完整藏文原文 · 德格版页 当前仅加载第 52 函德格 223b 版页；藏文 NFD、目录标记与异常页序保留在来源切片中，重复版页行以稳定序号区分。
རིགས་ཀྱི་བུ་གཞན་ཡང་ངས་སྔོན་བཱ་རཱ་ཎ་སཱིར་ཐོག་མ་ཆོས་ཀྱི་འཁོར་ལོ་བསྐོར་བ་ན་ལྷ་དང་མི་བརྒྱད་ཁྲི་སྙེད་རྒྱུན་དུ་ཞུགས་པའི་འབྲས་བུ་ཐོབ་པར་གྱུར་ཏོ། །ད་རྩྭ་མཆོག་གི་གྲོང་ཁྱེར་འདིར་ནི་ལྷ་དང་མི་ཁྲི་ཕྲག་བརྒྱད་ཅུ་སྙེད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་
D119.052.0223b01.01མི་ལྡོག་པར་གྱུར་ཏོ། །རིགས་ཀྱི་བུ་སྔོན་བཱ་རཱ་ཎ་སཱིར་ནི་ཚངས་པ་ཆེན་པོའི་རྒྱལ་པོ་ང་ལ་ཕྱག་འཚལ་ཏེ། ཆོས་ཀྱི་འཁོར་ལོ་བསྐོར་བར་གསོལ་ཏོ། །རྩྭ་མཆོག་གི་གྲོང་ཁྱེར་འདིར་ནི་བྱང་ཆུབ་སེམས་དཔའ་འོད་སྲུང་གིས་ང་ལ་ཕྱག་འཚལ་ཏེ། ཆོས་ཀྱི་འཁོར་ལོ་བསྐོར་བར་
D119.052.0223b02.01གསོལ་ཏོ། །རིགས་ཀྱི་བུ་གཞན་ཡང་སྔོན་བཱ་རཱ་ཎ་སཱིར་ཆོས་ཀྱི་འཁོར་ལོ་བསྐོར་བ་ན་མི་རྟག་པ་དང་། སྡུག་བསྔལ་བ་དང་། སྟོང་པ་དང་། བདག་མེད་པ་སྟོན་ཏོ། །ད་རྩྭ་མཆོག་གི་གྲོང་ཁྱེར་འདིར་ཆོས་ཀྱི་འཁོར་ལོ་བསྐོར་བ་ན་རྟག་པ་དང་། བདེ་བ་དང་། བདག་དང་། ཡོངས་
D119.052.0223b03.01སུ་དག་པ་བསྟན་ཏོ། །གཞན་ཡང་རིགས་ཀྱི་བུ་ངས་སྔོན་བཱ་རཱ་ཎ་སཱིར་ཆོས་ཀྱི་འཁོར་ལོ་བསྐོར་བ་ན་གསུང་དབྱངས་ཚངས་པའི་འཇིག་རྟེན་ལ་ཐུག་གི་བར་དུ་གྲགས་སོ། །ད་རྩྭ་མཆོག་གི་གྲོང་ཁྱེར་འདིར་ཆོས་ཀྱི་འཁོར་ལོ་བསྐོར་བ་ན་གསུང་དབྱངས་ཀྱིས་ཤར་ཕྱོགས་ཀྱི་
D119.052.0223b04.01སངས་རྒྱས་ཀྱི་ཞིང་གང་གཱའི་ཀླུང་གི་བྱེ་མ་ཉི་ཤུ་སྙེད་དུ་གྲགས་ཏེ། ལྷོ་དང་ནུབ་དང་། བྱང་དང་། ཕྱོགས་མཚམས་བཞི་དང་། སྟེང་དང་། འོག་ཏུ་ཡང་དེ་བཞིན་དུ་གྲགས་པར་གྱུར་ཏོ། །གཞན་ཡང་རིགས་ཀྱི་བུ་སངས་རྒྱས་བཅོམ་ལྡན་འདས་ཇི་ཙམ་དུ་གསུང་བ་ཐམས་
D119.052.0223b05.01ཅད་ནི་ཆོས་ཀྱི་འཁོར་ལོ་བསྐོར་བ་ཞེས་བྱའོ། །རིགས་ཀྱི་བུ་དཔེར་ན་འཁོར་ལོས་སྒྱུར་བའི་རྒྱལ་པོའི་འཁོར་ལོ་ནི་མ་བཏུལ་བའི་རྣམས་ཐུལ་བ་དང་། ཐུལ་བའི་རྣམས་བདེ་བར་བྱེད་དོ། །རིགས་ཀྱི་བུ་སངས་རྒྱས་བཅོམ་ལྡན་འདས་རྣམས་ཀྱིས་ཆོས་གསུངས་པ་ཡང་། དེ་
D119.052.0223b06.01དང་འདྲ་སྟེ། ཚད་མེད་པའི་ཀུན་ནས་ཉོན་མོངས་པ་མ་བཏུལ་བ་ཡང་ཐུལ་བར་བྱེད་ལ། ཐུལ་བ་ཡང་དགེ་བའི་རྩ་བ་སྐྱེ་བར་བྱེད་དོ། །རིགས་ཀྱི་བུ་དཔེར་ན་འཁོར་ལོས་སྒྱུར་བའི་རྒྱལ་པོ་ནི་འཁོར་ལོ་རིན་པོ་ཆེས་ཕས་རྒོལ་བའི་དགྲ་ཐམས་ཅད་ཞི་བར་བྱེད་དོ། །དེ་བཞིན་གཤེགས་
D119.052.0223b07.01