完整藏文原文 · 德格版页 当前仅加载第 52 函德格 180a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་ཕྱེད་ཙམ་ཞིག་སྦྱིན་དུ་མི་རུང་ངམ་ཞེས་སྨྲས་ཀྱང་མ་སྟེར་རོ། །སྲིན་པོས་ཡང་སྨྲས་པ། ཕྱེད་སྦྱིན་དུ་མི་རུང་ན་སུམ་ཆ་ཙམ་ཞིག་བྱིན་ཅིག་ཅེས་བྱས་ཀྱང་མ་སྟེར་རོ། །སྲིན་པོས་ཡང་སྨྲས་པ། སུམ་ཆ་ཙམ་སྦྱིན་དུ་མི་རུང་ན་ཡང་ལག་མཐིལ་ཙམ་བྱིན་ཅིག་ཅེས་སྨྲས་ཀྱང་
D119.052.0180a01.01མ་སྟེར་རོ། །སྲིན་པོས་ཡང་སྨྲས་པ། འདི་ལྟར་ཁྱོད་ཀྱིས་ལག་མཐིལ་ཙམ་ཡང་མི་སྦྱིན་ན། བདག་ནི་ཤིན་ཏུ་ལྟོགས་པས་སྡུག་བསྔལ་གྱིས་ཡོངས་སུ་གདུངས་ན་རྡུལ་གྱི་ཆ་ཤས་ཙམ་ཞིག་བདག་ལ་སྩལ་དུ་གསོལ། མི་དེས་སྨྲས་པ། ཁྱོད་སློང་བ་འདི་ཡང་ཆེན་པོ་མ་ཡིན་ཏེ་ཤིན་ཏུ་ཡང་ཆུང་
D119.052.0180a02.01མོད་ཀྱི། འོན་ཀྱང་བདག་རྒྱ་མཚོ་མ་རྒལ་ལ། ཕ་རོལ་གྱི་མཐའ་ཉེ་རིང་ཡང་མ་རྟོགས་པར་ཁྱོད་ལ་བྱིན་པར་གྱུར་ན། དབུགས་ཕྱིར་འབྱུང་སྟེ། རྒྱ་མཚོའི་བགེགས་ལས་ཀྱང་ག་ལ་ཞིག་ཐར་ཏེ། ཆུའི་ནང་དུ་བདག་འཆི་བར་འགྱུར་རོ། །རིགས་ཀྱི་བུ་བྱང་ཆུབ་སེམས་དཔའ་སེམས་
D119.052.0180a03.01དཔའ་ཆེན་པོའི་ཚུལ་ཁྲིམས་ཡོངས་སུ་བསྲུང་བ་ཡང་དེ་དང་འདྲ་སྟེ། ཇི་ལྟར་རྒྱ་མཚོ་རྒལ་བའི་མི་དེ་རྐྱལ་པ་ཕངས་པ་བཞིན་དུ་བྱང་ཆུབ་སེམས་དཔའ་ཡང་ཚུལ་ཁྲིམས་སྲུང་བའི་ཚེ་ན། ཉོན་མོངས་པའི་སྲིན་པོ་མ་རུངས་པ་རྣམས་བྱང་ཆུབ་སེམས་དཔའ་ལ་འདི་སྐད་ཅེས་ཟེར་རོ། །ཁྱོད་
D119.052.0180a04.01བདག་སྨྲ་བ་ལ་ཡིད་ཆེས་པར་གྱིས་ཤིག་དང་ཁྱོད་ལ་སླུ་བ་མ་ཡིན་ཏེ། ཁྱོད་ཀྱིས་ཕས་ཕམ་པ་བཞི་ཉམས་ཀྱང་ཚུལ་ཁྲིམས་གཞན་སྲུང་ན་དེའི་རྒྱུ་དེའི་རྐྱེན་གྱིས་ཁྱོད་རབ་ཏུ་བདེ་བའི་མྱ་ངན་ལས་འདའ་བ་འཐོབ་པར་འགྱུར་རོ་ཞེས་ཟེར་རོ། །དེའི་ཚེ་ན། བྱང་ཆུབ་སེམས་དཔའ་དེ་འདི་སྐད་ཅེས་
D119.052.0180a05.01ཟེར་རོ། །བདག་ཚུལ་ཁྲིམས་དེ་དག་བསྲུངས་པས་མཚམས་མེད་པའི་སེམས་ཅན་དམྱལ་བར་ལྷུང་ཡང་བླའི། ཚུལ་ཁྲིམས་ཉམས་ཏེ་མཐོ་རིས་ཀྱི་ལྷར་སྐྱེ་བ་མི་འདོད་དོ། །ཉོན་མོངས་པའི་སྲིན་པོ་ཡང་འདི་སྐད་ཅེས་ཟེར་ཏེ། ཁྱོད་ཕས་ཕམ་པ་བཞི་ཉམས་པར་མི་འདོད་ན། དགེ་འདུན་གྱི་
D119.052.0180a06.01ལྷག་མ་མ་བསྲུངས་ཀྱང་དེའི་རྒྱུ་དེའི་རྐྱེན་གྱིས་རབ་ཏུ་བདེ་བའི་མྱ་ངན་ལས་འདའ་བ་ཐོབ་པར་འགྱུར་རོ་ཞེས་སྨྲས་ཀྱང་། བྱང་ཆུབ་སེམས་དཔའ་ཚིག་དེའི་རྗེས་སུ་མི་འཇུག་གོ། །ཉོན་མོངས་པའི་སྲིན་པོ་ཡང་འདི་སྐད་དུ། ཁྱོད་དགེ་འདུན་གྱི་ལྷག་མ་ཉམས་པར་མི་འདོད་ན། ཉེས་པ་སྦོམ་པོའི་ཆོས་
D119.052.0180a07.01