完整藏文原文 · 德格版页 当前仅加载第 52 函德格 144a 版页；藏文 NFD、目录标记与异常页序保留在来源切片中，重复版页行以稳定序号区分。
ནི་འཕགས་པའི་སྤྱོད་པ་མི་སྤྱོད་པས་མྱ་ངན་ལས་འདས་པ་ལ་འཇུག་ཅིང་འབད་མི་ནུས་སོ། །དེ་ལ་སྐྲག་པར་བྱའོ་ཞེས་བྱ་བ་ནི་དམ་པའི་ཆོས་ལ་སྐུར་པ་སྟེ། གང་གིས་སྐྲག་པར་བྱ་ཞེ་ན། མཁས་པ་ཤེས་རབ་ཅན་དག་གིས་སོ། །དེ་ཅིའི་ཕྱིར་ཞེ་ན། ཆོས་
D119.052.0144a01.01ལ་སྐུར་པས་དགེ་བའི་སེམས་མེད་དེ། སྦྱོར་བའི་ཐབས་མེད་པའི་ཕྱིར་རོ། །ལམ་གཡང་ས་ཞེས་བྱ་བ་ནི་འདུ་བྱེད་རྣམས་སོ། །འོད་སྲུང་གིས་ཡང་གསོལ་པ། བཅོམ་ལྡན་འདས་ཀྱིས་གསུངས་པ་ལས། བྱ་བ་མཐོང་བ་གང་དག་ལགས། །དགེ་བའི་ཆོས་སུ་གང་དག་
D119.052.0144a02.01འགྱུར། །མི་འཇིགས་པ་ཡི་གནས་ནི་གང་། །རྒྱལ་པོས་བདེ་བའི་ལམ་བགྲོད་བཞིན། །ཞེས་བགྱི་བའི་དོན་ནི་ཇི་ལྟ་བུ་ལགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་བྱ་བ་མཐོང་ཞེས་བྱ་བ་ནི། སྡིག་པ་མཐོལ་བ་ལ་བྱ་སྟེ། འཁོར་བའི་མཐའ་ནས་སྡིག་
D119.052.0144a03.01པ་མི་དགེ་བའི་ཆོས་ཅི་བྱས་པ་ཀུན་བཤགས་ཏེ། ཕྱིན་པ་མེད་པའི་གནས་སུ་ཕྱིན་པའོ། །དེ་བས་ན་གནས་དེ་ནི་མི་འཇིགས་པ་སྟེ། དཔེར་ན་རྒྱལ་པོ་ལམ་དུ་ཞུགས་ཏེ་སོང་ན་ལམ་ཀ་ནས་མི་རྒོད་ལ་སོགས་པ་འབྱོལ་ཞིང་འབྲོས་སོ། །དེ་བཞིན་དུ་སྡིག་པ་མི་དགེ་བའི་ཆོས་
D119.052.0144a04.01ཀྱང་མཐོལ་ཞིང་བཤགས་ན་ཐམས་ཅད་བྱང་བར་འགྱུར་རོ། །གཞན་ཡང་བྱེད་པ་མི་མཐོང་བ་ནི་ལོག་སྲེད་ཅན་དག་སྡིག་པ་མི་དགེ་བའི་ལས་བྱས་ཀྱང་མི་མཐོང་བའོ། །ལོག་སྲེད་ཅན་དག་ནི་ང་རྒྱལ་གྱི་དྲེགས་པས་སྡིག་པ་མི་དགེ་བའི་ཆོས་མང་དུ་བྱས་ཀྱང་ཐོག་མ་ནས་མི་སྐྲག་
D119.052.0144a05.01མི་འཇིགས་པའོ། །དེ་བས་ན་མྱ་ངན་ལས་འདས་པ་མི་ཐོབ་པ་ནི་དཔེར་ན་སྤྲེའུ་དག་ཆུའི་ནང་གི་ཟླ་བ་འཛིན་པ་དང་མཚུངས་སོ། །རིགས་ཀྱི་བུ་གལ་ཏེ་ཚད་མེད་པའི་སེམས་ཅན་ཐམས་ཅད་ཅིག་ཅར་དུས་གཅིག་ཏུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་
D119.052.0144a06.01སངས་རྒྱས་ཀྱང་དེ་བཞིན་གཤེགས་པ་དེ་དག་གིས་ཀྱང་ལོག་སྲེད་ཅན་དག་བྱང་ཆུབ་ཐོབ་པར་མི་རིགས་ཏེ། དེ་བས་ན་བྱ་བ་མི་མཐོང་བ་ཞེས་བྱའོ། །གཞན་ཡང་སུས་བྱས་པ་མི་མཐོང་ཞེ་ན། དེ་བཞིན་གཤེགས་པས་མཛད་པས་མི་མཐོང་ངོ་། །དེ་བཞིན་གཤེགས་པས་
D119.052.0144a07.01