完整藏文原文 · 德格版页 当前仅加载第 52 函德格 234a 版页；藏文 NFD、目录标记与异常页序保留在来源切片中，重复版页行以稳定序号区分。
པ་དེ་དག་ནི་དེ་ལྟ་བུ་བྱུང་བའི་སྡེ་ཞེས་བྱའོ། །སྐྱེས་པའི་རབས་ཞེས་བྱ་བ་ནི་བཅོམ་ལྡན་འདས་སྔོན་བྱང་ཆུབ་སེམས་དཔའི་སྤྱད་པ་སྤྱོད་ཅིང་དཀའ་བ་མཛད་པ་འདི་དག་ཡིན་ཏེ། དགེ་སློང་རྣམས་ཤེས་པར་གྱིས་ཤིག །ངས་སྔོན་ཤ་བའི་ལུས་བྱས་པ་དང་། དྲེད་
D119.052.0234a01.01མོའི་ལུས་དང་། ཤ་བཀྲའི་ལུས་དང་། རི་བོང་གི་ལུས་དང་། རྒྱལ་པོའི་ལུས་དང་། འཁོར་ལོས་སྒྱུར་བའི་རྒྱལ་པོའི་ལུས་དང་། ཀླུ་དང་། ནམ་མཁའ་ལྡིང་གི་ལུས་ལ་སོགས་པ་བྱང་ཆུབ་སེམས་དཔའི་སྤྱད་པ་སྤྱོད་པ་ན་མྱོང་བར་གྱུར་ཏོ་ཞེས་སྨོས་པ་ནི་སྐྱེས་པའི་རབས་ཞེས་བྱའོ། །
D119.052.0234a02.01ཤིན་ཏུ་རྒྱས་པ་ཞེས་བྱ་བ་ནི་ཐེག་པ་ཆེན་པོ་ཤིན་ཏུ་རྒྱས་པའི་མདོ་སྡེའི་དོན་ཤིན་ཏུ་རྒྱ་ཆེ་ལ་ཡངས་པ་ནི་ནམ་མཁའ་དང་འདྲ་ཞེས་གསུངས་པ་ནི་ཤིན་ཏུ་རྒྱས་པའི་མདོ་སྡེ་ཞེས་བྱའོ། །རྨད་དུ་བྱུང་བ་ཞེས་བྱ་བ་ནི་བྱང་ཆུབ་སེམས་དཔའ་ཐོག་མ་བཙས་མ་ཐག་ཏུ་སུས་ཀྱང་མ་བསྟན་པར་
D119.052.0234a03.01གོམ་པ་བདུན་སོང་བ་དང་། འོད་ཟེར་ཆེན་པོ་བཀྱེ་བ་དང་། ཕྱོགས་བཅུར་བལྟས་པ་དང་། སྤྲེའུ་སྦྲང་རྩིའི་སྣོད་ཐོགས་ཏེ་དེ་བཞིན་གཤེགས་པ་ལ་ཕུལ་བ་དང་། ཁྱི་གོང་ཀར་སངས་རྒྱས་ལ་ཆོས་ཉན་པ་དང་། བདུད་སྡིག་ཏོ་ཅན་བ་ལང་སྔོན་པོར་སྤྲུལ་ནས། གྱོ་མོའི་ལྷུང་བཟེད་
D119.052.0234a04.01མང་པོ་བཞག་པའི་ནང་དུ་སོང་སྟེ་གཅིག་ལ་གཅིག་རེག་ཅིང་འཁྲོལ་ཡང་མ་ཆག་པ་དང་། སངས་རྒྱས་ཐོག་མ་བཙས་ནས་ལྷའི་རྟེན་དུ་ཞུགས་པ་ན། ལྷ་རྣམས་ལངས་ཏེ་ཕྱག་འཚལ་བ་ལ་སོགས་པ་དེ་དག་ནི་རྨད་དུ་བྱུང་བའི་སྡེ་ཞེས་བྱའོ། །གཏན་ལ་བབ་པར་བསྟན་པ་ཞེས་བྱ་བ་ནི་
D119.052.0234a05.01སངས་རྒྱས་བཅོམ་ལྡན་འདས་ཀྱིས་མདོ་སྡེ་གསུངས་པ་ལས། ཇི་ཙམ་དུ་དོན་གཏན་ལ་ཕབ་པར་བྱེ་བྲག་ཕྱེ་སྟེ་མཚན་ཉིད་བསྟན་པ་ནི་གཏན་ལ་དབབ་པར་བསྟན་པའི་སྡེ་ཞེས་བྱའོ། །བྱང་ཆུབ་སེམས་དཔའ་དེ་ལྟར་མདོ་སྡེ་བཅུ་གཉིས་རྟོགས་ཤིང་ཤེས་ན་ཆོས་ཤེས་པ་ཞེས་བྱའོ། །དེ་
D119.052.0234a06.01ལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་དོན་ཤེས་པ་ཞེ་ན། བྱང་ཆུབ་སེམས་དཔའ་སེམས་དཔའ་ཆེན་པོས་ཡི་གེ་དང་ཚིག་ཏུ་སྨྲ་བ་ཐམས་ཅད་ཀྱི་དོན་རྒྱས་པར་ཤེས་པ་ནི་དོན་ཤེས་པ་ཞེས་བྱའོ། །དེ་ལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་དུས་
D119.052.0234a07.01