完整藏文原文 · 德格版页 当前仅加载第 52 函德格 214b 版页；藏文 NFD、目录标记与异常页序保留在来源切片中，重复版页行以稳定序号区分。
ཚོལ་བའི་སེམས་སྐྱེ་བའོ། །འདི་ལྟ་སྟེ་བཀྲེས་པ་ཟས་ཚོལ་བ་དང་། སྐོམ་པ་ཆུ་ཚོལ་བ་དང་། གྲང་བ་དྲོ་བ་ཚོལ་བ་དང་། ཚ་བ་བསིལ་བ་འདོད་པ་དང་། ངལ་བ་བསྟི་འདོད་པ་དང་། ནད་པ་འཚོ་འདོད་པ་དང་། འདོད་པ་གཟུགས་ཚོལ་བ་སྟེ། ཅི་སྟེ་བདེ་བ་མ་མཆིས་ན་དེ་
D119.052.0214b01.01དག་ཅིའི་སླད་དུ་ཚོལ། ཚོལ་བ་མཆིས་པས་ན་བདེ་བ་མཆིས་པར་མངོན་ནོ། །བཅོམ་ལྡན་འདས་མུ་སྟེགས་ཅན་ཁ་ཅིག་ཀྱང་འདི་སྐད་ཅེས་མཆིའོ། །སྦྱིན་པ་བྱིན་པས་བདེ་བར་འགྱུར་ཏེ། འཇིག་རྟེན་པ་དག་དགེ་སློང་ངམ། བྲམ་ཟེའམ། དབུལ་ཕོངས་པ་ལ་གོས་དང་།
D119.052.0214b02.01ཟས་དང་། སྐོམ་དང་། མལ་ཆ་དང་། ནད་ཀྱི་རྐྱེན་སྨན་དང་། བལ་གླང་དང་། རྟ་དང་། ཐེག་པ་དང་། སྤོས་ཕྱེ་མ་དང་། མེ་ཏོག་དང་། ཁང་ཁྱིམ་དང་། གནས་དང་། མེ་མར་ལ་སོགས་པ་སྦྱིན་པ་བྱིན་ན། ཚེ་ཕྱི་མ་ལ་ཡིད་དུ་འོང་བའི་འབྲས་བུ་མྱོང་བར་འགྱུར་ཏེ།
D119.052.0214b03.01དེ་བས་ན་ངེས་པར་བདེ་བ་མཆིས་སོ། །བཅོམ་ལྡན་འདས་མུ་སྟེགས་ཅན་ཁ་ཅིག་ཀྱང་འདི་སྐད་ཅེས་མཆིའོ། །རྒྱུ་དང་རྐྱེན་གྱི་ཕྱིར་བདེ་བ་མཆིས་པར་འཚལ་ལོ། །འདི་ལྟ་སྟེ་བདེ་བ་མྱོང་བ་ཡང་རྒྱུ་དང་རྐྱེན་མཆིས་པས་ན་བདེ་བ་ལ་རེག་པ་ཞེས་བྱ་སྟེ། བདེ་བ་མ་མཆིས་ན་
D119.052.0214b04.01རྒྱུ་དང་རྐྱེན་ཡང་ག་ལ་མཆིས། དཔེར་ན་རི་བོང་གི་རྭ་མ་མཆིས་ན། རྒྱུ་དང་རྐྱེན་ཡང་མ་མཆིས་སོ། །བདེ་བའི་རྒྱུ་དང་རྐྱེན་མཆིས་པས་བདེ་བ་མཆིས་པར་འཚལ་ལོ། །བཅོམ་ལྡན་འདས་མུ་སྟེགས་ཅན་ཁ་ཅིག་ཀྱང་འདི་སྐད་ཅེས་མཆི་སྟེ། རབ་དང་འབྲིང་དང་། ཐ་
D119.052.0214b05.01མའི་ཕྱིར་བདེ་བ་མཆིས་པར་འཚལ་ཏོ། །བདེ་བ་མྱོང་བ་ཐ་མ་ནི་བརྒྱ་བྱིན་ལྷའི་དབང་ཕྱུག་གོ། །བདེ་བ་མྱོང་བ་འབྲིང་ནི་ཚངས་པ་ཆེན་པོ་ལྷའི་རྒྱལ་པོའོ། །བདེ་བ་མྱོང་བ་རབ་ནི་དབང་སྒྱུར་ཆེན་པོ་སྟེ། དེ་ལྟར་རབ་དང་འབྲིང་དང་། ཐ་མ་མཆིས་པས་བདེ་བ་མཆིས་
D119.052.0214b06.01པར་འཚལ་ཏོ། །བཅོམ་ལྡན་འདས་མུ་སྟེགས་ཅན་ཁ་ཅིག་ནི་འདི་སྐད་ཅེས་དག་པ་མཆིས་སོ། །ཞེས་མཆིའོ། །དེ་ཅིའི་སླད་དུ་ཞེ་ན། ཅི་སྟེ་དག་པ་ཞིག་མ་མཆིས་ན་འདོད་པ་སྐྱེ་བ་ཡང་མི་རིགས་ན། འདོད་པ་སྐྱེ་བ་ལས་ན་དག་པ་མཆིས་པར་འཚལ་ཏོ། །ཁ་
D119.052.0214b07.01