完整藏文原文 · 德格版页 当前仅加载第 52 函德格 332a 版页；藏文 NFD、目录标记与异常页序保留在来源切片中，重复版页行以稳定序号区分。
ཐོས་སོ་ཞེས་གསུངས། བཅོམ་ལྡན་འདས་འདས་པ་ནི་འགགས་ལགས་པས་མི་ཐོས། མ་འོངས་པ་ནི་མ་ཕྱིན་པས་མི་ཐོས། ད་ལྟར་མཉན་པའི་ཚེ་ནི་ཐོས་པ་ཞེས་མི་བགྱི་སྟེ། ཐོས་ནས་སྒྲ་འགགས་པས་ན་ཐོས་པར་མི་འགྱུར་ཏེ། མྱ་
D119.052.0332a01.01ངན་ལས་འདས་པ་ཆེན་པོ་འདི་ཡང་འདས་པ་དང་། མ་འོངས་པ་དང་། ད་ལྟར་མ་ལགས་ལ། གལ་ཏེ་དུས་གསུམ་མ་ལགས་ན་བརྗོད་དུ་མ་མཆིས། གལ་ཏེ་བརྗོད་དུ་མ་མཆིས་ན་ཐོས་པར་ཡང་མི་འགྱུར་ན་ཅིའི་སླད་དུ་བྱང་ཆུབ་སེམས་དཔའ་མྱ་ངན་ལས་འདས་པ་ཆེན་
D119.052.0332a02.01པོའི་མདོ་སྡེ་འདི་ལ་ནན་ཏན་བགྱིས་ན་མ་ཐོས་པ་ཐོས་པར་འགྱུར་རོ་ཞེས་གསུངས། དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་སྣང་བ་མཐོ་བཙུན་དཔལ་གྱི་རྒྱལ་པོ་ལ་བཀའ་སྩལ་པ། ལེགས་སོ་ལེགས་སོ། །རིགས་ཀྱི་
D119.052.0332a03.01བུ་ཁྱོད་ཀྱིས་ཆོས་ཐམས་ཅད་སྒྱུ་མ་ལྟ་བུ་དང་། སྨིག་རྒྱུ་ལྟ་བུ་དང་། དྲི་ཟའི་གྲོང་ཁྱེར་ལྟ་བུ་དང་། ཆུ་ལ་རི་མོ་བྲིས་པ་དང་། གཞན་ཡང་ཆུའི་ཆུ་བུར་དང་། དབུ་བ་དང་། ཆུ་ཤིང་ལྟ་བུར་གསོབ་གསོག་སྙིང་པོ་མེད་པ་དང་། འཚོ་བ་མ་ཡིན། བདག་མ་ཡིན། སྡུག་བསྔལ་
D119.052.0332a04.01དང་བདེ་བ་མེད་པར་རྟོགས་པ་ནི་ཇི་ལྟར་བྱང་ཆུབ་སེམས་དཔའ་ས་བཅུ་ལ་གནས་པ་དག་གིས་ཤེས་པ་དང་མཐོང་བ་ལྟར་ཤིན་ཏུ་རྟོགས་པ་ལེགས་སོ། །དེ་ནས་འཁོར་གྱི་དཀྱིལ་འཁོར་དེ་ཉིད་དུ་སྐད་ཅིག་ཡུད་ཙམ་གྱིས་འོད་སྣང་བ་ཆེན་པོ་སྔོན་པོ་མ་ཡིན་པར་སྔོན་པོར་མཐོང་བ།
D119.052.0332a05.01སེར་པོ་མ་ཡིན་པར་སེར་པོར་མཐོང་བ། དམར་པོ་མ་ཡིན་པར་དམར་པོར་མཐོང་བ། དཀར་པོ་མ་ཡིན་པར་དཀར་པོར་མཐོང་བ། ཁ་དོག་མ་ཡིན་པར་ཁ་དོག་ཏུ་མཐོང་བ། སྣང་བ་མ་ཡིན་པར་སྣང་བར་མཐོང་བ། མཐོང་བ་མ་ཡིན་པར་མཐོང་བར་གྱུར་པ་ལ་མཐོང་བ་ཞེས་བྱའོ། །
D119.052.0332a06.01དེའི་ཚེ་འཁོར་མང་པོ་དག་ལ་འོད་དེས་རེག་ནས་ལུས་དང་སེམས་རབ་ཏུ་བདེ་བ་ནི་ཇི་ལྟར་དགེ་སྦྱོང་དག་སེང་གེའི་རྒྱལ་པོའི་ཏིང་ངེ་འཛིན་ལ་ཞུགས་པ་བཞིན་དུ་གྱུར་ཏོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་གྱིས་བཅོམ་ལྡན་འདས་ལ་འོད་ཟེར་འདི་དག་ག་
D119.052.0332a07.01