完整藏文原文 · 德格版页 当前仅加载第 52 函德格 26b 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ། ལྟོགས་སམ་སྐོམ་ཡང་འགྲོ་བཞིན་དུ་རྩྭ་དང་ཆུ་ཚོལ་ཏེ། ཆོག་ཀྱང་རུང་། མ་ཆོག་ཀྱང་རུང་། དེ་མ་ཐག་ཏུ་བེའུ་ཚོལ་ཞིང་འོང་ངོ་། །སངས་རྒྱས་བཅོམ་ལྡན་འདས་ལ་ནི་དེ་ལྟ་བུའི་དགོངས་པ་མི་མངའི་ཐམས་ཅད་ལ་སྒྲ་གཅན་འཛིན་དང་འདྲ་བར་གཟིགས་སོ། །
D119.052.0026b01.01གང་དེ་ལྟར་དགོངས་པ་དེ་ནི་སངས་རྒྱས་རྣམས་ཀྱི་ཡེ་ཤེས་ཀྱི་སྤྱོད་ཡུལ་ལོ། །འཇམ་དཔལ་འདི་ལྟ་སྟེ། དཔེར་ན་རྒྱལ་པོ་ཆེན་པོའི་རྟ་ཤིན་ཏུ་དུལ་བ་ལས་བཅས་པའི་ཤིང་རྟ་ལ་བོང་བུའི་ཤིང་རྟས་སླེབས་སུ་རེ་བ་ནི་གནས་མེད་དོ། །སྐྱེས་བུ་ཁྱོད་དང་བདག་ཀྱང་དེ་དང་
D119.052.0026b02.01འདྲ་སྟེ། དེ་བཞིན་གཤེགས་པའི་དགོངས་པ་ཟབ་མོའི་མཐའ་ཆུབ་པར་རྟོགས་སུ་རེ་བ་ཡང་གནས་མེད་དོ། །འཇམ་དཔལ་འདི་ལྟ་སྟེ་དཔེར་ན་བྱ་ནམ་མཁའ་ལྡིང་གི་རྒྱལ་པོ་སྟེང་གི་ནམ་མཁའ་ལ་དཔག་ཚད་གྲངས་མེད་པ་ཞིག་ལས་འཕགས་ཏེ། འོག་ཏུ་རྒྱ་མཚོ་
D119.052.0026b03.01ལ་བལྟས་ན་ཆུའི་ནང་ན་གནས་པ་ཉ་དང་། རུས་སྦལ་དང་། ཁོ་གོར་བབ་ཤ་དང་། ཆུ་སྲིན་དང་། ཀླུ་ལ་སོགས་པ་ཆུ་ལ་གནས་པའི་རིས་སུ་གཏོགས་པ་ཐམས་ཅད་གསལ་བར་མཐོང་བ་ནི་ཇི་ལྟར་མེ་ལོང་གསལ་བའི་ནང་ན་གཟུགས་བརྙན་སྣང་བ་དང་འདྲ་སྟེ།
D119.052.0026b04.01བུས་པ་ཤེས་པ་ཆུང་བ་དག་གིས་ནི་དཔག་ནུས་པ་མ་ཡིན་ནོ། །དེ་ལྟར་དེས་མི་མཐོང་བ་བཞིན་དུ་སྐྱེས་བུ་ཁྱོད་དང་བདག་ཀྱང་དེ་དང་འདྲ་སྟེ། དེ་བཞིན་གཤེགས་པའི་ཡེ་ཤེས་ལ་དཔག་ནུས་པ་མ་ཡིན་ནོ། །འཇམ་དཔལ་གྱིས་ཙུན་ད་ལ་སྨྲས་པ། དེ་དེ་བཞིན་
D119.052.0026b05.01ནོ། །དེ་དེ་བཞིན་ཏེ། ཁྱོད་ཀྱིས་སྨྲས་པ་བཞིན་ཏེ། ངས་དོན་འདི་དག་མ་རྟོགས་པ་ནི་མ་ཡིན་གྱི་ཁྱོད་དང་བྱང་ཆུབ་སེམས་དཔའ་རྣམས་བསྟན་པར་ཟད་དོ། །དེའི་ཚེ་བཅོམ་ལྡན་འདས་ཀྱིས་ཞལ་གྱི་སྒོ་ནས་འོད་ཟེར་རྣམ་པ་སྣ་ཚོགས་བཀྱེ་ནས་འོད་དེས་འཇམ་
D119.052.0026b06.01དཔལ་གྱི་ལུས་ལ་ཡོངས་སུ་སྣང་བར་བྱས་སོ། །འཇམ་དཔལ་ལ་འོད་དེས་རེག་མ་ཐག་ཏུ་དངོས་པོ་ཇི་ལྟ་བ་ཉིད་མོད་ལ་རྟོགས་ནས་ཙུན་ད་ལ་འདི་སྐད་ཅེས་སྨྲས་སོ། །དེ་བཞིན་གཤེགས་པས་ལྟས་འདི་བསྟན་ནས་རིང་པོ་མི་ཐོགས་པར་ཡོངས་སུ་མྱ་ངན་ལས་འདས་
D119.052.0026b07.01