完整藏文原文 · 德格版页 当前仅加载第 52 函德格 141a 版页；藏文 NFD、目录标记与异常页序保留在来源切片中，重复版页行以稳定序号区分。
གཤེགས་པ་ལ་རྟག་པ་དང་མི་འགྱུར་མི་འཕོ་བ་དང་། དམ་པའི་ཆོས་ཀྱང་རྒྱུན་མི་འཆད་པ་དང་། དགེ་འདུན་ཡང་མེད་པར་མི་འགྱུར་བའི་སེམས་བསྐྱེད་དོ། །དེ་བས་ན་ཤིན་ཏུ་ཐབས་མཁས་པས་མདོ་སྡེ་འདི་ལ་བརྩོན་འགྲུས་སུ་ནན་ཏན་བྱས་ན་སྐྱེས་
D119.052.0141a01.01བུ་དེ་ནི་རིང་པོ་མི་ཐོགས་པར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་པར་འགྱུར་རོ། །དེ་བས་ན་མདོ་སྡེ་འདི་ནི་ཚད་མེད་པའི་ཡོན་ཏན་ལྷུན་གྱིས་གྲུབ་པ་ཞེས་ཀྱང་བྱ། བྱང་ཆུབ་ཟད་མི་ཤེས་པ་ཞེས་ཀྱང་བྱ་སྟེ། ཟད་མི་ཤེས་པས་ན་ཡོངས་སུ་མྱ་ངན་ལས་འདས་
D119.052.0141a02.01པ་ཆེན་པོ་ཞེས་གདགས་སོ། །ཤིན་ཏུ་འོད་དང་ལྡན་པས་དབྱར་གྱི་ཉི་མ་དང་མཚུངས་སོ། །ཚོགས་མཐའ་ཡས་པས་ཡོངས་སུ་མྱ་ངན་ལས་འདས་པ་ཆེན་པོ་ཞེས་བྱའོ། །རིགས་ཀྱི་བུ་འདི་ལྟ་སྟེ་དཔེར་ན་ཉི་ཟླའི་འོད་ནི་འོད་སྣང་བ་ཐམས་ཅད་ཀྱི་མཆོག་གོ། །མྱ་
D119.052.0141a03.01ངན་ལས་འདས་པ་ཆེན་པོའི་འོད་ཀྱང་དེ་དང་འདྲ་སྟེ། མདོ་སྡེའི་ཏིང་ངེ་འཛིན་གྱི་འོད་ཐམས་ཅད་པས་མཆོག་སྟེ། མདོ་སྡེའི་ཏིང་ངེ་འཛིན་གྱི་འོད་ཐམས་ཅད་ཀྱིས་ཉེ་བ་མ་ཡིན་ནོ། །དེ་ཅིའི་ཕྱིར་ཞེ་ན། ཡོངས་སུ་མྱ་ངན་ལས་འདས་པའི་འོད་འདི་ནི་སེམས་ཅན་དག་གི་
D119.052.0141a04.01བ་སྤུའི་ཁུང་བུ་ཀུན་ཏུ་འཇུག་སྟེ། སེམས་ཅན་ལ་བྱང་ཆུབ་ཀྱི་སེམས་མེད་ཀྱང་། བྱང་ཆུབ་ཀྱི་རྒྱུར་འགྱུར་བར་བྱེད་པས་ན་ཡོངས་སུ་མྱ་ངན་ལས་འདས་པ་ཆེན་པོ་ཞེས་བྱའོ། །དེ་ནས་བྱང་ཆུབ་སེམས་དཔའ་འོད་སྲུང་གིས་བཅོམ་ལྡན་འདས་ལ་གསོལ་པ། བཅོམ་ལྡན་འདས་
D119.052.0141a05.01བཅོམ་ལྡན་འདས་ཀྱིས་གསུངས་པ་ལྟར་ན་མྱ་ངན་ལས་འདས་པ་ཆེན་པོའི་འོད་ཟེར་གྱིས་རེག་ན་སེམས་ཅན་ཐམས་ཅད་ཀྱི་བ་སྤུའི་བུ་གར་འཇུག་པས་སེམས་ཅན་དེ་དག་ལ་བྱང་ཆུབ་ཀྱི་སེམས་མ་མཆིས་ཀྱང་བྱང་ཆུབ་ཀྱི་རྒྱུར་འགྱུར་རོ། །ཞེས་བགྱི་བ་དེ་མི་རུང་ངོ་། །དེ་
D119.052.0141a06.01ཅིའི་སླད་དུ་ཞེ་ན། བཅོམ་ལྡན་འདས་ཕས་ཕམ་པ་བཞི་འབྱུང་བ་དང་། མཚམས་མེད་པ་ལྔ་བགྱིས་པ་དང་། ལོག་སྲེད་ཀྱི་ལས་བགྱིས་པ་འོད་ཟེར་གྱིས་རེག་པས་བྱང་ཆུབ་ཀྱི་རྒྱུར་འགྱུར་ན་ལྟ་དེ་དག་དང་ཚུལ་ཁྲིམས་སྲུང་ཞིང་དགེ་བའི་ཚོགས་ལ་སོགས་པ་ལ་ཁྱད་པར་ཡང་ཅི་
D119.052.0141a07.01