完整藏文原文 · 德格版页 当前仅加载第 52 函德格 232b 版页；藏文 NFD、目录标记与异常页序保留在来源切片中，重复版页行以稳定序号区分。
མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་སངས་རྒྱས་སོ། །རིགས་ཀྱི་བུ་ངས་དེ་ལྟར་ཚད་མེད་པའི་ཡོན་ཏན་ཐོབ་པ་ཡང་དེ་བཞིན་གཤེགས་པའི་ཡང་དག་པའི་ཆོས་ལ་མཆོད་པའི་དབང་གིས་སོ། །རིགས་ཀྱི་བུ་ཁྱོད་ཀྱང་དེ་དང་འདྲ་སྟེ། བླ་ན་མེད་པ་ཡང་དག་
D119.052.0232b01.01པར་རྫོགས་པའི་བྱང་ཆུབ་ཏུ་སེམས་བསྐྱེད་པས་བྱང་ཆུབ་སེམས་དཔའ་ཚད་མེད་མཐའ་ཡས་པ་ཀླུང་གང་གཱའི་བྱེ་མ་སྙེད་པས་ཤིན་ཏུ་འཕགས་ཏེ་ཕུལ་དུ་གྱུར་ཏོ། །རིགས་ཀྱི་བུ་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཐེག་པ་ཆེན་པོ་ཡོངས་སུ་མྱ་ངན་ལས་འདས་པ་
D119.052.0232b02.01ལ་གནས་པ་ན་འཕགས་པའི་སྤྱད་པ་སྤྱོད་པ་ཞེས་བྱའོ། །འཕགས་པ་ཡོངས་སུ་མྱ་ངན་ལས་འདས་པ་ཐེག་པ་ཆེན་པོའི་མདོ་ལས། འཕགས་པའི་སྤྱོད་པ་ཞེས་བྱ་བའི་ལེའུ་སྟེ་དྲུག་གོ།། །།འཕགས་པ་ཡོངས་སུ་མྱ་ངན་ལས་འདས་པ་ཆེན་པོའི་མདོ། བམ་
D119.052.0232b03.01པོ་ཉི་ཤུ་པ། རིགས་ཀྱི་བུ་དེ་ལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཚངས་པར་སྤྱོད་པ་ཞེ་ན། རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཐེག་པ་ཆེན་པོ་ཡོངས་སུ་མྱ་ངན་ལས་འདས་པ་ལ་གནས་པ་དག་ཆོས་རྣམ་པ་འདི་བདུན་གྱིས་ན་ཚངས་པར་སྤྱོད་པ་
D119.052.0232b04.01དང་ལྡན་པར་འགྱུར་རོ། །བདུན་གང་ཞེ་ན། འདི་ལྟ་སྟེ། ཆོས་ཤེས་པ་དང་། དོན་ཤེས་པ་དང་། དུས་ཤེས་པ་དང་། ཆོག་ཤེས་པ་དང་། བདག་ཤེས་པ་དང་། འཁོར་ཤེས་པ་དང་། བླ་མ་དང་འོག་མ་ཤེས་པའོ། །རིགས་ཀྱི་བུ་དེ་ལ་ཇི་ལྟར་ན་བྱང་ཆུབ་སེམས་དཔའ་
D119.052.0232b05.01སེམས་དཔའ་ཆེན་པོ་ཆོས་ཤེས་པ་ཞེ་ན། རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོས་མདོ་སྡེ་བཅུ་གཉིས་ཤེས་པ་ཡིན་ཏེ། མདོའི་སྡེ་དང་། དབྱངས་ཀྱིས་བསྙད་པ་དང་། ལུང་དུ་བསྟན་པ་དང་། ཚིགས་སུ་བཅད་པ་དང་། ཆེད་དུ་བརྗོད་པ་དང་། གླེང་གཞི་དང་།
D119.052.0232b06.01རྟོགས་པ་བརྗོད་པ་དང་། དེ་ལྟ་བུ་བྱུང་བ་དང་། སྐྱེས་པའི་རབས་ཀྱི་སྡེ་དང་། ཤིན་ཏུ་རྒྱས་པ་དང་། རྨད་དུ་བྱུང་བའི་ཆོས་དང་། གཏན་ལ་བབ་པར་བསྟན་པ་ཤེས་པའོ། །རིགས་ཀྱི་བུ་མདོའི་སྡེ་ཞེས་བྱ་བ་ནི་འདི་སྐད་བདག་གིས་ཐོས་པ་ཞེས་སྨོས་པ་ནས། དགའ་ནས་
D119.052.0232b07.01