完整藏文原文 · 德格版页 当前仅加载第 52 函德格 27a 版页；藏文 NFD、目录标记与异常页序保留在来源切片中，重复版页行以稳定序号区分。
པར་གཤེགས་ངེས་ཀྱིས་ཁྱོད་ཀྱི་མཆོད་པ་ནང་གི་ཐ་མར་བཤམས་པ་བཅོམ་ལྡན་འདས་དང་། དགེ་འདུན་ཆེན་པོ་རྣམས་ལ་དབུལ་བའི་དུས་ལ་བབ་བོ། །ཙུན་ད་དེ་བཞིན་གཤེགས་པས་འོད་ཟེར་རྣམ་པ་སྣ་ཚོགས་བཀྱེ་བ་འདི་ནི་རྒྱུ་མེད་རྐྱེན་མེད་པ་མ་
D119.052.0027a01.01ཡིན་པར་རིག་པར་གྱིས་ཤིག །ཙུན་དས་དེ་སྐད་ཅེས་སྨྲས་པ་ཐོས་ནས་ཅང་མི་སྨྲ་བར་འདུག་གོ། །བཅོམ་ལྡན་འདས་ཀྱིས་ཙུན་ད་ལ་བཀའ་སྩལ་པ། ཁྱོད་ཀྱིས་མཆོད་པ་བཤམས་པ་སངས་རྒྱས་དང་དགེ་འདུན་རྣམས་ལ་དབུལ་བའི་དུས་ལ་བབ་བོ། །དེ་བཞིན་
D119.052.0027a02.01གཤེགས་པ་ནི་ཡོངས་སུ་མྱ་ངན་ལས་འདའོ་ཞེས་ལན་གཉིས་ལན་གསུམ་གྱི་བར་དུ་དེ་བཞིན་དུ་བཀའ་སྩལ་ཏོ། །དེའི་ཚེ་ཙུན་དས་བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་ཐོས་མ་ཐག་ཏུ་སྐད་ཆེན་པོ་ཕྱུང་སྟེ་ངུས་ནས་འདི་སྐད་དུ་ཀྱི་ཧུད་ཀྱི་ཧུད་འཇིག་རྟེན་
D119.052.0027a03.01སྟོངས་སོ་ཞེས་ཆོ་ངེས་རྡུང་ངོ་། །ཡང་འཁོར་གྱི་དཀྱིལ་འཁོར་རྣམས་ལ་འདི་སྐད་དུ་བདག་ཅག་གིས་ལུས་སྨད་ལྔ་ས་ལ་གཏུགས་ཏེ། ཐམས་ཅད་ཀྱིས་སྐད་འཐུན་པར་བཅོམ་ལྡན་འདས་མྱ་ངན་ལས་མི་འདའ་བར་གསོལ་བ་གདབ་པར་བྱའོ། །བཅོམ་ལྡན་འདས་ཀྱིས་ཙུན་
D119.052.0027a04.01ད་ལ་བཀའ་སྩལ་པ། སེམས་ཡོངས་སུ་གདུངས་ཤིང་མ་ངུ་བར་བདག་གི་ལུས་ལ་ཆུ་ཤིང་ལྟ་བུའམ། སྨིག་རྒྱུ་བའམ། ཆུའི་ཆུ་བུར་རམ། སྒྱུ་མའམ། དྲི་ཟའི་གྲོང་ཁྱེར་རམ། རྫ་སོ་མ་བཏང་བ་ལྟ་བུ་འམ། གློག་གི་འོད་དམ། ཆུ་ལ་རི་མོ་བྲིས་པ་འམ། གསོད་དུ་
D119.052.0027a05.01ཁྲིད་པའི་བཙོན་ལྟ་བུའམ། ཤིང་ཏོག་སྨིན་པ་ལྟ་བུ་འམ། ཤ་རུལ་པའམ། ཐགས་ཀྱི་རྒྱུ་ཟད་པའམ། གཏུན་ལྟ་བུར་བལྟའོ། །འདུ་བྱེད་རྣམས་ལ་དུག་དང་འདྲེས་པའི་ཟས་ལྟ་བུར་བལྟའོ། །འདུས་བྱས་ཀྱི་ཆོས་རྣམས་ལ་ཉེས་པའི་སྐྱོན་རྣམ་པ་མང་བར་བལྟའོ། །
D119.052.0027a06.01དེ་ནས་ཙུན་དས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དེ་བཞིན་གཤེགས་པ་འཇིག་རྟེན་ན་ཡུན་དུ་བཞུགས་པར་མི་དགྱེས་ན་བདག་མི་ངུ་བའི་གཏོལ་ག་ལ་མཆིས། ཀྱི་ཧུད་ཀྱི་ཧུད་འཇིག་རྟེན་སྟོངས་སོ། །བཅོམ་ལྡན་འདས་བདག་ཅག་དང་། སེམས་ཅན་
D119.052.0027a07.01