་མུག་དང་། རྙོག་པའི་སེམས་མེད་དོ། །དེ་ལས་གཞན་པ་འཇིག་རྟེན་གྱི་ལོངས་སྤྱོད་ཀྱི་ཕྱིར་བསམ་པའི་སེམས་མེད་ཀྱི་བླ་ན་མེད་པ་ཡོངས་སུ་དག་པའི་བྱང་ཆུབ་འབའ་ཞིག་གི་ཕྱིར་རོ། །དགེ་བསྙེན་དེ་དག་བླ་ན་མེད་པའི་བྱང་ཆུབ་
D119.052.0005b02.01ལ་བདེ་བར་གནས་ནས་ཡང་འདི་སྙམ་དུ་སེམས་སོ། །དེ་བཞིན་གཤེགས་པ་ནི་བདག་ཅག་གི་མཆོད་པ་འདི་བཞེས་ནས་ཡོངས་སུ་མྱ་ངན་ལས་འདའོ་སྙམ་བསམས་ནས། དེ་དག་གི་ལུས་ཀྱི་བ་སྤུ་ཀུན་ལངས་ཏེ། ལུས་ཁྲག་གིས་རྒྱས་པ་ནི་མེ་ཏོག་པ་ལ་ཤ་ལྟ་བུར་གྱུར། མཆི་མས་ནི་མིག་གང་། སྡུག་
D119.052.0005b03.01བསྔལ་ཆེན་པོས་ནི་ཡིད་གདུངས་པར་གྱུར་ཏེ། སོ་སོ་ནས་མཆོད་པའི་ཡོ་བྱད་བཤམས་པ་སྤོས་ཀྱི་ཤིང་དང་། རྒྱལ་མཚན་དང་། བ་དན་དང་། གདུགས་དང་། ཞལ་ཟས་རྣམས་རིན་པོ་ཆེའི་ཤིང་རྟས་བསྐྱས་ནས་སངས་རྒྱས་གང་ན་བ་དེར་སོང་སྟེ་ཕྱིན་པ་དང་། སངས་རྒྱས་ཀྱི་ཞབས་ལ་སྤྱི་བོས་ཕྱག་
D119.052.0005b04.01འཚལ་ནས་མཆོད་པའི་ཡོ་བྱད་བཤམས་པས་དེ་བཞིན་གཤེགས་པ་ལ་མཆོད་དེ། ལན་བརྒྱ་སྟོང་དུ་བསྐོར་ནས་སྐད་ཕྱུང་སྟེ་ངུས་སོ། །ངུ་བའི་སྒྲས་གནམ་ས་ཡང་གཡོས་སོ། །བྲང་རྡུང་ཞིང་ཆོ་ངེས་འདེབས་ཏེ། མཆི་མ་ཆར་བཞིན་དུ་ཟག་ནས། གཅིག་ལ་གཅིག་འདི་སྐད་དུ་ཀྱི་ཧུད་ཀྱི་ཧུད་གྲོགས་
D119.052.0005b05.01པོ་དག་འཇིག་རྟེན་སྟོངས་སོ། །འཇིག་རྟེན་སྟོངས་སོ་ཞེས་སྨྲས་ནས། དེ་བཞིན་གཤེགས་པའི་སྤྱན་སྔར་ལུས་བརྡབས་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དེ་བཞིན་གཤེགས་པས་ཐུགས་བརྩེ་བའི་སླད་དུ་བདག་ཅག་གི་མཆོད་པ་བཤམས་པ་ནང་གི་ཐ་མ་འདི་བཞེས་ཤིག་ཅེས་གསོལ་ཏོ། །
D119.052.0005b06.01བཅོམ་ལྡན་འདས་དུས་མཁྱེན་པས་ཅང་མི་གསུང་སྟེ་མ་བཞེད་ནས། དེ་བཞིན་དུ་ལན་གསུམ་གྱི་བར་དུ་གསོལ་ཀྱང་བཞེས་སུ་མ་གནང་ངོ་། །དགེ་བསྙེན་དེ་དག་བསམ་པ་བཞིན་དུ་མ་གྱུར་ནས། མྱ་ངན་གྱིས་ཡིད་གདུངས་ཏེ། ཅང་མི་སྨྲ་བར་འཁོད་པ་དེ་ནི་དཔེར་ན་ཕ་མ་ཤིན་ཏུ་བྱམས་པའི་བུ་གཅིག་པ་གློ་
D119.052.0005b07.01